അഭിമന്യു വധം: കേസിനെക്കുറിച്ച് മൗനംപൂണ്ട് കോടിയേരി

കൊച്ചി: അഭിമന്യുവി​​െൻറ ഒന്നാം രക്തസാക്ഷി ദിനത്തിൽ നഗരത്തിൽ നടന്ന രണ്ടു ചടങ്ങുകളിലും പ്രതികളെക്കുറിച്ചോ കേസിനെക്കുറിച്ചോ ഒന്നും പറയാതെ കോടിയേരി ബാലകൃഷ്ണൻ. കലൂരിലെ സ്മാരക മന്ദിരത്തി​െൻറ തറക്കല്ലിടൽ ചടങ്ങും തുടർന്ന് രാജേന്ദ്ര മൈതാനിയിൽ എസ്.എഫ്.ഐ സംഘടിപ്പിച്ച അനുസ്മരണ സമ്മേളനവും ഉദ്ഘാടനം ചെയ്തത് കോടിയേരിയാണ്​. ശിലാസ്ഥാപന ചടങ്ങിൽ എസ്.ഡി.പി.ഐയുടെയും ആർ.എസ്.എസി​​െൻറയും വർഗീയതക്കെതിരെ ആഞ്ഞടിച്ച അദ്ദേഹം അനുസ്മരണ പരിപാടിയിൽ ഏറെയും എസ്.എഫ്.ഐയുടെ പ്രാധാന്യത്തെക്കുറിച്ചും അ‍ഭിമന്യുവി​​െൻറ രക്തസാക്ഷിത്വത്തെക്കുറിച്ചുമാണ് പറഞ്ഞത്.

കൊലപാതകം നടന്ന് ഒരുവർഷം പിന്നിട്ടിട്ടും അഭിമന്യുവിനെ കുത്തിയ പത്താംപ്രതിയെയും മറ്റുള്ളവരെ കുത്തിയ 12ാം പ്രതിയെയും പിടികൂടിയിട്ടില്ല. കേസ് കോടതി ചൊവ്വാഴ്ച പരിഗണിച്ചിരുന്നു. മുഴുവൻ പ്രതികളെയും പിടികൂടാത്തതിനെതിരെ പല കോണിൽനിന്ന്​ വിമർശനമുയർന്നിരുന്നു. കെ.എസ്.യു പ്രവർത്തകരും പ്രതിഷേധവുമായി രംഗത്തുവന്നു. ഈ സാഹചര്യത്തിലാണ് കോടിയേരിയുടെ മൗനം ‍ശ്രദ്ധേയമായത്.

നോവോർമയായ് മകൻ; നെഞ്ചുരുകും കാഴ്ചയായ് മാതാവ്​
കൊച്ചി: കഴിഞ്ഞവർഷം ജൂലൈ രണ്ടിന് മഹാരാജാസ് കോളജിലെ വരാന്തയിൽനിന്നുയർന്ന് കേരളത്തിലെങ്ങും അലയടിച്ച ‘നാൻ പെറ്റ മകനേ’ എന്ന ആർത്തനാദം കൃത്യം ഒരുവർഷം പിന്നിട്ട ചൊവ്വാഴ്ച വീണ്ടും പലവട്ടമുയർന്നു. അഭിമന്യുവി​​െൻറ ഒന്നാം രക്തസാക്ഷി ദിനത്തിൽ മക​​െൻറ മരണമില്ലാത്ത ഓർമയിൽ നെഞ്ചുപൊട്ടി കരയുന്ന മാതാവ്​ ഭൂപതി കൊച്ചിയിൽ സംഘടിപ്പിച്ച വിവിധ പരിപാടികളിലെ കണ്ണീർ കാഴ്ചയായി.
തേങ്ങിയും വിതുമ്പിയും ചിലപ്പോൾ സങ്കടം സഹിക്കവയ്യാതെ നിലവിളിച്ചും ആ മാതാവ്​ നോവി​​െൻറ പെരുമഴയായി. നാൻപെറ്റ മകനേ, ഏൻ മകനേ, ഏൻ തങ്കമേ...എന്നീ വാക്കുകൾ വിലാപമായി ഉയർന്നു.

രാവിലെ കലൂരിൽ സംഘടിപ്പിച്ച അഭിമന്യു സ്മാരക മന്ദിരത്തി​​െൻറ ശിലാസ്ഥാപന ചടങ്ങിൽ കോടിയേരി ബാലകൃഷ്ണൻ ഉദ്ഘാടനപ്രസംഗം നടത്തുന്നതിനിടെയാണ് ഇടുക്കി വട്ടവടയിൽനിന്ന് മാതാവ​്​ ഭൂപതിയും പിതാവ്​ മനോഹരനുമെത്തിയത്. വേദിക്കുപിന്നിലെ ഫ്ലക്സിൽ വിടർന്നു ചിരിക്കുന്ന മക​​െൻറ വലിയ ഛായാചിത്രം കണ്ടപ്പോഴാണ് ഭൂപതിയുടെ നിയന്ത്രണംവിട്ടത്. ആ ചിത്രത്തിൽ ൈക​െവച്ചും തല കുനിച്ചും അവർ ഏറെനേരം കണ്ണീർ പൊഴിക്കുകയും നിലവിളിക്കുകയും ചെയ്തു.

