ദേവികുളം സബ്​ കലക്​ടർക്ക്​ പ്രമോഷൻ നൽകുകയാണ്​ സർക്കാർ ചെയ്​തത്​- കോടിയേരി

കാസർകോഡ്​: ദേവികുളം സബ് കലക്ടർ ശ്രീറാം വെങ്കിട്ടരാമന് അർഹമായ പ്രമോഷൻ നല്കുകയാണ് സർക്കാർ ചെയ്തതെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്​ണൻ. മന്ത്രിസഭയുടെ കൂട്ടായ തീരുമാനമാണിത്. ആരുടെയും പ്രമോഷൻ തടഞ്ഞു വയ്ക്കാൻ സർക്കാറിനാവില്ലെന്നും കോടിയേരി പറഞ്ഞു.

സി.പി.ഐക്ക് വിഷയത്തിൽ ഭിന്നാഭിപ്രായമുണ്ടോയെന്ന കാര്യം ശ്രദ്ധയിൽ പെട്ടിട്ടില്ലെന്നും സ്ഥലംമാറ്റം പാർട്ടി ആവശ്യപ്പെട്ടിട്ടില്ലെന്നും കോടിയേരി വ്യക്​തമാക്കി.