സ്മാർട്ടായില്ല കൊച്ചി സ്മാര്‍ട്ട് സിറ്റി

കൊ​ച്ചി: കൊ​ച്ചി​യു​ടെ സ്വ​പ്ന​പ​ദ്ധ​തി​യാ​യ സ്മാ​ർ​ട്ട്​ സി​റ്റി പു​തി​യ വ​ഴി​ത്തി​രി​വി​ൽ എ​ത്തി​നി​ൽ​ക്കു​മ്പോ​ൾ വി​വാ​ദ​ങ്ങ​ൾ വീ​ണ്ടും ത​ല​െ​പാ​ക്കു​ന്നു. പ​തി​റ്റാ​ണ്ട്​ പി​ന്നി​ട്ടി​ട്ടും ല​ക്ഷ്യം​കാ​ണാ​​ത്ത പ​ദ്ധ​തി​യി​ൽ​നി​ന്ന്​ ടീ​കോം ഇ​ൻ​വെ​സ്റ്റ്​​മെ​ന്‍റ്​​സി​നെ ഒ​ഴി​വാ​ക്കി 246 ഏ​ക്ക​ർ പാ​ട്ട​ഭൂ​മി തി​രി​ച്ചെ​ടു​ക്കാ​നാ​ണ്​ സ​ർ​ക്കാ​ർ തീ​രു​മാ​നം. ക​രാ​ർ വ്യ​വ​സ്ഥ​ക​ൾ​ക്ക്​ വി​രു​ദ്ധ​മാ​യി ടീ​കോ​മി​നെ ന​ഷ്ട​പ​രി​ഹാ​രം ന​ൽ​കി ഒ​ഴി​വാ​ക്കി ഭൂ​മി തി​രി​ച്ചെ​ടു​ക്കു​ന്ന​തി​നു​പി​ന്നി​ൽ ക​ച്ച​വ​ട​ക്ക​ണ്ണും ക​ള്ള​ക്ക​ളി​ക​ളു​മാ​ണെ​ന്ന ആ​രോ​പ​ണമുണ്ട്.

2004 ജൂ​ലൈ​യി​ലാ​ണ്​ കൊ​ച്ചി​യി​ൽ സ്മാ​ർ​ട്ട്‌ സി​റ്റി തു​ട​ങ്ങാ​ൻ താ​ൽ​പ​ര്യം പ്ര​ക​ടി​പ്പി​ച്ച്​ ദു​ബൈ ഇ​ന്‍റ​ർ​നെ​റ്റ് സി​റ്റി രം​ഗ​ത്തു​വ​രു​ന്ന​ത്. 2005 മേ​യ്​ നാ​ലി​ന്​ ഉ​മ്മ​ൻ ചാ​ണ്ടി മു​ഖ്യ​മ​ന്ത്രി​യാ​യി​രി​ക്കെ അം​ഗീ​കാ​രം ന​ൽ​കി​യ പ​ദ്ധ​തി​ക്ക്​ ദു​ബൈ ഇ​ന്‍റ​ർ​നെ​റ്റ്​ സി​റ്റി​യു​മാ​യി ഒ​പ്പു​വെ​ക്കേ​ണ്ട ക​രാ​ർ​ 2005 ആ​ഗ​സ്റ്റ്​ 11ന്​ ​മ​ന്ത്രി​സ​ഭ യോ​ഗം അം​ഗീ​ക​രി​ച്ചു. ക​രാ​ർ വ്യ​വ​സ്ഥ​ക​ൾ സം​സ്ഥാ​ന​ താ​ൽ​പ​ര്യ​ത്തി​ന്​ വി​രു​ദ്ധ​മാ​ണെ​ന്ന് പറഞ്ഞ് അ​ന്ന​ത്തെ പ്ര​തി​പ​ക്ഷ നേ​താ​വ്​ വി.​എ​സ്. അ​ച്യു​താ​ന​ന്ദ​ൻ രം​ഗ​ത്തു​വ​ന്നു. ആ​രോ​പ​ണ​ങ്ങ​ൾ ത​ള്ളി​യ മു​ഖ്യ​മ​ന്ത്രി​യും ഐ.​ടി മ​ന്ത്രി പി.​കെ. കു​ഞ്ഞാ​ലി​ക്കു​ട്ടി​യും പ​ദ്ധ​തി​യു​മാ​യി മു​ന്നോ​ട്ട്​ പോ​കു​മെ​ന്ന്​ പ്ര​ഖ്യാ​പി​ച്ചു. തു​ട​ർ​ന്ന്, ദു​ബൈ ഹോ​ൾ​ഡി​ങ്​​സി​ന്‍റെ ഉ​പ​ക​മ്പ​നി​യാ​യ ടീ​കോം ഇ​ൻ​വെ​സ്റ്റ്​​മെ​ന്‍റ്​​സു​മാ​യി ധാ​ര​ണ​പ​ത്ര​ത്തി​ല്‍ ഒ​പ്പി​ട്ടു. മൂ​ന്നു​മാ​സ​ത്തി​ന​കം അ​ന്തി​മ ക​രാ​ർ ഒ​പ്പി​ടാ​നാ​യി​രു​ന്നു തീ​രു​മാ​നം. എ​ന്നാ​ൽ, ത​ങ്ങ​ൾ അ​ധി​കാ​ര​ത്തി​ലെ​ത്തി​യാ​ൽ ദോ​ഷ​ക​ര​മാ​യ വ്യ​വ​സ്ഥ​ക​ൾ ഒ​ഴി​വാ​ക്കു​മെ​ന്ന്​ എ​ൽ.​ഡി.​എ​ഫ്​ പ്ര​ഖ്യാ​പി​ച്ചു. 2011 ഫെ​ബ്രു​വ​രി ര​ണ്ടി​ന്​ വി.​എ​സ്​ മു​ഖ്യ​മ​ന്ത്രി​യാ​യി​രി​ക്കെ വി​വാ​ദ വ്യ​വ​സ്ഥ​ക​ൾ ഒ​ഴി​വാ​ക്കി പു​തു​ക്കി​യ പാ​ട്ട​ക്ക​രാ​ർ ഒ​പ്പു​വെ​ച്ചു.

