കെ.എം മാണിയുടെ ആരോഗ്യനില ഗുരുതരമെന്ന്​ റി​പ്പോർട്ട്​

കൊച്ചി: കൊച്ചി ലേക്​ഷോർ ആശുപത്രിയിൽ ചികിത്സയിലുള്ള കേരള കോൺഗ്രസ്-എം ചെയർമാനും മുൻമന്ത്രിയുമായ കെ.എം. മാണിയുട െ നില ഗുരുതരം. ശ്വാസകോശത്തിലെ അണുബാധയെയും സി.ഒ.പി.ഡിയെയും (ക്രോണിക് ഒബ്സ്ട്രക്ടിവ് പൾമണറി ഡിസീസ്) തുടർന്നാണ് അദ ്ദേഹത്തെ നാലുദിവസം മുമ്പ് ആശുപത്രിയിൽ പ്രവേശിപ്പിച്ചത്.

വൃക്കകൾ തകരാറിലായ മാണിക്ക് ഡയാലിസിസ് ചെയ്യുന്നുണ്ട്. തീവ്രപരിചരണ വിഭാഗത്തിൽ ചീഫ് പൾമണോളജിസ്​റ്റ്​ ഡോ. ഹരി ലക്ഷ്മണ​​​െൻറ നേതൃത്വത്തിലുള്ള സംഘത്തി​​െൻറ നിരീക്ഷണത്തിലാണദ്ദേഹം. രാത്രി വ​​െൻറിലേറ്റർ സഹായം നൽകും. ഇതിനിടെ, ആരോഗ്യനിലയിൽ നേരിയ പുരോഗതിയുണ്ടെന്ന്​ ആശുപത്രി അധികൃതർ മെഡിക്കൽ ബുള്ളറ്റിനിൽ വ്യക്തമാക്കി.

കൊച്ചിയിൽ െതരഞ്ഞെടുപ്പ് പ്രചാരണത്തിനെത്തിയ മുഖ്യമന്ത്രി പിണറായി വിജയൻ തിങ്കളാഴ്​ച വൈകീട്ട് നാലോടെ ആശുപത്രിയിൽ കെ.എം. മാണിയെ സന്ദർശിച്ചു. അദ്ദേഹം കുടുംബാംഗങ്ങളോട്​ രോഗവിവരങ്ങൾ ചോദിച്ചറിഞ്ഞു. സന്ദർശകർക്ക്​ കർശനനിയന്ത്രണം ഏർപ്പെടുത്തിയിട്ടുണ്ട്​.