നിയമസഭയിലേക്ക് ചാടിക്കയറാന്‍ താനില്ല; കാത്തിരിക്കും -കെ.എം.ഷാജി

ന്യൂഡൽഹി: സു​പ്രീംകോടതിയിൽനിന്ന്​ അനുകൂല തീരുമാനം ഉണ്ടായാൽ മാത്രമേ താൻ നിയമസഭ സമ്മേളനത്തിൽ പ​​െങ്കടുക്കൂവെന്നും തന്നെ പ്രവേശിപ്പിക്കില്ലെന്ന സ്​പീക്കർ പി. രാമകൃഷ്​ണ​​​​െൻറ പരാമർശം അനവസരത്തിലുള്ളതെന്നും കെ.എം. ഷാജി പ്രതികരിച്ചു. ഉത്തരവില്ലാതെ നിയമസഭയിൽ കടക്കുമെന്ന്​ താൻ വെല്ലുവിളിച്ചിട്ടില്ല. ഇത്തരം പ്രസ്​താവനകൾ സ്പീക്കറുടെ അന്തസ്സിന്​ ചേർന്നതല്ല. നിയമസഭ സമ്മേളനത്തിൽ പ​െങ്കടുക്കാമെന്ന സപ്രീംകോടതിയുടെ ഉത്തരവ്​ അടുത്ത ദിവസങ്ങളിൽ കിട്ടുമെന്നാണ്​ പ്രതീക്ഷിക്കുന്നതെന്നും ഷാജി പറഞ്ഞു.

നിയമനിർമണത്തിനായുള്ള പ്രത്യേക നിയമസഭാ സമ്മേളനം ഈ മാസം 27നാണ് ആരംഭിക്കുക. തെരഞ്ഞെടുപ്പ് കേസിൽ കേരളാ ഹൈകോടതി അയോഗ്യനാക്കിയ കെ.എം ഷാജിക്ക് നിയമസഭാ നടപടികളിൽ പങ്കെടുക്കാമെന്ന് സുപ്രീംകോടതി നിരീക്ഷിച്ചിരുന്നു. തനിക്കെതിരായ ഹൈകോടതി വിധി സ്റ്റേ ചെയ്യണമെന്നും ഹരജിയിൽ അടിയന്തര തീർപ്പ് കൽപിക്കണമെന്നും ചൂണ്ടിക്കാട്ടി കെ.എം ഷാജി നൽകിയ അ​പ്പീ​ൽ ഹരജിയിലാണ് സുപ്രീംകോടതിയുടെ വാക്കാലുള്ള നിരീക്ഷണം. ഹൈകോടതിയുടെ താൽകാലിക സ്റ്റേയുടെ കാലാവധി നാളെ അവസാനിക്കാനിരിക്കെയാണ് സുപ്രീംകോടതിയുടെ നിർദേശം.

സ്​പീക്കറുടെ പ്രസ്​താവന ഖേദകരം -എം.കെ. മുനീർ
തിരുവനന്തപുരം: കെ.എം. ഷാജിയെ നിയമസഭയില്‍ കയറ്റാന്‍ പറ്റില്ലെന്ന സ്പീക്കറുടെ പ്രസ്താവന ഖേദകരമെന്ന് പ്രതിപക്ഷ ഉപനേതാവ് എം.കെ. മുനീര്‍. സ്പീക്കര്‍ അമിതാവേശം കാണിച്ചോയെന്ന് സംശയമുണ്ട്​. ഷാജിയെ സഭയില്‍ കയറ്റണമെന്നാവശ്യപ്പെട്ട് കത്ത് നല്‍കിയിട്ടില്ലെന്നും മുനീര്‍ വാര്‍ത്തസമ്മേളനത്തില്‍ വ്യക്തമാക്കി.