99 വ​ർ​ഷ​ത്തെ ക​രാ​റി​ൽ നി​ശ്ച​യി​ച്ച പാ​ട്ടം ഏ​ക്ക​റി​ന്​ ഒ​രു രൂ​പ​യാ​ണ്. പ​ത്തു​വ​ർ​ഷ​ത്തി​ന​കം 88 ല​ക്ഷം ച​തു​ര​ശ്ര​യ​ടി​യി​ൽ നി​ർ​മാ​ണ പ്ര​വ​ർ​ത്ത​ന​ങ്ങ​ൾ പൂ​ർ​ത്തി​യാ​ക്ക​ണ​മെ​ന്നും ഇ​തി​ൽ 62 ല​ക്ഷം ച​തു​ര​ശ്ര അ​ടി​യെ​ങ്കി​ലും ഐ.​ടി അ​നു​ബ​ന്ധ സേ​വ​ന​ങ്ങ​ൾ​ക്കാ​യി​രി​ക്ക​ണ​മെ​ന്നും അ​ല്ലെ​ങ്കി​ൽ സ​ർ​ക്കാ​ർ പ​ദ്ധ​തി ഏ​റ്റെ​ടു​ക്കും എ​ന്നു​മാ​യി​രു​ന്നു പ്ര​ധാ​ന വ്യ​വ​സ്ഥ. ആ​ദ്യ​ഘ​ട്ടം നി​ശ്ച​യി​ച്ച​തി​ലും ഒ​രു​വ​ർ​ഷം വൈ​കി 2016 ഫെ​ബ്രു​വ​രി 20ന് ​ഉ​ദ്​​ഘാ​ട​നം​ചെ​യ്തു. കാ​ക്ക​നാ​ട് ഇ​ട​ച്ചി​റ​യി​ൽ സ​ർ​ക്കാ​ർ ഏ​റ്റെ​ടു​ത്ത 136 ഏ​ക്ക​ർ സ്വ​കാ​ര്യ ഭൂ​മി​യും ഇ​തി​നോ​ട് ചേ​ർ​ന്ന് വൈ​ദ്യു​തി ബോ​ർ​ഡി​ന്‍റെ 100 ഏ​ക്ക​റും ഇ​ൻ​ഫോ​പാ​ർ​ക്ക് സ്ഥി​തി​ചെ​യ്യു​ന്ന 10 ഏ​ക്ക​റും ഉ​ൾ​പ്പെ​ടെ 246 ഏ​ക്ക​റാ​ണ്​ പ​ദ്ധ​തി​ക്കാ​യി ക​ണ്ടെ​ത്തി​യ​ത്. ടീ​കോ​മി​ന്​ 84 ശ​ത​മാ​ന​വും സം​സ്ഥാ​ന സ​ർ​ക്കാ​റി​ന്​ 16 ശ​ത​മാ​ന​വു​മാ​യി​രു​ന്നു ഓ​ഹ​രി പ​ങ്കാ​ളി​ത്തം. പ​ദ്ധ​തി ന​ട​ത്തി​പ്പി​നാ​യി സ്മാ​ർ​ട്ട്‌ സി​റ്റി കൊ​ച്ചി ഇ​ൻ​ഫ്രാ​സ്ട്ര​ക്ച​ർ പ്രൈ​വ​റ്റ് ലി​മി​റ്റ​ഡ്​ എ​ന്ന ക​മ്പ​നി​ക്കും രൂ​പം​ന​ൽ​കി.

