കോയമ്പത്തൂരിലെ വിവാദ ധ്യാന കേന്ദ്രത്തെ കുറിച്ച്​ പഠിക്കാൻ അഭിഭാഷക കമീഷൻ

കൊച്ചി: സ്​കൂളിൽ നിന്ന്​ കൊണ്ടു പോയി പീഡനത്തിനിരയാക്കിയെന്ന്​​ ആ​േരാപണമുന്നയിച്ച വിദ്യാർഥിനികളും ഇവരുടെ മാതാവും ധ്യാനത്തിന്​ പോയ കോയമ്പത്തൂര്‍ മധുക്കരയിലെ ഉണ്ണിയേശു ഭവനത്തി​​​െൻറ പ്രവര്‍ത്തനങ്ങൾ പരിശോധിച്ച് റിപ്പോർട്ട്​ നൽകാൻ ഹൈകോടതി അഭിഭാഷക കമീഷനെ ചുമതലപ്പെടുത്തി. ഇവിടെ ധ്യാനത്തിന് പോയ ഭാര്യയും മൂന്നുമക്കളും മടങ്ങി എത്താത്തതിനെത്തുടർന്ന്​ ചിറ്റൂർ സ്വദേശി നൽകിയ ഹേബിയസ് കോര്‍പസ് ഹരജിയിലാണ്​ ഡിവിഷൻ ബെഞ്ചി​​​െൻറ ഇടക്കാല ഉത്തരവ്​. കേസില്‍ കോയമ്പത്തൂര്‍ എസ്​.പി​െയയും മധുക്കര ഡിവൈ.എസ്​.പി​െയയും കോടതി കക്ഷി ചേര്‍ത്തു.

നിലവിൽ എസ്.എൻ.വി സദനത്തില്‍ തുടരുന്ന മാതാവും പെണ്‍കുട്ടികളും എട്ടുതവണ കൗണ്‍സലിങ്ങിന് വിധേയമാകണമെന്ന് ഡിവിഷൻ ബെഞ്ച്​ നിർദേശിച്ചു. ഇവര്‍ക്ക് ഇക്കാലയളവില്‍ മൊബൈല്‍ ഫോണ്‍ സൗകര്യം നല്‍കരുത്. കൗണ്‍സലിങ്ങിനെ നാലുപേരും എതിര്‍ക്കരുത്. കൗണ്‍സലിങ്ങിന് ശേഷമുള്ള റിപ്പോർട്ടി​​​െൻറ അടിസ്ഥാനത്തില്‍ മാത്രമേ കേസ് തീര്‍പ്പാക്കാനാകൂവെന്നു​ം കോടതി വ്യക്​തമാക്കി.

ധ്യാനകേന്ദ്രത്തില്‍ വളരെ ദുരൂഹമായ പ്രവര്‍ത്തനങ്ങള്‍ നടക്കുന്നതായി ഭര്‍ത്താവിനുവേണ്ടി ഹാജരായ മുതിര്‍ന്ന അഭിഭാഷകന്‍ വാദിച്ചു. സാത്താനെ ഒഴിപ്പിക്കുകയാണെന്ന്​ പറഞ്ഞ് മര്‍ദനം അഴിച്ചുവിടുകയാണ്. ഇത്തരം പ്രവര്‍ത്തനങ്ങള്‍ മൂലം ഉണ്ണിയേശു ഭവനത്തി​​​െൻറ ഭാരവാഹിയായ സെബാസ്​റ്റ്യന്‍ കുണ്ടുകുളത്തെ സീറോ മലബാര്‍ സഭ പുറത്താക്കിയതാണ്. കുട്ടികളെ പഠിക്കാന്‍പോലും അനുവദിക്കില്ലെന്നും അഭിഭാഷകൻ ചൂണ്ടിക്കാട്ടി. ധ്യാനകേന്ദ്രത്തി​​​െൻറ പ്രവര്‍ത്തനങ്ങള്‍ ദുരൂഹമാണെന്ന്​ സര്‍ക്കാറും വാദമുന്നയിച്ചു.

ഇതെല്ലാം കെട്ടിച്ചമച്ച ആരോപണങ്ങളാണെന്ന് സെബാസ്​റ്റ്യന്‍ കുണ്ടുകുളത്തിനുവേണ്ടി ഹാജരായ മുതിര്‍ന്ന അഭിഭാഷകന്‍ വാദിച്ചു. ഈ വാദങ്ങളെല്ലാം കേട്ടശേഷമാണ് ധ്യാനകേന്ദ്രത്തെക്കുറിച്ച് റിപ്പോർട്ട്​ നല്‍കാന്‍ അഭിഭാഷക കമീഷനെ നിയമിച്ചത്. കമീഷന്​ പൊലീസ്​ മതിയായ സഹായം നൽകണം. ധ്യാനകേന്ദ്രം സന്ദര്‍ശിച്ച് അന്തേവാസികളുമായി സംസാരിച്ചുവേണം അഭിഭാഷക കമീഷൻ റിപ്പോർട്ട്​ നല്‍കാനെന്നും നിര്‍ദേശമുണ്ട്​. തുടർന്ന്​ കേസ്​ ജൂൺ 26ന്​ പരിഗണിക്കാൻ മാറ്റി.

2012 മുതല്‍ 2017 ജനുവരി വരെ പല ദിവസങ്ങളിലും മയക്കുമരുന്ന്​ കലര്‍ന്ന മിഠായികള്‍ നല്‍കിയശേഷം സ്‌കൂള്‍ വാനില്‍ കയറ്റി വിവിധയിടങ്ങളിൽ കൊണ്ടുപോയി ലൈംഗികമായി ചൂഷണം ചെയ്​തെന്ന്​ പെൺകുട്ടികൾ ഹൈകോടതിയെ അറിയിക്കുകയായിരുന്നു. തുടർന്ന്​ കോടതി നിർദേശപ്രകാരം സെന്‍ട്രല്‍ പൊലീസ്​ ഇവരുടെ മൊഴിയെടുത്ത്​ പോക്‌സോ നിയമപ്രകാരം കേസെടുത്തിരുന്നു.