കിറ്റെക്​സ്​ തൊഴിലാളികൾ പ്രതിഷേധ ജ്വാല തെളിച്ചു; പതിനായിരത്തോളം പേർ പങ്കെടുത്തു

കിഴക്കമ്പലം (എറണാകുളം): 26 വർഷമായി പ്രവർത്തിക്കുന്ന കിറ്റെക്‌സ് ഗാർമെൻറ്​സിനെ തകർക്കാൻ രാഷ്​ട്രീയ - ഉദ്യോഗസ്​ഥ വൃന്ദങ്ങൾ ശ്രമിക്കു​െന്നന്ന് ആരോപിച്ച് തൊഴിലാളികൾ പ്രതിഷേധ ജ്വാല തെളിച്ചു. കിറ്റെക്‌സ് ഗ്രൗണ്ടിൽ നടന്ന പരിപാടിയിൽ പതിനായിരത്തോളം പേർ പങ്കെടുത്തു.

. 'അന്നം മുടക്കരുത് ജീവിച്ചോട്ടേ ഞങ്ങൾ, സഹായം വേണ്ട ഉപദ്രവിക്കരുത്, കിറ്റെക്‌സിന് ഒപ്പം ഞങ്ങളുണ്ട് ഒറ്റക്കെട്ടായി' തുടങ്ങിയ വാചകങ്ങൾ ഹിന്ദിയിലും മലയാളത്തിലും എഴുതിയ പ്ലക്കാർഡുമായായിരുന്നു പ്രതിഷേധം. വൈകീട്ട് ആറിന് ആരംഭിച്ച പ്രതിഷേധം അരമണിക്കൂർ നീണ്ടു.