കുട്ടി അബദ്ധത്തിൽ ഹാൻഡ്ബ്രേക്ക് താഴ്ത്തി, കാർ പിന്നോട്ടുരുണ്ട് തിരക്കേറിയ റോഡിലേക്ക്; അപകടം ഒഴിവായത് തലനാരിഴയ്ക്ക്

കോട്ടയം: നിർത്തിയിട്ട കാർ കുട്ടി ഹാന്‍ഡ് ബ്രേക്ക് താഴ്ത്തിയതിനെ തുടർന്ന് പിന്നോട്ടുരുണ്ട് റോഡിലേക്കിറങ്ങി. കോട്ടയം മണര്‍കാട് - പുതുപ്പള്ളി റൂട്ടിൽ ശനിയാഴ്ചയായിരുന്നു സംഭവം. തിരക്കേറിയ റോഡിൽ രണ്ട് ഭാഗത്തുനിന്നും വാഹനങ്ങള്‍ വന്നിരുന്നെങ്കിലും തലനാരിഴയ്ക്ക് അപകടം ഒഴിവായി.

സ്വകാര്യ ബാങ്കിന്റെ പാര്‍ക്കിങ് ഏരിയയിലായിരുന്നു കാര്‍ നിർത്തിയിരുന്നത്. കുട്ടി ഹാൻഡ്ബ്രേക്ക് വലിച്ചതും കാർ പിന്നോട്ടുരുണ്ട് റോഡിലേക്കിറങ്ങി എതിര്‍വശത്ത് ഇടിച്ചുനില്‍ക്കുകയായിരുന്നു. മറ്റൊരു കാറുമായി കൂട്ടിയിടിയിൽ നിന്ന് തലനാരിഴക്കാണ് ഒഴിവായത്. സംഭവത്തിന്റെ സി.സി.ടി.വി ദൃശ്യങ്ങളും പുറത്തുവന്നിട്ടുണ്ട്‌.

(VIDEO COURTESY: ENTE MANARCAD)