നാൻ പെറ്റ മകനേ... അഭിമന്യുവി​​െൻറ ഒന്നാം രക്തസാക്ഷിദിനത്തിൽ എറണാകുളം മഹാരാജാസ്​ കോളജിൽ സ്​മാരകമന്ദിര ശിലാസ്ഥാപന ചടങ്ങിനെത്തിയ മാതാവ്​ മക​​െൻറ ഛായാചിത്രം നോക്കി വിലപിക്കുന്നു

അനുസ്മരണത്തിനിടെ പ്രതിഷേധവും സംഘർഷവും; കെ.എസ്.യു പ്രവർത്തകർ അറസ്​റ്റിൽ
കൊച്ചി: അഭിമന്യുവി​​െൻറ ഒന്നാം രക്തസാക്ഷിത്വ ദിനത്തിൽ എസ്.എഫ്.ഐ പ്രവർത്തകർ നടത്തിയ പ്രകടനത്തിനിടെ കെ.എസ്.യു പ്രതിഷേധം സംഘടിപ്പിച്ചത് സംഘർഷത്തിനിടയാക്കി. കൊലക്കേസിലെ മുഴുവൻ പ്രതികളെയും അറസ്​റ്റ്​ ചെയ്യണമെന്ന് ആവശ്യപ്പെട്ട് കോളജ് കവാടത്തിനു മുന്നിൽ കെ.എസ്.യുവി​​െൻറ പ്രതിഷേധവും എസ്.എഫ്.ഐയുടെ പ്രകടനവുമാണ് ഒരേസമയം നടന്നത്. കെ.എസ്‌.യു പ്രവർത്തകരോട് സ്ഥലത്തുനിന്ന്​ മാറാൻ പൊലീസ് ആവശ്യപ്പെട്ടപ്പോൾ ഇവർ പ്രതിഷേധിച്ചു. പൊലീസും പ്രവർത്തകരുമായി ഉന്തും തള്ളുമുണ്ടായി. തുടർന്ന് കെ.എസ്‌.യു പ്രവർത്തകരെ അറസ്​റ്റ്​ ചെയ്ത്​ നീക്കി.

കെ.എസ്.യു ജില്ല പ്രസിഡൻറ് അലോഷ്യസ് സേവ്യർ, ജില്ല മുൻ പ്രസിഡൻറ്​ ടിറ്റോ ആൻറണി, കെ. സേതുരാജ്, സംസ്ഥാന സെക്രട്ടറിമാരായ എ.എ അജ്മൽ, പി.എച്ച്. അസ്‌ലം, മഹാരാജാസ് യൂനിറ്റ് പ്രസിഡൻറ്​ സി.പി. പ്രിയ, വിവേക് ഹരിദാസ്, ജിബിൻ പയ്യന്നൂർ, കൃഷ്ണലാൽ, ടെക്സൺ തോമസ്, അഞ്ജന ശ്രീകുമാർ, ഗംഗ രാജേന്ദ്രൻ, ബുഷ്‌റ അൻസാരി, സൂരജ് സി.ആർ, നിതീഷ് ടി.ബാലൻ, മുഹമ്മദ് അജാസ്, മുഹമ്മദ് സാദിഖ് എന്നിവരെയാണ് അറസ്​റ്റ്​ ചെയ്തത്. ഇവരെ പിന്നീട് ജാമ്യത്തിൽ വിട്ടു.

അഭിമന്യു വധം: വിചാരണ വേഗത്തിലാക്കണമെന്ന്​ പ്രോസിക്യൂഷൻ
കൊച്ചി: മഹാരാജാസ്​ കോളജ്​ ബിരുദവിദ്യാർഥിയായിരുന്ന അഭിമന്യുവിനെ കൊലപ്പെടുത്തിയ കേസി​​െൻറ വിചാരണ വേഗത്തിലാക്കണമെന്ന്​ പ്രോസിക്യൂഷൻ. ചൊവ്വാഴ്​ച എറണാകുളം പ്രിൻസിപ്പൽ സെഷൻസ്​ കോടതി കേസ്​ പരിഗണിച്ചപ്പോഴാണ്​ പ്രോസിക്യൂഷൻ ഇക്കാര്യം ആവശ്യപ്പെട്ടത്​. വിചാരണ നടപടികൾ തീരുമാനിക്കുന്നതിനായാണ്​ കേസ്​ പരിഗണിച്ചതെങ്കിലും സാധിച്ചില്ല. കേസ്​ ആഗസ്​റ്റ്​ 21ലേക്ക്​ മാറ്റി. പ്രതികളെല്ലാം അവധി അപേക്ഷ നൽകിയതിനാൽ ആരും കോടതിയിൽ ഹാജരായിരുന്നില്ല.

അതിനിടെ, സാക്ഷികളുടെയും അന്വേഷണ ഉദ്യോഗസ്ഥരുടെയും മൊബൈൽ ഫോൺ രേഖകൾ ​പ്രതിഭാഗം ആവശ്യപ്പെട്ടു. എന്നാൽ, ടവർ ലൊക്കേഷൻ വിവരങ്ങളും പൊലീസ്​ കോടതിയിൽ സമർപ്പിച്ച സി.സി ടി.വി ദ്യശ്യങ്ങളും നൽകാമെന്നും ഫോൺ വിളികളുടെ വിശദാംശങ്ങൾ കൈമാറാനാവില്ലെന്നും പ്രോസിക്യൂഷൻ നിലപാടെടുത്തു. കേസുമായി ബന്ധപ്പെട്ട്​ പ്രതിഭാഗം നൽകിയ രണ്ട്​ ഹരജി വിധി പറയാൻ മാറ്റി.
കൊലപാതകത്തി​​െൻറ ഒന്നാം വാർഷികദിനത്തിലാണ്​ കേസ്​ കോടതിയുടെ തുടർ പരിഗണനക്കെത്തിയത്​. ആദ്യഘട്ട അന്വേഷണം പൂർത്തിയാക്കി 16 പ്രതികൾക്കെതിരെയാണ്​ പൊലീസ്​ കുറ്റപത്രം നൽകിയിരുന്നത്​.