നി​ല​വി​ൽ ഇ​ങ്ങ​നെ

നി​ല​വി​ൽ ഐ.​ടി, ഇ​ത​ര വി​ഭാ​ഗ​ങ്ങ​ളി​ലാ​യി ബ​ഹു​രാ​ഷ്ട്ര, ഇ​ട​ത്ത​രം, സ്റ്റാ​ർ​ട്ട​പ്​ ക​മ്പ​നി​ക​ൾ ഉ​ൾ​പ്പെ​ടെ 37 എ​ണ്ണ​മാ​ണ്​​ സ്മാ​ർ​ട്ട്​ സി​റ്റി​യു​ടെ ഭാ​ഗ​മാ​യി​ട്ടു​ള്ള​ത്. ഇ​വ​യി​ൽ 27 എ​ണ്ണം ഐ.​ടി ക​മ്പ​നി​ക​ളാ​ണ്. വി​ദ്യാ​ഭ്യാ​സം ഒ​ന്ന്, ധ​ന​കാ​ര്യം മൂ​ന്ന്, ഗ​വേ​ഷ​ണ​വും വി​ക​സ​ന​വും ഒ​ന്ന്, ഇ​ൻ​ഫ​ർ​മേ​ഷ​ൻ ആ​ൻ​ഡ്​​ ക​മ്യൂ​ണി​ക്കേ​ഷ​ൻ ടെ​ക്​​നോ​ള​ജി (ഐ.​സി.​ടി) ര​ണ്ട്, ഫു​ഡ്​ ആ​ൻ​ഡ്​​ ബി​വ​റേ​ജ​സ്​ ര​ണ്ട്, ക​ൺ​സ​ൾ​ട്ടി​ങ്​ ഒ​ന്ന്​ എ​ന്നി​ങ്ങ​നെ​യാ​ണ്​ മ​റ്റു​ള്ള​വ. 13 വ​ർ​ഷ​ത്തി​നി​ടെ എ​ത്തി​യ​ത്​ 2609 കോ​ടി​യു​ടെ നി​ക്ഷേ​പം. ഇ​തി​ൽ 1935 കോ​ടി​യു​ടെ നി​ർ​മാ​ണം പു​രോ​ഗ​മി​ക്കു​ന്നു എ​ന്നാ​ണ്​ പ​ദ്ധ​തി​യു​ടെ വെ​ബ്​​സൈ​റ്റി​ലു​ള്ള​ത്. ഇ​തി​ലെ​ല്ലാം​കൂ​ടി ആ​റാ​യി​ര​ത്തോ​ളം തൊ​ഴി​ലാ​ളി​ക​ൾ. ആ​ദ്യ​ഘ​ട്ട​ത്തി​ൽ നി​ർ​മാ​ണം പൂ​ർ​ത്തി​യാ​യ​ത്​ 6.5 ല​ക്ഷം ച​തു​ര​ശ്ര​യ​ടി വി​സ്തീ​ർ​ണ​മു​ള്ള കെ​ട്ടി​ട​മാ​ണ്. ര​ണ്ടാം​ഘ​ട്ട​ത്തി​ൽ 47 ല​ക്ഷം ച​തു​ര​ശ്ര​യ​ടി വി​സ്തീ​ർ​ണ​മു​ള്ള നാ​ല്​ കെ​ട്ടി​ട​ങ്ങ​ളു​ടെ നി​ർ​മാ​ണം തു​ട​ങ്ങി​യെ​ങ്കി​ലും പൂ​ർ​ത്തി​യാ​യി​ട്ടി​ല്ല. പ​ദ്ധ​തി​പ്ര​ദേ​ശ​ത്തി​ന്‍റെ കു​റ​ച്ചു​ഭാ​ഗം കാ​ടു​ക​യ​റി​യ നി​ല​യി​ലു​മാ​ണ്. പ്ര​ള​യ​വും കോ​വി​ഡു​മെ​ല്ലാം ​പ​ദ്ധ​തി ന​ട​ത്തി​പ്പി​നെ പ്ര​തി​കൂ​ല​മാ​യി ബാ​ധി​ച്ചെ​ന്നാ​ണ്​ ബ​ന്ധ​പ്പെ​ട്ട​വ​ർ പ​റ​യു​ന്ന​ത്. അ​തേ​സ​മ​യം, ഭൂ​മി തി​രി​ച്ചെ​ടു​ത്ത്​ ഇ​ഷ്​​ട​ക്കാ​ർ​ക്ക്​ കൈ​മാ​റാ​നാ​ണെ​ന്നും ഇ​തി​നു​പി​ന്നി​ൽ ഭൂ​മാ​ഫി​യ​യു​ടെ ഇ​ട​പെ​ട​ലു​ണ്ടെ​ന്നു​മു​ള്ള ആ​രോ​പ​ണ​വും ശ​ക്ത​മാ​ണ്.

