'പാർട്ടി തന്നെ തിരുത്തിയാലും ശത്രു പാളയത്തിൽ പോകില്ല'; ലീഗ് യോഗത്തിൽ വിമർശനമെന്ന വാർത്ത തള്ളി കെ.എം. ഷാജി

മസ്കത്ത്: മു​സ്​​ലിം ലീ​ഗ് സം​സ്ഥാ​ന പ്ര​വ​ർ​ത്ത​ക​സ​മി​തി യോ​ഗ​ത്തി​ൽ തനിക്കെതിരെ വിമർശനമുണ്ടായെന്ന ആരോപണം തള്ളി സം​സ്ഥാ​ന സെ​ക്ര​ട്ട​റി കെ.എം. ഷാജി. ലീഗ് യോഗത്തിൽ തനിക്കെതിരെ വിമർശനമുണ്ടായിട്ടില്ലെന്ന് കെ.എം. ഷാജി വ്യക്തമാക്കി. ഒമാനിലെ മസ്‌കത്ത് കെ.എം.സി.സി അൽ ഖൂദ് ഏരിയ സംഘടിപ്പിച്ച 'ഉദയം 2022' പരിപാടിയിലാണ് ഇക്കാര്യം വ്യക്തമാക്കിയത്.

ശത്രു പാളയത്തിൽ അടയിരുന്ന് ആനുകൂല്യം പറ്റുന്നവരുടെ കൂട്ടത്തിൽ താനുണ്ടാകില്ല. പാർട്ടി തന്നെ തിരുത്തിയാലും ശത്രു പാളയത്തിൽ പോകില്ലെന്നും ഷാജി വ്യക്തമാക്കി.

നേതാക്കന്മാർക്കിടയിൽ ചർച്ചയും ആലോചനയും അഭിപ്രായവും അഭിപ്രായ വ്യത്യാസവുമുണ്ടാകും. ലീഗ് യോഗത്തിൽ കെ.എം. ഷാജിക്കെതിരെ വലിയ വിമർശനമുണ്ടായെന്ന് ഇന്നലെ വാർത്തകൾ വന്നു. ലീഗിനകത്ത് വിമർശനമൊക്കെയുണ്ടെന്ന് നിങ്ങൾ സമ്മതിച്ചതിൽ സന്തോഷമുണ്ട്.

എന്നാൽ, യോഗത്തിൽ അങ്ങനെ വിമർശനമൊന്നും തനിക്കെതിരെ നടന്നിട്ടില്ലെന്ന് പാർട്ടി സെക്രട്ടറിയും ചുമതലക്കാരുമെല്ലാം പറഞ്ഞതെന്നും കെ.എം. ഷാജി വ്യക്തമാക്കി.

കെ.​എം. ഷാ​ജി പാ​ർ​ട്ടി വേ​ദി​ക​ളി​ല​ല്ലാ​തെ പാ​ർ​ട്ടി​ക്കെ​തി​രെ വി​മ​ർ​ശ​നം ഉ​ന്ന​യി​ക്കു​ന്നു​ണ്ടെ​ന്നും ന​ട​പ​ടി വേ​ണ​മെ​ന്നും മലപ്പുറത്ത് ചേർന്ന ലീഗ് പ്ര​വ​ർ​ത്ത​ക​സ​മി​തി യോ​ഗ​ത്തി​ൽ ആ​വ​ശ്യ​മു​യ​ർ​ന്നിരുന്നു. ഉം​റ നി​ർ​വ​ഹി​ക്കാ​ൻ സൗ​ദി​യി​ലെ​ത്തി​യ അ​ദ്ദേ​ഹം പൊ​തു​പ​രി​പാ​ടി​യി​ലും പാ​ർ​ട്ടി​​യെ വി​മ​ർ​ശി​ച്ച​താ​യി പ​രാ​തി​യു​ണ്ട്.

പ​ത്ര-​ദൃ​ശ്യ​മാ​ധ്യ​മ​ങ്ങ​ൾ, പൊ​തു​വേ​ദി​ക​ൾ, സ​മൂ​ഹ​മാ​ധ്യ​മ​ങ്ങ​ൾ എ​ന്നി​വി​ട​ങ്ങ​ളി​ൽ പാ​ർ​ട്ടി​ക്കെ​തി​രെ വി​മ​ർ​ശ​നം ഉ​ന്ന​യി​ക്കു​ന്ന​തി​ന്​​ ത​ട​യി​ടാ​ൻ ലീ​ഗ് യോ​ഗം തീ​രു​മാ​നിച്ചിരുന്നു. നേ​താ​ക്ക​ളോ ക​മ്മി​റ്റി​ക​​ളോ പാ​ർ​ട്ടി​ക്കെ​തി​രെ വി​മ​ർ​ശ​നം ഉ​ന്ന​യി​ക്കു​ന്ന​ത്​ പ​രി​ശോ​ധി​ക്കാ​ൻ ചെ​യ​ർ​മാ​ൻ ഉ​​ൾ​പ്പെ​ടെ​യു​ള്ള അ​ഞ്ചം​ഗ സ​മി​തി രൂ​പ​വ​ത്ക​രി​ക്കും.

കോ​ഴി​ക്കോ​ട്ട്​ ഒ​ക്ടോ​ബ​ർ അ​ഞ്ചി​ന്​ ചേ​രു​ന്ന സം​സ്ഥാ​ന കൗ​ൺ​സി​ലാ​ണ്​ അ​ച്ച​ട​ക്ക സ​മി​തി​യെ തീ​രു​മാ​നി​ക്കു​ക. ഇ​തി​ന് റി​പ്പോ​ർ​ട്ട്​ സ​മ​ർ​പ്പി​ക്കാ​ൻ ദേ​ശീ​യ ജ​ന​റ​ൽ സെ​ക്ര​ട്ട​റി ഇ.​ടി. മു​ഹ​മ്മ​ദ്​ ബ​ഷീ​റി​നെ യോഗം ചു​മ​ത​ല​പ്പെ​ടു​ത്തി.