കുട്ടികളെ പ്രദര്‍ശിപ്പിച്ചുള്ള സമരം ശരിയല്ലെന്ന പ്രസ്താവനയിൽ ഉറച്ചു നിൽക്കുന്നു- കെ.കെ.ശൈലജ

കാഞ്ഞങ്ങാട്​: എന്‍ഡോസള്‍ഫാന്‍ ദുരിതബാധിതര്‍ക്കുവേണ്ടി സെക്രട്ടേറിയറ്റിനു മുന്നില്‍ കുട്ടികളെ പ്രദർശിപ്പിച്ചുള്ള സമരം ശരിയല്ലെന്ന പ്രസ്​താവനയിൽ ഉറച്ചുനിൽക്കുന്നതായി ആരോഗ്യമന്ത്രി കെ.കെ. ശൈലജ. കാഞ്ഞങ്ങാട്​ അമ്മയും കുഞ്ഞും ആശുപത്രിയുടെ ശിലാസ്​ഥാപനം നടത്തിയശേഷം മാധ്യമങ്ങളോട് സംസാരിക്കുകയായിരുന്നു മന്ത്രി.

സമരക്കാരെ അവഹേളിച്ചിട്ടില്ല. കുട്ടികളെ സമരപ്പന്തലിലിരുത്തി കഷ്​ടപ്പെടുത്തുന്നത്​ ശരിയല്ല. അന്തരീക്ഷത്തിലെ പൊടിയും മറ്റും ശ്വസിക്കുന്നത്​ കുട്ടികളുടെ ആരോഗ്യത്തെ ബാധിക്കും. ജസ്​റ്റിസ്​ ആക്​ട്​ പ്രകാരം കുട്ടികളെ ഉപയോഗിച്ച്​ സമരം ചെയ്യരുതെന്ന്​ വ്യക്തമാക്കിയിട്ടുണ്ട്​.