ര​ണ്ട്​ ക​രാ​റു​ക​ൾ

സ്മാ​ർ​ട്ട്​ സി​റ്റി പ​ദ്ധ​തി​ക്കാ​യി ഉ​മ്മ​ൻ ചാ​ണ്ടി സ​ർ​ക്കാ​ർ കൊ​ണ്ടു​വ​ന്ന ക​രാ​റി​ൽ​നി​ന്ന്​ പ്ര​ക​ട​മാ​യ വ്യ​ത്യാ​സ​മു​ണ്ടാ​യി​രു​ന്നു വി.​എ​സി​ന്‍റെ എ​ൽ.​ഡി.​എ​ഫ്​ സ​ർ​ക്കാ​ർ ഒ​പ്പു​വെ​ച്ച അ​ന്തി​മ ക​രാ​റി​ന്. പ​ല വ്യ​വ​സ്ഥ​ക​ളും പൊ​ളി​ച്ചെ​ഴു​തി. ഇ​രു ക​രാ​റി​ലെ​യും പ്ര​ധാ​ന വ്യ​വ​സ്ഥ​ക​ൾ താ​ഴെ പ​റ​യും​പ്ര​കാ​ര​മാ​യി​രു​ന്നു.

യു.​ഡി.​എ​ഫ് ക​രാ​ർ

• സ്മാ​ര്‍ട്ട് സി​റ്റി സ്ഥാ​പി​ക്കാ​ൻ ഇ​ന്‍ഫോ​പാ​ര്‍ക്ക് വി​ട്ടു​കൊ​ടു​ക്കും
• 10 വ​ര്‍ഷ​ത്തി​ന​കം വാ​ണി​ജ്യ സ്ഥാ​പ​ന​ങ്ങ​ളു​ള്‍പ്പെ​ടെ എ​ല്ലാ വി​ഭാ​ഗ​ത്തി​ലു​മാ​യി 20 ല​ക്ഷം ച​തു​ര​ശ്ര​യ​ടി കെ​ട്ടി​ടം പൂ​ര്‍ത്തീ​ക​രി​ച്ചി​ല്ലെ​ങ്കി​ല്‍ പ​ദ്ധ​തി സ​ര്‍ക്കാ​ര്‍ ഏ​റ്റെ​ടു​ക്കും
• എ​റ​ണാ​കു​ളം ജി​ല്ല​യി​ല്‍ സ​ര്‍ക്കാ​ര്‍ സ്ഥാ​പി​ക്കു​ന്ന ഒ​രു ഐ.​ടി സ്ഥാ​പ​ന​വും ഉ​ണ്ടാ​കി​ല്ല
• ഇ​ന്‍ഫോ​പാ​ര്‍ക്ക് വി​ട്ടു​കൊ​ടു​ക്കു​ന്ന​തി​നു​ പ​ക​രം സ്മാ​ര്‍ട്ട് സി​റ്റി​യി​ല്‍ സ​ര്‍ക്കാ​റി​ന് ഒ​മ്പ​തു​ശ​ത​മാ​നം ഓ​ഹ​രി പ​ങ്കാ​ളി​ത്തം
• ഡ​യ​റ​ക്ട​ര്‍ ബോ​ര്‍ഡി​ല്‍ സ​ര്‍ക്കാ​റി​ന് ര​ണ്ട് അം​ഗ​ങ്ങ​ള്‍
• പ​ദ്ധ​തി പൂ​ര്‍ത്തി​യാ​കു​മ്പോ​ള്‍ ഇ​ന്‍ഫോ​പാ​ര്‍ക്കി​ലേ​ത​ട​ക്കം 33,000 തൊ​ഴി​ല​വ​സ​രം

