ബാബുവി​െൻറ കൊലപാതകം ആർ.എസ്​.എസ്​ ആസൂത്രണംചെയ്​തത്​ -കോടി​യേരി ബാലകൃഷ്​ണൻ

തലശ്ശേരി: സി​.പി.എം പള്ളൂർ ലോക്കൽ കമ്മിറ്റിയംഗം കണ്ണിപൊയിൽ ബാബുവി‍​​​െൻറ കൊലപാതകം ആർ.എസ്.​എസ്​ ആസൂത്രിതമായി നടപ്പാക്കിയതാണെന്ന് സി.പി.എം സംസ്​ഥാന സെക്രട്ടറി കോടിയേരി ബാലകൃഷ്ണൻ ആരോപിച്ചു. കേരളത്തിൽ ക്രമസമാധാനം തകർന്നു എന്ന്​ പ്രചരിപ്പിക്കാനാണ് ആർ.എസ്.​എസ്​ ഇത്തരം കൊലപാതകങ്ങൾ നടത്തുന്നതെന്ന്​ ബാബുവി​​​െൻറ വീട് സന്ദർശിച്ചശേഷം അദ്ദേഹം മാധ്യമപ്രവർത്തകരോട് പറഞ്ഞു.

പുതുച്ചേരി പൊലീസി​​​െൻറ തണലിലാണ് ആർ.എസ്.​എസുകാരുടെ വിളയാട്ടം. ഒരാഴ്​ച മുമ്പ്​ കൂത്തുപറമ്പിൽ ആർ.എസ്.​എസി​​​െൻറ ഒരു ക്യാമ്പ് നടന്നിരുന്നു. എങ്ങനെ മനുഷ്യനെ കൊല്ലാം എന്നാണ് അവിടെ പരിശീലനം നൽകിയത്. അത് നടപ്പാക്കുകയാണവർ.  വളരെ പൈശാചികവും ക്രൂരവുമായാണ് ബാബുവിനെ കൊലപ്പെടുത്തിയത്. മാഹിയിൽ സ്വതന്ത്രനായി മത്സരിച്ച വി. രാമചന്ദ്ര​​​​െൻറ വിജയത്തിൽ നിർണായക പങ്കുവഹിച്ചത്​ ബാബുവായിരുന്നു. ഇത്തരം പ്രവർത്തനങ്ങൾ മാഹിയിൽ സി.പി.എമ്മി​​​​െൻറ വളർച്ചക്ക്​ കാരണമാകുമെന്ന ആശങ്കയാണ്​ ബാബുവിനെ കൊലപ്പെടുത്താൻ കാരണം. 

ബാബുവിന് കുറച്ചുനാളായി ഭീഷണിയുണ്ടായിരുന്നു. എന്നിട്ടും പുതുച്ചേരി പൊലീസ്​ ആവശ്യമായ സുരക്ഷ നൽകാൻ  തയാറായില്ല. കൊലനടന്ന് ഇത്രദിവസമായിട്ടും കൊലപാതകികളെ പിടിക്കാൻ പൊലീസിനായിട്ടില്ല. പൊലീസി‍​​​െൻറ കനത്ത അനാസ്​ഥയാണ് ഇത് വ്യക്തമാക്കുന്നത്. ഇൗ സാഹചര്യത്തിൽ സ്വത​ന്ത്ര അന്വേഷണം സാധ്യമാക്കുന്നതിന്​ മാഹി സി.​െഎ ഉൾപ്പെടെയുള്ളവരെ സ്​ഥലംമാറ്റണം. കോൺഗ്രസാണ് പുതുച്ചേരി ഭരിക്കുന്നത്. കോൺഗ്രസ്​ ഭരണത്തിലാണ് ആർ.എസ്.​എസുകാർ ഇത്തരത്തിൽ അക്രമങ്ങൾ  നടത്തുന്നത്. പുതുച്ചേരി ഗവർണറിൽ വിശ്വാസമില്ല. മുഖ്യമന്ത്രി നാരായണസ്വാമി സംഭവത്തിൽ ഇടപെടണമെന്നും അദ്ദേഹം ആവശ്യപ്പെട്ടു. കണ്ണൂരിലെ  സമാധാനചർച്ചയിലെ ധാരണകൾ  തെറ്റിക്കുന്നത് ബി.ജെ.പിയും ആർ.എസ്.​എസുമാണെന്നും കോടിയേരി പറഞ്ഞു. 
 

കോമത്ത്​പാറയിലും പാറാലിലും ബോംബേറ്
തലശ്ശേരി: സി.പി.എം-ബി.ജെ.പി സംഘർഷം നിലനിൽക്കുന്ന കോമത്ത്​പാറയിലും പാറാലിലും ബോംബേറ്​. എരഞ്ഞോളി കോമത്ത്​പാറയിൽ പൊലീസ്​ പിക്കറ്റ്​പോസ്​റ്റിനു സമീപത്തായാണ്​ ബുധനാഴ്​ച അർധരാത്രിയോടെ ബോംബേറുണ്ടായത്​. വിവരമറിഞ്ഞെത്തിയ പൊലീസ്​ ബോംബി​​​​െൻറ അവശിഷ്​ടം കണ്ടെടുത്തു. വ്യാഴാഴ്​ച രാവിലെ കണ്ണൂരിൽനിന്നെത്തിയ ബോംബ്​സ്​ക്വാഡ്​ പരിശോധന നടത്തി. ഇൻസ്​പെക്​ടർ ശശിധര​​​​െൻറ നേതൃത്വത്തിലുള്ള ബോംബ്​സ്​ക്വാഡാണ്​ പരിശോധന നടത്തിയത്​. 

കോടിയേരി പാറാലിൽ സി.പി.എം പ്രവർത്തകനായ സി. വിജേഷി​​​െൻറ വീടിനുനേരെ വ്യാഴാഴ്​ച പുലർച്ചെയാണ്​ ബോംബേറുണ്ടായത്​. രണ്ടുനിലയുള്ള വീടി​​​െൻറ രണ്ടാംനിലയിലേക്കാണ് ബോംബെറിഞ്ഞത്. ബോംബ് പൊട്ടി ചുവരുകൾ വിണ്ടുകീറുകയും ജനൽചില്ലുകൾ തകരുകയുംചെയ്തു. മുറിയിൽ ഉറങ്ങുകയായിരുന്ന വിജേഷിന് പരിക്കുകളൊന്നുമില്ല.

കോടിയേരി സൗത്ത് ലോക്കൽ കമ്മിറ്റി അംഗം സി. അരവിന്ദാക്ഷ​​​​െൻറ സഹോദരനാണ്​ വിജേഷ്. വീട്ടിൽ വിജേഷും അമ്മയുമാണ് ഇപ്പോൾ താമസിക്കുന്നത്. ന്യൂ മാഹി പൊലീസിൽ പരാതി നൽകി. വീട് സി.പി.എം സംസ്​ഥാന സെക്രട്ടറി കോടിയേരി ബാലകൃഷ്ണൻ സന്ദർശിച്ചു. എ.എൻ. ഷംസീർ എം.എൽ.എ, സി.പി.എം ഏരിയ സെക്രട്ടറി എം.സി. പവിത്രൻ, എം. സുരേന്ദ്രൻ, സി.പി. കുഞ്ഞിരാമൻ എന്നിവരും ഒപ്പമുണ്ടായിരുന്നു.