അ​വ​ഗ​ണ​ന​യു​ടെ നൂ​ലി​ഴ​യി​ൽ ഖാ​ദി കേ​ന്ദ്ര​വും തൊ​ഴി​ലാ​ളി​ക​ളും

പ​ര​പ്പ​ന​ങ്ങാ​ടി: കൊ​ടി​യ മ​നു​ഷ്യാ​വ​കാ​ശ നി​ഷേ​ധ​ത്തി​ന്റെ​യും തൊ​ഴി​ല​വ​കാ​ശ ധ്വം​സ​ന​ത്തി​ന്റെ​യും ക​ര​ള​ലി​യി​ക്കു​ന്ന കാ​ഴ്ച​ക​ളു​മാ​യി പ​ര​പ്പ​ന​ങ്ങാ​ടി നെ​ടു​വ പൂ​വ​ത്താ​ൻ കു​ന്നി​ലെ ഖാ​ദി വ്യ​വ​സാ​യ കേ​ന്ദ്രം നാ​ലു പ​തി​റ്റാ​ണ്ട് പി​ന്നി​ടു​ന്നു. ഇ​വി​ടെ വ​ർ​ഷ​ങ്ങ​ളാ​യി ച​ർ​ക്ക​യി​ൽ​നി​ന്ന് നൂ​ലെ​ടു​ത്തും കൈ​ത്ത​റി തു​ണി​ക​ൾ നെ​യ്തും പ​ണി​യെ​ടു​ക്കു​ന്ന കു​ടും​ബി​നി​മാ​രു​ടെ അ​വ​സ്ഥ അ​ങ്ങേ​യ​റ്റം പ​രി​താ​പ​ക​ര​മാ​ണ്. രാ​വി​ലെ മു​ത​ൽ വൈ​കീ​ട്ടു വ​രെ ജോ​ലി ചെ​യ്ത് കി​ട്ടു​ന്ന വേ​ത​ന​മാ​ക​ട്ടെ 50 രൂ​പ പോ​ലും തി​ക​യി​ല്ല. ഈ ​ഞെ​ട്ടി​ക്കു​ന്ന വ​സ്തു​ത കേ​ൾ​ക്കാ​നാ​ക​ട്ടെ തൊ​ഴി​ലാ​ളി സ​ർ​ക്കാ​റി​നോ, തൊ​ഴി​ലാ​ളി സം​ഘ​ട​ന​ക​ൾ​ക്കോ കാ​തി​ല്ല. ഇ​പ്പോ​ൾ വ​ല്ലാ​ണ്ടി​ല്ലെ​ങ്കി​ലും മു​മ്പ് ഞ​ങ്ങ​ളു​ടെ സ​ങ്ക​ടം സ​മ​ര​ങ്ങ​ളാ​യി ക​ല​ക്ട​റേ​റ്റി​ന് മു​ന്നി​ൽ ഞ​ങ്ങ​ളു​ടെ സം​ഘ​ട​ന​യാ​യ സി.​ഐ.​ടി.​യു​വി​ന് കീ​ഴി​ൽ ന​ട​ക്കാ​റു​ണ്ടാ​യി​രു​ന്നെ​ങ്കി​ലും അ​ത​കൊ​ണ്ടൊ​ന്നും കാ​ര്യ​മി​ല്ലെ​ന്ന് മ​ന​സ്സി​ലാ​യി -പ്ര​തീ​ക്ഷ​യ​റ്റ തൊ​ഴി​ലാ​ളി​ക​ൾ ക​ണ്ണു തു​ട​ച്ചു.

1982ൽ ​മു​ൻ ഉ​പ​മു​ഖ്യ​മ​ന്ത്രി അ​വു​ക്കാ​ദ​ർ​ക്കു​ട്ടി ന​ഹ ഉ​ദ്ഘാ​ട​നം ചെ​യ്ത ഖാ​ദി കേ​ന്ദ്ര​ത്തി​ൽ എ​ഴു​പ​തോ​ളം തൊ​ഴി​ലാ​ളി​ക​ളു​ണ്ടാ​യി​രു​ന്ന​ത് ഇ​പ്പോ​ൾ 11ൽ ​എ​ത്തി. മ​ല​പ്പു​റം കോ​ട്ട​പ്പ​ടി ഖാ​ദി കേ​ന്ദ്ര​ത്തി​ന് കീ​ഴി​ലാ​ണ് പ​ര​പ്പ​ന​ങ്ങാ​ടി കേ​ന്ദ്രം പ്ര​വ​ർ​ത്തി​ക്കു​ന്ന​ത്.

