ബഷീറി​ന്‍റെ മരണം: ഫോണ്‍ ക​ണ്ടെത്തണമെന്ന് കാന്തപുരം

തിരുവനന്തപുരം: ശ്രീറാം വെങ്കിട്ടരാമൻ ​െഎ.എ.എസ്​ ഒാടിച്ച കാറിടിച്ച്​ സിറാജ്​ തിരുവനന്തപുരം യൂനിറ്റ് ചീഫ് കെ.എ ം. ബഷീർ മരിച്ച സംഭത്തിൽ സിറാജ്​ ചെയർമാൻ കൂടിയായ കാന്തപുരം എ.പി. അബൂബക്കര്‍ മുസ്‌ലിയാര്‍ മുഖ്യമന്ത്രി പിണറായി വ ിജയനുമായി കൂടിക്കാഴ്ച നടത്തി. ആദ്യഘട്ടത്തില്‍ ചില വീഴ്ചകളുണ്ടായെങ്കിലും നിലവില്‍ നല്ല രീതിയിലാണ് അന്വേഷണം പോകുന്നതെന്ന് മുഖ്യമന്ത്രി കാന്തപുരത്തെ അറിയിച്ചു.

അപകടത്തിന് ശേഷം കാണാതായ ബഷീറി​​െൻറ മൊബൈല്‍ ഫോണ്‍ ക​െണ്ടത്തുന്നതിന് നടപടികള്‍ സ്വീകരിക്കണമെന്ന്​ കാന്തപുരം ആവശ്യപ്പെട്ടു. ആദ്യ ഘട്ടത്തില്‍ തെളിവുകള്‍ നഷ്​ടപ്പെട്ടെങ്കിലും ശേഷിക്കുന്ന ശാസ്ത്രീയവും സാങ്കേതികവുമായ തെളിവുകള്‍ ശേഖരിച്ചു വരുകയാണെന്നും അന്വേഷണസംഘം വ്യക്തമാക്കിയിട്ടുണ്ട്. അന്വേഷണം നിലവില്‍ തൃപ്തികരമാണ്.

സംഘത്തി​​െൻറ തുടര്‍റിപ്പോര്‍ട്ട് സത്യസന്ധമാകുമെന്നാണ് പ്രതീക്ഷിക്കുന്നത്. എന്നാല്‍ അന്വേഷണ റിപ്പോര്‍ട്ട് പുറത്തു വന്നശേഷം ആവശ്യമെങ്കില്‍ നിയമനടപടികളുള്‍പ്പെടെ തുടര്‍നടപടികളിലേക്ക് കടക്കുമെന്ന് കൂടിക്കാഴ്ചക്ക് ശേഷം കാന്തപുരം മാധ്യമപ്രവര്‍ത്തകരോട് പറഞ്ഞു. വാര്‍ത്തസമ്മേളനത്തില്‍ സിറാജ് ഡയറക്ടര്‍ എ. സൈഫുദ്ദീന്‍ ഹാജി, എസ്.വൈ.എസ് ജില്ല പ്രസിഡൻറ്​ സിദ്ദീഖ്​ സഖാഫി നേമം, യൂസുഫ് ഹൈദര്‍ എന്നിവരും പങ്കെടുത്തു.