ഉടയാടകൾ അഴിപ്പിക്കുന്ന ഭ്രാന്താണ് എസ്.എഫ്.ഐ -കെ.എം ഷാജി

മലപ്പുറം: വിപ്ലവത്തിന്‍റെ പേര് പറഞ്ഞ് ഉടയാടകൾ അഴിപ്പിക്കുന്ന ഭ്രാന്തിന് ഇന്ന് കാമ്പസുകളിൽ കാണുന്ന പേരാണ് എസ്.എഫ്.ഐയെന്ന് മുസ് ലിം ലീഗ് സംസ്ഥാന സെക്രട്ടറി കെ.എം ഷാജി. നഗ്​നരാവണം എന്ന് പറയുന്നു. മറച്ചുവെച്ചിരിക്കുന്നതൊക്കെ എന്തിനാണ് എന്ന ചോദ്യമുണ്ടാവുന്നു. കാണാനുള്ള കണ്ണിന്‍റെ ആസക്തിയെയും ഭോഗിക്കാനുള്ള മനുഷ്യന്‍റെ ശാരീരികതൃഷ്ണയെയും വിപ്ലവത്തിന്‍റെ ചേരുവ ചേർത്ത് വിൽക്കുന്ന തോന്നിവാസമാണ് എസ്.എഫ്.ഐയെന്നും എം.എസ്.എഫ് മലപ്പുറം ജില്ല കമ്മിറ്റി സംഘടിപ്പിച്ച 'കാമ്പസ് പോർട്ടിക്കോ-ലീഡേഴ്സ് ഗാതറിങ്ങി' ൽ വിഷയാവതരണം നടത്തവെ അദ്ദേഹം കുറ്റപ്പെടുത്തി.

അതിന് നിന്ന് കൊടുക്കുമ്പോൾ നഷ്ടപ്പെടുന്നത് വ്യത്യസ്തതതയും വ്യക്തിത്വവും വ്യതിരിക്തതയുമാണ്. അതാണോ കാമ്പസിൽ ഉണ്ടാവണമെന്ന് പറയുന്നത്. മനുഷ്യരാകാനാണ് പഠിക്കേണ്ടതെന്നും ഷാജി കൂട്ടിച്ചേർത്തു