പൊലീസുകാർക്ക്​ രാഷ്​ട്രീയമുണ്ടാവുന്നതിൽ തെറ്റില്ലെന്ന്​ ശൈലജ

​കണ്ണൂർ: ​പൊലീസുകാർക്ക്​ രാഷ്​​്ട്രീയം ഉണ്ടാവുന്നതിൽ തെറ്റില്ലെന്ന്​ ആരോഗ്യമന്ത്രി കെ.കെ ശൈലജ. രക്​തസാക്ഷികൾ സിന്ദാബാദ്​ എന്ന്​ വിളിക്കു​​േമ്പാൾ അതിൽ ഗാന്ധിജിയും ഉൾപ്പെടും. രക്​തസാക്ഷികൾക്ക്​ സിന്ദാബാദ്​ വിളിച്ചാൽ ആർക്കാണ്​ ഇത്ര പ്രശ്​നമെന്നും ശൈലജ ചോദിച്ചു.

നേരത്തെ പൊലീസ്​ അസോസിയേഷൻ സമ്മേളനങ്ങളിൽ ചുവന്ന സ്​തൂപം വെച്ച്​ രക്​തസാക്ഷികൾക്ക്​ സിന്ദബാദ്​ വിളിച്ചത്​ വിവാദമായിരുന്നു. ഇത്​ ചട്ടലംഘനമാണെന്ന്​ ഇൻറലിജൻസ്​ ഡി.ജി.പിക്ക്​ റി​പ്പോർട്ട്​ നൽകിയിരുന്നു. ഇതേ തുടർന്ന്​ ഡി.ജി.പി ലോക്​നാഥ്​ ബെഹ്​റ പൊലീസ്​ അസോസിയേഷനോട്​ വിശദീകരണം ചോദിച്ചുവെന്ന റിപ്പോർട്ടുകളും പുറത്ത്​ വരുന്നുണ്ട്​. ഇതിനിടെയാണ്​ സംസ്ഥാന മ​ന്ത്രിസഭയിലെ ഒരു മന്ത്രി​ തന്നെ പൊലീസ്​ അസോസിയേഷനെ പിന്തുണച്ച്​ രംഗത്തെത്തുന്നത്​.