‘കൊടകര’യിൽ ആടിയുലഞ്ഞ് ബി.ജെ.പി

തൃ​ശൂ​ര്‍: കൊ​ട​ക​ര കു​ഴ​ൽ​പ​ണ​ക്കേ​സി​ൽ ബി.​ജെ.​പി ആ​ടി​യു​ല​യു​ന്നു. പാ​ർ​ട്ടി​ക്ക​ക​ത്തും പു​റ​ത്തും പ്ര​തി​രോ​ധം​തീ​ർ​ക്കേ​ണ്ട ഗ​തി​കേ​ടി​ലാ​ണ് സം​സ്ഥാ​ന നേ​തൃ​ത്വം. ഉ​പ​തെ​ര​ഞ്ഞെ​ടു​പ്പ് അ​ടു​ത്തു​വ​രു​ന്ന​താ​ണ് നേ​തൃ​ത്വ​ത്തെ കൂ​ടു​ത​ൽ പ്ര​തി​സ​ന്ധി​യി​ലാ​ക്കു​ന്ന​ത്. പാ​ർ​ട്ടി​യു​ടെ തൃ​ശൂ​ർ ജി​ല്ല ഓ​ഫി​സ് മു​ൻ സെ​ക്ര​ട്ട​റി തി​രൂ​ർ സ​തീ​ഷി​ന്റെ വെ​ളി​പ്പെ​ടു​ത്ത​ലു​ക​ൾ​ക്കൊ​പ്പം പാ​ല​ക്കാ​ട് സ്ഥാ​നാ​ർ​ഥി​ത്വം പ്ര​തീ​ക്ഷി​ച്ചി​രു​ന്ന​വ​രി​ലൊ​രാ​ളാ​യ സ​ന്ദീ​പ് വാ​ര്യ​ർ അ​ട​ക്ക​മു​ള്ള അ​സം​തൃ​പ്ത​ർ ഉ​യ​ർ​ത്തു​ന്ന വെ​ല്ലു​വി​ളി​ക​ളും പാ​ർ​ട്ടി​യെ ക​ടു​ത്ത പ്ര​തി​രോ​ധ​ത്തി​ലാ​ക്കു​ന്നു​ണ്ട്.

പ​ല കാ​ല​ങ്ങ​ളി​ലാ​യി ബി.​ജെ.​പി​യി​ലെ​ത്തി​യ മു​ൻ ഉ​ദ്യോ​ഗ​സ്ഥ പ്ര​മു​ഖ​ര​ട​ക്ക​മു​ള്ള​വ​രും നേ​തൃ​ത്വ​ത്തോ​ട് ക​ടു​ത്ത അ​സം​തൃ​പ്തി​യു​ള്ള​വ​രാ​ണ്. പു​റ​ത്ത് ഐ​ക്യ​വും ഒ​ത്തൊ​രു​മ​യും ഉ​ണ്ടെ​ന്നു​വ​രു​ത്താ​ൻ നേ​താ​ക്ക​ൾ ശ്ര​മി​ക്കു​ന്നു​ണ്ടെ​ങ്കി​ലും പാ​ർ​ട്ടി​യി​ൽ വി​ഭാ​ഗീ​യ​ത രൂ​ക്ഷ​മാ​കു​ന്നു​വെ​ന്ന വി​വ​ര​ങ്ങ​ളാ​ണ് പു​റ​ത്തു​വ​രു​ന്ന​ത്.

‘കൊ​ട​ക​ര’ കേ​സി​ൽ ബി.​ജെ.​പി സം​സ്ഥാ​ന പ്ര​സി​ഡ​ന്റ് കെ. ​സു​രേ​ന്ദ്ര​നാ​ണ് മു​ഖ്യ​മാ​യും പ്ര​തി​ക്കൂ​ട്ടി​ലു​ള്ള​ത്. പ​ണം ക​വ​ർ​ച്ച​ചെ​യ്യ​പ്പെ​ട്ട കേ​സി​ൽ സം​സ്ഥാ​ന പൊ​ലീ​സ് കു​റ്റ​പ​ത്രം സ​മ​ർ​പ്പി​ച്ച​തോ​ടെ നേ​താ​ക്ക​ൾ ഏ​റ​ക്കു​റെ സു​ര​ക്ഷി​താ​വ​സ്ഥ​യി​ൽ എ​ത്തി​യി​രു​ന്നു.