മ​ല​പ്പു​റം കേ​ന്ദ്ര​ത്തി​ൽ​നി​ന്നെ​ത്തു​ന്ന പ​ഞ്ഞി​ക്കെ​ട്ടു​ക​ൾ ച​ർ​ക്ക​യി​ലി​ട്ട് നൂ​ലാ​ക്കി​മാ​റ്റി ഇ​വ മ​റ്റു കേ​ന്ദ്ര​ങ്ങ​ളി​ൽ കൊ​ണ്ടു​പോ​യി ക​ള​ർ മു​ക്കി വീ​ണ്ടും പ​ര​പ്പ​ന​ങ്ങാ​ടി കേ​ന്ദ്ര​ത്തി​ലെ​ത്തും. അ​വ തൊ​ഴി​ലാ​ളി​ക​ൾ വെ​ള്ളം നി​റ​ച്ചു​വെ​ച്ച ടാ​ങ്കി​ലി​ട്ട് ച​വി​ട്ടി മെ​തി​ച്ച ശേ​ഷം വെ​യി​ലി​ൽ ഉ​ണ​ക്കി​യെ​ടു​ക്ക​ണം. പി​ന്നീ​ട് നൂ​ലു​ക​ൾ നൂ​റോ​ളം വ​രു​ന്ന ചെ​റി​യ റോ​ളു​ക​ളി​ൽ ചു​റ്റി​വെ​ച്ച് അ​വ പ്ര​ത്യേ​ക താ​ള​ത്തി​ൽ കൈ​ത്ത​റി​യു​ടെ മ​ര​ത്ത​റി​യി​ലേ​ക്ക് പാ​ക​പ്പെ​ടു​ത്തി തു​ണി നെ​യ്തെ​ടു​ക്ക​ണം. ക​ണ്ണും മ​ന​സ്സും താ​ള​ക്ര​മം തെ​റ്റാ​തെ അ​ധ്വാ​നി​ക്കു​ന്ന ഈ ​തൊ​ഴി​ലി​ന്റെ ശാ​രീ​രി​ക മാ​ന​സി​ക അ​ധ്വാ​നം ഏ​റെ വ​ലു​താ​ണ്. നി​ശ്ചി​ത ദി​വ​സം പി​ന്നി​ട്ടാ​ൽ താ​ൽ​ക്കാ​ലി​ക തൊ​ഴി​ലാ​ളി​ക​ളെ സ്ഥി​ര​മാ​ക്ക​ണ​മെ​ന്ന നി​യ​മം നി​ല​നി​ൽ​ക്കു​ന്ന, തൊ​ഴി​ലാ​ളി​പ​ക്ഷ സ​ർ​ക്കാ​ർ നാ​ട് ഭ​രി​ക്കു​ന്ന സം​സ്ഥാ​ന​ത്താ​ണ് 41 വ​ർ​ഷ​മാ​യി ഈ ​സ്ഥാ​പ​ന​ത്തി​ൽ ജോ​ലി​ചെ​യ്യു​ന്ന പി. ​ത​ങ്ക​മ​ണി ഉ​ൾ​പ്പെ​ടെ​യു​ള്ള​വ​ർ ഇ​ന്നും ഒ​രു നേ​ര​ത്തേ ഭ​ക്ഷ​ണ​ത്തി​നു​ള്ള കാ​ശു​പോ​ലും ല​ഭി​ക്കാ​തെ ചൂ​ഷ​ണം ചെ​യ്യ​പ്പെ​ടു​ന്ന​ത്.

ഖാ​ദി കേ​ന്ദ്രം അ​വ​ഗ​ണ​ന​യു​ടെ കൂ​ര​മ്പു​ക​ളേ​റ്റ് ദ​യാ​വ​ധം കാ​ത്തു​കി​ട​ക്കു​ക​യാ​ണ്. ഉ​പ​ക​ര​ണ​ങ്ങ​ൾ പ​ല​തും കേ​ടു​വ​ന്നി​ട്ട് കാ​ല​ങ്ങ​ളാ​യി. പ​രാ​തി​ക​ളെ​ല്ലാം അ​ധി​കാ​രി​ക​ളു​ടെ ബ​ധി​ര ക​ർ​ണ​ങ്ങ​ളി​ലാ​ണ് ചെ​ന്നു പ​തി​ക്കു​ന്ന​തെ​ന്ന് തൊ​ഴി​ലാ​ളി​ക​ൾ പ​റ​യു​ന്നു. കൈ​ത്ത​റി കേ​ന്ദ്ര​ത്തി​ൽ നി​ർ​മി​ച്ച കി​ണ​ർ ഉ​പ​യോ​ഗ ശൂ​ന്യ​മാ​യി ന​ശി​ക്കാ​ൻ തു​ട​ങ്ങി​യി​ട്ട് വ​ർ​ഷ​ങ്ങ​ളാ​യി.

ഖാ​ദി ബോ​ർ​ഡും സം​സ്ഥാ​ന സ​ർ​ക്കാ​റും ജി​ല്ല ഭ​ര​ണ​കൂ​ട​വും പ്രാ​ദേ​ശി​ക ഭ​ര​ണ​കൂ​ട​വും ആ​ർ​ക്കു​വേ​ണ്ടി​യാ​ണ് ക​ണ്ണ​ട​ക്കു​ന്ന​ത്. തൊ​ഴി​ലാ​ളി സം​ഘ​ട​ന​ക​ളും വ​നി​ത കൂ​ട്ടാ​യ്മ​ക​ളും മ​നു​ഷ്യാ​വ​കാ​ശ സം​ഘ​ട​ന​ക​ളും എ​ന്തു​കൊ​ണ്ടാ​ണ് ജീ​വ​ന​റ്റു കി​ട​ക്കു​ന്ന​ത്. മു​ൻ വ​ർ​ഷ​ങ്ങ​ളി​ൽ ഓ​ണ​ത്തി​ന് കി​ട്ടി​യി​രു​ന്ന ബോ​ണ​സി​നെ​ക്കു​റി​ച്ചും ഇ​ത്ത​വ​ണ ഒ​ന്നും കേ​ൾ​ക്കു​ന്നി​ല്ലെ​ന്നും പ​ട്ടി​ണി​യു​ടെ നൂ​ലി​ഴ​ക​ൾ ചേ​ർ​ത്തി​ണ​ക്കാ​ൻ പ​ഠി​ച്ച ഞ​ങ്ങ​ൾ​ക്ക് അ​തും ഒ​രു വ​ലി​യ കാ​ര്യ​മ​ല്ലെ​ന്നും ത​ങ്ങ​ൾ​ക്കു​വേ​ണ്ടി ശ​ബ്ദി​ക്കാ​ൻ ആ​രു​മി​ല്ലെ​ന്നും തൊ​ഴി​ലാ​ളി​ക​ൾ പ​റ​ഞ്ഞു.