സി.പി.എമ്മുകാർക്ക്​ കോവിഡ്​ പരത്താൻ പാർട്ടി ശ്രമിക്കുമോ? -​കോടിയേരി

തൃശൂർ: സി.പി.എം ​സമ്മേളനങ്ങൾ നടത്തുന്നത്​ സംബന്ധിച്ച്​ പ്രതിപക്ഷ നേതാവ്​ വി.ഡി. സതീശന്‍റെ ആക്ഷേപങ്ങൾ വസ്തുതകൾ മനസിലാക്കാതെയാണെന്ന്​ സംസ്ഥാന സെക്രട്ടറി കോടിയേരി ബാലകൃഷ്​ണൻ തൃശൂരിൽ പറഞ്ഞു.

കോവിഡ് മാനദണ്ഡം പാലിച്ചാണ്​ സമ്മേളനങ്ങൾ നടത്തുന്നത്​. സോണുകൾ നിശ്ചയിച്ചത് സർക്കാറാണ്. സി.പി.എം ഒന്നും ആവശ്യപ്പെട്ടിട്ടില്ല. സർക്കാറിന്‍റെ നിർദേശങ്ങളെല്ലാം പാലിക്കുന്നുണ്ട്.

സി.പി.എമ്മിന്‍റെ ആളുകൾക്ക് രോഗം പരത്താൻ പാർട്ടി ശ്രമിക്കില്ലാല്ലോ. പാർട്ടിക്കാരുടെ ആരോഗ്യം തകരാറാവുന്ന ഒന്നും ചെയ്യില്ല. സംസ്ഥാന സമ്മേളനം നടത്തിപ്പ് അപ്പോൾ ആലോചിക്കാം. ആലപ്പുഴ സമ്മേളന നടത്തിപ്പിനെക്കുറിച്ച്​ ആലോചിക്കുമെന്നും കോടിയേരി പറഞ്ഞു.