ഹിന്ദുക്കൾക്കെതിരാണ്​ ആർ.എസ്​.എസ്​ എന്ന്​ കോടിയേരി

തിരുവനന്തപുരം: ഹിന്ദുക്കൾക്കെതിരാണ്​ ആർ.എസ്​.എസ്​ എന്ന്​ സി.പി.എം സംസ്ഥാന സെക്രട്ടറി കോടിയേരി ബാലകൃഷ്​ണൻ. മുത്തലാഖ്​ ബിൽ രാജ്യത്തെ മുസ്​ലിം ചെറുപ്പക്കാരെ തടവിലാക്കാൻ ഉ​ദ്ദേശിച്ചുള്ളതാണ്​. തിടുക്കപ്പെട്ടുണ്ടാക്കിയ ബില്ലിനെ പിന്തുണക്കാൻ ആവില്ലെന്നും കോടിയേരി പറഞ്ഞു.

ബി.ജെ.പിയുടെ ഭരണം രാജ്യത്തെ ജനങ്ങൾക്ക്​ എതിരാണെന്നും കോടിയേരി വ്യക്​തമാക്കി​. മുത്തലാഖ്​ ബിൽ  നിയമമന്ത്രി രവിശങ്കർ പ്രസാദ്​​​ പാര്‍ലമെന്‍റില്‍ അവതരിപ്പിച്ചിരുന്നു​. ബിൽ സ്​ത്രീകളുടെ അന്തസിനും നീതിക്കും വേണ്ടിയാണെന്നും ഏതെങ്കിലും തരത്തിലുള്ള ആചാരങ്ങൾക്കോ വിശ്വാസത്തിനോ എതിരല്ലെന്നും രവിശങ്കർ പ്രസാദ്​ വിശദീകരിച്ചിരുന്നു. ഇത്​ ചരിത്രദിനമാണെന്നും അദ്ദേഹം ലോക്​സഭയിൽ പറഞ്ഞു.