തെരഞ്ഞെടുപ്പ്​ ഹരജിയിൽ മാണിക്ക്​ സുപ്രീംകോടതി നോട്ടീസ്

ന്യൂ​ഡ​ല്‍ഹി: നി​യ​മ​സ​ഭ തെ​ര​ഞ്ഞെ​ടു​പ്പി​ല്‍ പാ​ലാ മ​ണ്ഡ​ല​ത്തി​ല്‍നി​ന്നു കെ.​എം. മാ​ണി​യു​ടെ തെ​ര​ഞ്ഞെ​ടു​പ്പ് വി​ജ​യം ചോ​ദ്യം​ചെ​യ്തു​ള്ള ഹ​ര​ജി​യി​ല്‍ സു​പ്രീം​കോ​ട​തി നോ​ട്ടീ​സ​യ​ച്ചു. മ​ണ്ഡ​ല​ത്തി​ലെ വോ​ട്ട​റാ​യ കെ.​സി. ചാ​ണ്ടി​യാ​ണ്​ ഹ​ര​ജി​ക്കാ​ര​ൻ. പാ​ലാ, മീ​ന​ച്ചി​ല്‍ റ​ബ​ര്‍ മാ​ര്‍ക്ക​റ്റി​ങ്​ സൊ​സൈ​റ്റി​ക​ളി​ലെ റ​ബ​ര്‍ ക​ര്‍ഷ​ക​ര്‍ക്കു​ള്ള കു​ടി​ശ്ശി​ക തെ​ര​ഞ്ഞെ​ടു​പ്പ് സ​മ​യ​ത്ത് വി​ത​ര​ണം ചെ​യ്ത​ത് വോ​ട്ട​ര്‍മാ​രെ സ്വാ​ധീ​നി​ക്കാ​നാ​ണെ​ന്നാ​ണ് ഹ​ര​ജി​ക്കാ​ര​​െൻറ ആ​രോ​പ​ണം.

സ​ഹ​ക​ര​ണ ബാ​ങ്ക് വ​ഴി വാ​യ്പ ല​ഭ്യ​മാ​ക്കി പാ​ലാ മ​ണ്ഡ​ല​ത്തി​ലു​ള്ള ക​ര്‍ഷ​ക​ര്‍ക്കു മാ​ത്രം വി​ത​ര​ണം ചെ​യ്യു​ക​യും പ​ത്ര​ത്തി​ലൂ​ടെ പ​ര​സ്യം​ചെ​യ്യു​ക​യും ചെ​യ്ത​ത് വോ​ട്ട​ര്‍മാ​ര്‍ക്ക് കോ​ഴ ന​ല്‍കു​ന്ന​തി​നു തു​ല്യ​മാ​ണെ​ന്നും ഹ​ര​ജി​ക്കാ​ര​ന്‍ വാ​ദി​ച്ചു. ഇ​തു പ​രി​ഗ​ണി​ച്ചാ​ണ് ജ​സ്​​റ്റി​സു​മാ​രാ​യ ജെ.  ​ചെ​ല​മേ​ശ്വ​ര്‍, എ​സ്.​കെ. കൗ​ള്‍ എ​ന്നി​വ​രു​ടെ ബെ​ഞ്ച് നോ​ട്ടീ​സ​യ​ച്ച​ത്. കു​ടി​ശ്ശി​ക വി​ത​ര​ണം ചെ​യ്ത​ത് കോ​ഴ​യാ​യി ക​ണ​ക്കാ​ക്കാ​നാ​കി​ല്ലെ​ന്നു വ്യ​ക്ത​മാ​ക്കി ഹൈ​കോ​ട​തി ഹ​ര​ജി ത​ള്ളി​യി​രു​ന്നു.