കൊടകര കുഴൽപണക്കേസ്​: 10​ പ്രതികൾക്ക്​ ഹൈകോടതി ജാമ്യം

കൊ​ച്ചി: കൊ​ട​ക​ര കു​ഴ​ൽ​പ​ണ​ക്കേ​സി​ലെ 10​ പ്ര​തി​ക​ൾ​ക്ക്​ ഹൈ​കോ​ട​തി ജാ​മ്യം അ​നു​വ​ദി​ച്ചു. കോ​ട​തി​യി​ൽ ഹാ​ജ​രാ​കാ​ന​ല്ലാ​തെ തൃ​ശൂ​ർ ജി​ല്ല​യി​ൽ പ്ര​വേ​ശി​ക്ക​രു​​തെ​ന്ന​ത​ട​ക്കം ഉ​പാ​ധി​ക​ളോ​ടെ​യാ​ണ്​ ത​ല​ശ്ശേ​രി സ്വ​ദേ​ശി സു​ജീ​ഷ്, ചാ​ല​ക്കു​ടി സ്വ​ദേ​ശി​നി ദീ​പ്തി, തൃ​ശൂ​ർ സ്വ​ദേ​ശി​ക​ളാ​യ അ​ഭി​ജി​ത്ത്, അ​രീ​ഷ്, ല​ബീ​ബ്, ബാ​ബു, അ​ബ്​​ദു​ൽ ഷ​ഹീ​ദ്, മ​ല​പ്പു​റം സ്വ​ദേ​ശി​ക​ളാ​യ അ​ബ്​​ദു​ൽ ബ​ഷീ​ർ, സു​ൽ​ഫി​ക്ക​ർ അ​ലി, കോ​ഴി​ക്കോ​ട് സ്വ​ദേ​ശി അ​ബ്‌​ദു​ൽ റ​ഷീ​ദ് എ​ന്നി​വ​ർ​ക്ക്​ ജ​സ്​​റ്റി​സ് കെ. ​ഹ​രി​പാ​ൽ ജാ​മ്യം അ​നു​വ​ദി​ച്ച​ത്. കു​റ്റ​പ​ത്രം ന​ൽ​കു​ക​യും ഉ​ട​ൻ വി​ചാ​ര​ണ തു​ട​ങ്ങാ​ൻ സാ​ധ്യ​ത​യി​ല്ലാ​ത്ത​തു​മാ​യ സാ​ഹ​ച​ര്യ​ത്തി​ൽ പ്ര​തി​ക​ളെ അ​ന​ന്ത​മാ​യി ത​ട​വി​ൽ വെ​ക്കു​ന്ന​ത് പൊ​തു​ന​യ​ത്തി​ന് വി​രു​ദ്ധ​മാ​ണെ​ന്ന്​ വി​ല​യി​രു​ത്തി​യാ​ണ്​ ജാ​മ്യം അ​നു​വ​ദി​ച്ച​ത്. ഒ​രു​ല​ക്ഷം രൂ​പ​യു​ടെ ബോ​ണ്ടും തു​ല്യ​തു​ക​ക്കു​ള്ള ര​ണ്ട് ആ​ൾ ജാ​മ്യ​വു​മാ​ണ് മ​റ്റൊ​രു പ്ര​ധാ​ന വ്യ​വ​സ്ഥ.

ഏ​പ്രി​ൽ മൂ​ന്നി​ന് പു​ല​ർ​ച്ച ദേ​ശീ​യ​പാ​ത​യി​ലെ തൃ​ശൂ​ർ കൊ​ട​ക​ര​യി​ൽ കോ​ഴി​ക്കോ​ട് സ്വ​ദേ​ശി ധ​ർ​മ​ജ​െൻറ കാ​ർ ത​ട​ഞ്ഞു​നി​ർ​ത്തി പ​ണം ക​വ​ർ​ന്ന​തു​മാ​യി ബ​ന്ധ​​പ്പെ​ട്ട കേ​സി​ലെ പ്ര​തി​ക​ളാ​ണ്​ ഹ​ര​ജി​ക്കാ​ർ. ര​ണ്ട്​ പ്ര​മു​ഖ​ക​ക്ഷി​ക​ളു​ടെ രാ​ഷ്​​ട്രീ​യ​ത​ന്ത്ര​മാ​ണ് കേ​സെ​ന്നും സ​ത്യം പു​റ​ത്തു​കൊ​ണ്ടു​വ​രാ​ൻ ഇ​വ​ർ​ക്ക് താ​ൽ​പ​ര്യ​മി​ല്ലെ​ന്നും ഹ​ര​ജി​ക്കാ​രി​ൽ ചി​ല​ർ ചൂ​ണ്ടി​ക്കാ​ട്ടി. എ​ന്നാ​ൽ, ഇ​ട​ക്കാ​ല റി​പ്പോ​ർ​ട്ടാ​ണ് ന​ൽ​കി​യ​തെ​ന്നും തു​ട​ര​ന്വേ​ഷ​ണം ഉ​ണ്ടോ​യെ​ന്ന് പ​റ​യാ​നാ​വി​ല്ലെ​ന്നും സ​ർ​ക്കാ​ർ അ​റി​യി​ച്ചു. വി​ചാ​ര​ണ​ക്ക്​ പ്ര​ത്യേ​ക കോ​ട​തി രൂ​പ​വ​ത്​​ക​രി​ക്കു​ന്ന കാ​ര്യം ആ​ലോ​ചി​ച്ചി​ട്ടി​ല്ലെ​ന്നും സ​ർ​ക്കാ​റി​നു​വേ​ണ്ടി അ​ഡീ​ഷ​ന​ൽ പ്രോ​സി​ക്യൂ​ഷ​ൻ ഡ​യ​റ​ക്ട​ർ അ​റി​യി​ച്ചു.

