കിറ്റെക്സ് ജീവനക്കാരൻ ഫ്ലാറ്റിൽനിന്ന് വീണ് മരിച്ചു

പെരുമ്പാവൂർ: ഫ്ലാറ്റിന്റെ മുകളിൽ നിന്ന് വീണ് പരിക്കേറ്റ് ചികിത്സയിലിരുന്ന കിഴക്കമ്പലം കിറ്റെക്സ് ഗാർമെന്റ്‌സിലെ ജീവനക്കാരൻ മരിച്ചു. കാസർകോട് ഹോസ്ദുർഗ് തോയമ്മാൽ കണ്ടത്തിൽ വീട്ടിൽ ഭാസ്കരന്റെ മകൻ രതീഷാണ് (37) മരിച്ചത്.

അറയ്ക്കപ്പടിയിലെ ഫ്ലാറ്റിൽ ജൂലൈ ഒന്നിന് രാത്രി 10.30ന് ആയിരുന്നു സംഭവം. കോലഞ്ചേരി മെഡിക്കൽ കോളജ് ആശുപത്രിയിൽ പ്രവേശിപ്പിച്ചെങ്കിലും ബുധനാഴ്ച പുലർച്ചെ മരിച്ചു.