കെ.എം. ഷാജിയെ നിയമസഭയില്‍ പ്രവേശിപ്പിക്കരുതെന്ന് താല്‍പര്യമുള്ളതുപോലെയാണ് സ്പീക്കറുടെ പ്രതികരണം. പദവിക്ക് യോജിക്കാത്ത എടുത്തുചാട്ടമാണ് സ്പീക്കറുടേത്. രാഷ്​ട്രീയനേതാവിനെ പോലെയാണ് സ്പീക്കര്‍ പ്രതികരിച്ചത്. സി.പി.എം സംസ്ഥാന കമ്മിറ്റി അംഗമെന്ന നിലയിലേക്ക് സ്പീക്കര്‍ മാറരുത്. നിഷ്​പക്ഷനിലപാടെടുക്കേണ്ടയാളാണ് സ്പീക്കര്‍. ഹൈകോടതിവിധിക്കെതിരെ സ്​റ്റേ നിലനില്‍ക്കുമ്പോഴാണ് സ്പീക്കര്‍ നിയമസഭയില്‍ കയറ്റില്ലെന്ന് പറഞ്ഞത്. സ്പീക്കറുടെ പ്രതികരണത്തില്‍ അങ്ങേയറ്റം വിഷമവും പ്രതിഷേധവുമുണ്ടെന്നും മുനീര്‍ പറഞ്ഞു.

സ്പീക്കറുടെ പ്രസ്താവന അനവസരത്തിൽ -കെ.സി. ജോസഫ്​ എം.എൽ.എ
കോ​ട്ട​യം: സു​പ്രീം​കോ​ട​തി​യു​ടെ ഉ​ത്ത​ര​വ് ല​ഭി​ക്കാ​തെ കെ.​എം. ഷാ​ജി​യെ നി​യ​മ​സ​ഭ​യി​ൽ പ്ര​വേ​ശി​പ്പി​ക്കി​ല്ലെ​ന്ന സ്‌​പീ​ക്ക​റു​ടെ പ്ര​സ്​​താ​വ​ന അ​ന​വ​സ​ര​ത്തി​ലു​ള്ള​തും തി​ടു​ക്ക​ത്തി​ലു​ള്ള​തു​മാ​യെ​ന്ന്​ കോ​ൺ​ഗ്ര​സ് നി​യ​മ​സ​ഭ​ക​ക്ഷി ഉ​പ​നേ​താ​വ് കെ.​സി. ജോ​സ​ഫ് എം.​എ​ൽ.​എ. ഇ​ത്ത​രം പ്ര​സ്​​താ​വ​ന സ്‌​പീ​ക്ക​റി​ൽ​നി​ന്ന്​ പ്ര​തീ​ക്ഷി​ച്ച​ത​ല്ല. ഇ​ത്ത​ര​ത്തി​ൽ ഒ​രു​പ്ര​ശ്നം ഇ​പ്പോ​ൾ സ്‌​പീ​ക്ക​റു​ടെ മു​ന്നി​ലി​ല്ല. സ്പീ​ക്ക​ർ മ​ഴ പെ​യ്യു​മ്പോ​ൾ കു​ട നി​വ​ർ​ത്തി​യാ​ൽ മ​തി​യാ​യി​രു​ന്നു. നി​യ​മ​സ​ഭ​യി​ൽ ക​യ​റാ​ൻ എ​ന്താ​ണ് ചെ​യ്യേ​ണ്ട​തെ​ന്ന വ്യ​ക്ത​മാ​യ ബോ​ധ്യം ഷാ​ജി​ക്കും യു.​ഡി.​എ​ഫി​നു​മു​ണ്ട്. കോ​ടി​യേ​രി ബാ​ല​കൃ​ഷ്ണ​​​െൻറ നാ​വി​ൽ​നി​ന്ന്​ കേ​ൾ​ക്കേ​ണ്ട കാ​ര്യ​ങ്ങ​ളാ​ണ് സ്‌​പീ​ക്ക​റി​ൽ​നി​ന്ന്​ ഉ​ണ്ടാ​യ​തെ​ന്നും അ​ദ്ദേ​ഹം കു​റ്റ​പ്പെ​ടു​ത്തി.