എ​ന്നാ​ൽ, കേ​സി​ൽ സാ​ക്ഷി​പ്പ​ട്ടി​ക​യി​ലു​ള്ള മു​ൻ ഓ​ഫി​സ് സെ​ക്ര​ട്ട​റി​ത​ന്നെ ക​ള്ള​പ്പ​ണ ആ​രോ​പ​ണം ഉ​ന്ന​യി​ച്ച് പ​ര​സ്യ​മാ​യി രം​ഗ​ത്തെ​ത്തി​യ​തോ​ടെ​യാ​ണ് കാ​ര്യ​ങ്ങ​ൾ ക​ല​ങ്ങി മ​റി​ഞ്ഞ​ത്. സ​ർ​ക്കാ​ർ കൂ​ടു​ത​ൽ അ​ന്വേ​ഷ​ണം പ്ര​ഖ്യാ​പി​ച്ച​തും ആ​ദ്യം കേ​സ് അ​ന്വേ​ഷി​ച്ച സം​ഘ​ത്തി​ന്റെ ത​ല​വ​ൻ എ​ൻ​ഫോ​ഴ്സ്മെ​ന്റ് ഡ​യ​റ​ക്ട​റേ​റ്റി​ന് (ഇ.​ഡി) ന​ൽ​കി​യ റി​പ്പോ​ർ​ട്ട് പു​റ​ത്തു​വ​ന്ന​തും പാ​ർ​ട്ടി​യെ ചെ​റു​താ​യ​ല്ല അ​ലോ​സ​ര​പ്പെ​ടു​ത്തു​ന്ന​ത്.

അ​തി​നി​ടെ സ​തീ​ഷി​ന്റെ വെ​ളി​പ്പെ​ടു​ത്ത​ലു​ക​ൾ​ക്കു പി​ന്നി​ൽ ശോ​ഭ സു​രേ​ന്ദ്ര​നാ​ണെ​ന്ന വാ​ർ​ത്ത​ക​ളും പു​റ​ത്തു​വ​ന്നി​രു​ന്നു. എ​ന്നാ​ൽ, ഇ​തി​നു പി​ന്നാ​ലെ സ​തീ​ഷി​നെ​തി​രെ നി​ശി​ത വി​മ​ർ​ശ​ന​വു​മാ​യി രം​ഗ​ത്തെ​ത്തി​യ ശോ​ഭ മു​ഖ്യ​മ​ന്ത്രി​യാ​ണ് പു​തി​യ തി​ര​ക്ക​ഥ​ക്കു പി​ന്നി​ലെ​ന്ന ആ​ക്ഷേ​പ​മാ​ണ് ഉ​യ​ർ​ത്തി​യ​ത്. സ​തീ​ഷ് ഒ​റ്റു​കാ​ര​നാ​ണെ​ന്ന് പ​റ​ഞ്ഞ ശോ​ഭ ത​ന്നെ രാ​ഷ്ട്രീ​യ​മാ​യി ഇ​ല്ലാ​താ​ക്കാ​ൻ ആ​ഗ്ര​ഹി​ക്കു​ന്ന​വ​രാ​ണ് എ​ല്ലാ​ത്തി​നും പി​ന്നി​ലെ​ന്നും പ​റ​ഞ്ഞി​രു​ന്നു.

എ​ന്നാ​ൽ, ഞാ​യ​റാ​ഴ്ച ന​ട​ത്തി​യ വാ​ർ​ത്ത​സ​മ്മേ​ള​ന​ത്തി​ൽ കൊ​ട​ക​ര​യു​മാ​യി ബ​ന്ധ​പ്പെ​ട്ട വെ​ളി​പ്പെ​ടു​ത്ത​ൽ ന​ട​ത്താ​ൻ ​ശോ​ഭ​യാ​ണ് പ​റ​ഞ്ഞ​തെ​ന്ന മ​റു​പ​ടി​യാ​ണ് ന​ൽ​കി​യ​ത്. ഇ​തോ​ടെ ഇ​ക്കാ​ര്യ​ത്തി​ൽ വി​ശ​ദീ​ക​ര​ണം ന​ൽ​കേ​ണ്ട അ​വ​സ്ഥ​യി​ലാ​ണ് നേ​തൃ​ത്വം.

സ​തീ​ഷി​ന് മ​റു​പ​ടി ന​ൽ​കു​മ്പോ​ൾ സം​സ്ഥാ​ന പ്ര​സി​ഡ​ന്റ് പ​ദ​വി​യി​ൽ എ​ത്താ​ൻ ത​നി​ക്ക് അ​യോ​ഗ്യ​ത​യൊ​ന്നു​മി​ല്ലെ​ന്ന് പ​റ​ഞ്ഞു​വെ​ക്കു​ന്ന ശോ​ഭ പാ​ർ​ട്ടി​ക്ക​ക​ത്തെ പോ​രാ​ട്ടം തു​ട​രു​മെ​ന്ന സൂ​ച​ന​യാ​ണ് ന​ൽ​കു​ന്ന​തും. കൊ​ട​ക​ര​യി​ൽ ക​വ​ർ​ച്ച​ചെ​യ്ത പ​ണ​ത്തി​ന്റെ ഉ​റ​വി​ട​വും പ​ണം കൊ​ണ്ടു​വ​രു​ന്ന​തി​ൽ പ​ങ്കാ​ളി​ക​ളാ​യ​വ​രു​മെ​ല്ലാം ഇ.​ഡി അ​ന്വേ​ഷ​ണ​ത്തി​ലേ​ക്ക് എ​ത്തി​യി​ല്ലെ​ങ്കി​ൽ കോ​ൺ​ഗ്ര​സി​നും സി.​പി.​എ​മ്മി​നും വ​ലി​യ രാ​ഷ്ട്രീ​യ ആ​യു​ധ​മാ​കും ല​ഭി​ക്കു​ക.