എ​ല്‍.​ഡി.​എ​ഫ് ക​രാ​ർ

• സ്മാ​ര്‍ട്ട് സി​റ്റി സ്ഥാ​പി​ക്കാ​ൻ ഇ​ന്‍ഫോ​പാ​ര്‍ക്ക് കൈ​മാ​റി​ല്ല
• 10 വ​ര്‍ഷ​ത്തി​ന​കം പൂ​ർ​ത്തി​യാ​ക്കേ​ണ്ട​ത്​ 88 ല​ക്ഷം ച​തു​ര​ശ്ര​യ​ടി നി​ർ​മാ​ണം. ഇ​തി​ല്‍ 62 ല​ക്ഷം ച​തു​ര​ശ്ര​യ​ടി ഐ.​ടി അ​നു​ബ​ന്ധ സേ​വ​ന​ങ്ങ​ൾ​ക്ക്. ഇ​ല്ലെ​ങ്കി​ല്‍ സ​ര്‍ക്കാ​ര്‍ പ​ദ്ധ​തി ഏ​റ്റെ​ടു​ക്കും
• സം​സ്ഥാ​ന​ത്തെ​വി​ടെ​യും ഐ.​ടി സ്ഥാ​പ​ന​ങ്ങ​ളും പാ​ര്‍ക്കു​ക​ളും തു​ട​ങ്ങാ​ൻ സ​ര്‍ക്കാ​റി​ന് അ​വ​കാ​ശ​മു​ണ്ടാ​കും
• ആ​ദ്യ​ഘ​ട്ട​ത്തി​ല്‍ സ​ര്‍ക്കാ​റി​ന് 16 ശ​ത​മാ​നം ഓ​ഹ​രി. അ​ഞ്ചു​വ​ര്‍ഷ​ത്തി​ന​കം 26 ശ​ത​മാ​ന​മാ​യി ഉ​യ​ർ​ത്തും. 10 ശ​ത​മാ​നം അ​ധി​ക ഓ​ഹ​രി​യു​ടെ വി​ല സ്വ​ത​ന്ത്ര ഏ​ജ​ന്‍സി നി​ശ്ച​യി​ക്കും.
• സ്മാ​ര്‍ട്ട് സി​റ്റി ചെ​യ​ര്‍മാ​ന്‍സ്ഥാ​നം സ​ര്‍ക്കാ​ര്‍ പ്ര​തി​നി​ധി​ക്ക്. ഇ​ത​ട​ക്കം ആ​ദ്യ​ഘ​ട്ട​ത്തി​ല്‍ ഡ​യ​റ​ക്ട​ര്‍ ബോ​ര്‍ഡി​ല്‍ ര​ണ്ട് സ​ർ​ക്കാ​ർ പ്ര​തി​നി​ധി​ക​ള്‍. ഓ​ഹ​രി പ​ങ്കാ​ളി​ത്തം 26 ശ​ത​മാ​ന​മാ​യി ഉ​യ​രു​മ്പോ​ൾ ഒ​രു സ​ർ​ക്കാ​ർ പ്ര​തി​നി​ധി​യെ​ക്കൂ​ടി ഉ​ൾ​പ്പെ​ടു​ത്തും.
• പ​ദ്ധ​തി പൂ​ര്‍ത്തി​യാ​കു​മ്പോ​ള്‍ ഇ​ന്‍ഫോ​പാ​ർ​ക്ക്​ ഉ​ൾ​പ്പെ​ടു​ത്താ​തെ തൊ​ഴി​ല​വ​സ​രം 90,000