നടിയെ അക്രമിച്ച സംഭവം: പ്രതി വിജീഷ്​ ആർ.എസ്​.എസ്​ പ്രവർത്തകനെന്ന്​ ​കോടിയേരി

തിരുവനന്തപുരം: നടിയെ അക്രമിച്ച സംഭവത്തിൽ മുഖ്യപ്രതി പൾസർ സുനിക്കൊപ്പം ഒളിവിൽ കഴിയുന്ന വി.പി. വിജീഷ് ആർ.എസ്.എസ് പ്രവർത്തകനാണെന്ന്​ സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണൻ.

പ്രതികള്‍ക്ക് സി.പി.എം കണ്ണൂര്‍ ലോബിയുമായി അടുത്തബന്ധമെന്ന ബി.ജെ.പി സംസ്ഥാന ജനറൽ സെക്രട്ടറി എം.ടി രമേശി​​െൻറ ആരോപണത്തിന്​ മറുപടിയായാണ്​ കോടിയേരിയുടെ ആ​രോപണം.

കേസ്​ രാഷ്ട്രീയമായി ഉപയോഗിക്കരുത്​. നടിയെ ആക്രമിച്ചവരെയും അതിന് ക്വട്ടേഷൻ കൊടുത്തവരെയും എത്രയും വേഗം പിടികൂടും. പ്രതികളെ വേഗം തിരിച്ചറിയാനായത് പൊലീസിന്റെ വിജയമാണെന്നും അദ്ദേഹം അവകാശപ്പെട്ടു.

കോടിയേരി ബാലകൃഷ്ണ​​െൻറ മകനും ചലച്ചിത്ര താരവുമായ ബിനീഷ് കോടിയേരിയുടെ പങ്കും കേസിൽ അന്വേഷിക്കണമെന്നും മകൻ ഉൾപ്പെട്ട കേസായതിനാലാണ് കോടിയേരി വിഷയത്തിൽ തണുത്ത സമീപനം സ്വീകരിക്കുന്നതെന്നും ബി.ജെ.പി നേതാവ് എ‍.എൻ. രാധാകൃഷ്ണൻ കഴിഞ്ഞദിവസം ആരോപിച്ചിരുന്നു.