Begin typing your search above and press return to search.
exit_to_app
exit_to_app
Posted On
date_range 29 Jun 2021 5:38 AM GMT Updated On
date_range 29 Jun 2021 6:10 AM GMTകടത്തുസ്വർണം പിടിച്ചുപറിക്കുന്നതിൽ കൊടി സുനിയും ഷാഫിയും; ക്വട്ടേഷൻ സംഘത്തിന്റെ ശബ്ദരേഖ പുറത്ത്
text_fieldsbookmark_border
കണ്ണൂർ: കടത്ത് സ്വർണം പിടിച്ചെടുക്കുന്നതിൽ ടി.പി കേസ് പ്രതികളായ കൊടി സുനിക്കും ഷാഫിക്കും പങ്കുണ്ടെന്ന് വ്യക്തമാക്കുന്ന ശബ്ദരേഖ പുറത്ത്. വാർത്താചാനലുകളാണ് സ്വർണക്കടത്ത് ക്യാരിയറോട് ആസൂത്രകൻ സംസാരിക്കുന്നതെന്ന് കരുതുന്ന വാട്സാപ്പ് ശബ്ദരേഖ പുറത്തുവിട്ടത്. കൊടി സുനിയും ഷാഫിയും പിടിച്ചുപറി സംഘത്തിന് സംരക്ഷണം കൊടുക്കുന്നുവെന്നാണ് ശബ്ദരേഖയിൽ പറയുന്നത്.
പൊട്ടിക്കുന്ന സ്വര്ണം മൂന്നായി വീതംവെച്ച് ഒരു ഭാഗം 'പാര്ട്ടി'ക്കെന്ന് ആസൂത്രകൻ പറയുന്നു. കൊടിസുനി, ഷാഫി അടങ്ങുന്ന ടീമിനെയാണ് 'പാര്ട്ടി' എന്ന് വിശേഷിപ്പിക്കുന്നത്. ഇവര്ക്ക് ഒരു പങ്ക് കൊടുക്കുന്നതോടെ പിന്നെ അന്വേഷണം ഉണ്ടാവില്ലെന്നും പറയുന്നതും ശബ്ദരേഖയിൽ പറയുന്നു.
ഓഡിയോ സംഭാഷണത്തിലെ പ്രസക്ത ഭാഗങ്ങള്
എയര്പോര്ട്ടില് നമ്മുടെ ടീം കൂട്ടാന് വരും. നീ വന്ന് വണ്ടിയില് കയറുകയേ വേണ്ടൂ. ഷാഫിക്കയോ ജിജോ തില്ലങ്കേരിയോ രജീഷ് തില്ലങ്കേരിയോ ഇവരില് മൂന്നില് രണ്ടുപേര് ഒരുമിച്ച് ഉണ്ടാവും. പിന്നെ എന്റെ ഒരു അനിയനും ഉണ്ടാവും. മൂന്നില് ഒന്ന് പാര്ട്ടിക്കായി വെക്കുന്നത് നിന്നെ സെയ്ഫ് ആക്കാനാണ്.
കണ്ണൂര് കോഴിക്കോട് ജില്ലകളില് പാര്ട്ടിയിലെ കളിക്കാര് ആരാണെന്ന് അറിയില്ലേ, അതിനാണ് മൂന്നില് ഒന്ന് പാര്ട്ടിക്കാര്ക്ക് കൊടുക്കുന്നത്. നിന്നെ പ്രൊടക്ട് ചെയ്യാനാണ്. പൊട്ടിച്ചതിന് പിന്നില് ഷാഫിക്കയും ടീമും ആണെന്ന് അറിഞ്ഞാല് പിന്നെ അന്വേഷണം ഉണ്ടാവില്ല. ഒറ്റയ്ക്കാണെന്ന് അറിഞ്ഞാല് മാസങ്ങള്ക്ക് കഴിഞ്ഞാലും നിന്നെ പിന്തുടരും. പാര്ട്ടിക്കുള്ളില് നിന്ന് വിളിച്ചുപറയും നമ്മളാണ് എടുത്തത് എന്ന് പറ്റിപ്പോയി എന്ന്. അതുകൊണ്ട് ബേജാറാവേണ്ട. നാലുമാസത്തിനുള്ളില് ഒരുപാട് ഗെയിം നടന്നിട്ടുണ്ട്.
ഒരു പ്രശ്നവും ഇല്ല. ഒരു ഓണറും പിന്നാലെ വരില്ല. തന്ന് വിടുന്നവര് നല്ല സാമ്പത്തികം ഉള്ളയാള് ആണെങ്കില് ഒറ്റത്തവണ കോള് ചെയ്യും. അല്ലെങ്കില് നാട്ടില് വന്നിട്ട് ഓന്റെ സുഹൃത്തുക്കളോട് അന്വേഷിക്കും. പത്ത് പന്ത്രണ്ട് ദിവസം സാധനം നമ്മുടെ അടുത്തായാല് കിട്ടൂലാന്ന് അറിഞ്ഞാല് ഒഴിവാക്കും. അതിനിടക്ക് എന്തുചെയ്യും അതിനാണ് പാര്ട്ടിക്കാരെ വെക്കുന്നത്. ഇത്രമാത്രം പറയും ബോസ്സെ നമ്മുടെ പിള്ളാരാ എടുത്തത്, അതിന്റെ ഭാഗമായി ബുദ്ധിമുട്ടിക്കല് ഉണ്ടായാല് ഈയൊരു രീതിയില് ആവില്ല ബന്ധപ്പെടല്. അതോടെ ബുദ്ധിമുട്ടിക്കില്ല.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story