കു​ഴ​ൽ​പ​ണ​ക്കേ​സി​ലെ അ​ന്വേ​ഷ​ണം ക​ട​ന്ന​ൽ​ക്കൂ​ട് തു​റ​ന്ന​പോ​ലെ ഒ​രു​പാ​ടു പ്ര​ശ്ന​ങ്ങ​ളെ പു​റ​ത്തു​കൊ​ണ്ടു​വ​ന്ന​താ​യി കോ​ട​തി ചൂ​ണ്ടി​ക്കാ​ട്ടി. സം​ഭ​വം ന​ട​ന്ന്​ നാ​ല്​ ദി​വ​സം ക​ഴി​ഞ്ഞാ​ണ്​ പ​രാ​തി ന​ൽ​കി​യ​ത്. സം​സ്ഥാ​ന​ത്തി​ന്​ അ​ത്ര പ​രി​ചി​ത​മ​ല്ലാ​ത്ത ദേ​ശീ​യ​പാ​ത​യി​ലെ കൊ​ള്ള​യാ​ണ്​ ന​ട​ന്ന​ത്. കൊ​ട​ക​ര സ്​​റ്റേ​ഷ​െൻറ ഒ​രു​വി​ളി​പ്പാ​ട​ക​ലെ​യാ​ണ്​ സം​ഭ​വം ന​ട​ന്ന​തെ​ങ്കി​ലും പൊ​ലീ​സ് ജാ​ഗ്ര​ത കാ​ട്ടി​യി​ല്ല. 3.5 കോ​ടി രൂ​പ​യി​ലേ​റെ​യും ഇ​നി​യും ക​ണ്ടെ​ത്തി​യി​ട്ടി​ല്ലെ​ന്ന്​ മാ​ത്ര​മ​ല്ല, കു​റ​ച്ചു പ​ണ​വും ക​ള്ള​പ്പ​ണം ഉ​പ​യോ​ഗി​ച്ച്​ വാ​ങ്ങി​യ ആ​ഭ​ര​ണ​ങ്ങ​ളും മാ​ത്ര​മാ​ണ് ഇ​തു​വ​രെ ക​ണ്ടെ​ടു​ക്കാ​നാ​യ​ത്. 22 പ്ര​തി​ക​ളെ അ​റ​സ്​​റ്റ്​ ചെ​യ്ത് കു​റ്റ​പ​ത്രം ന​ൽ​കി. സെ​ഷ​ൻ​സ് കോ​ട​തി​ക​ളി​ൽ ജോ​ലി​ഭാ​രം കൂ​ടു​ത​ലാ​യ​തി​നാ​ൽ സ​മീ​പ ഭാ​വി​യി​ലൊ​ന്നും കേ​സി​െൻറ വി​ചാ​ര​ണ തു​ട​ങ്ങാ​നി​ട​യി​ല്ല. പ്ര​തി​ക​ളെ അ​ന​ന്ത​മാ​യി ത​ട​വി​ൽ വെ​ക്കാ​നു​മാ​വി​ല്ല. ഈ ​സാ​ഹ​ച​ര്യ​ത്തി​ൽ വ​ലി​യ കു​റ്റ​കൃ​ത്യ​മാ​ണെ​ങ്കി​ലും പ്ര​തി​ക​ളെ തു​ട​ർ​ന്നും ക​സ്​​റ്റ​ഡി​യി​ൽ വെ​ക്കാ​നാ​വി​ല്ലെ​ന്ന്​ കോ​ട​തി വ്യ​ക്ത​മാ​ക്കി. തു​ട​ർ​ന്നാ​ണ്​ ജാ​മ്യം അ​നു​വ​ദി​ച്ച​ത്.