നാടിന്‍റെ പൊന്നോമന സുഖമായിരിക്കുന്നു

കൊ​ല്ലം: ഏ​താ​നും മ​ണി​ക്കൂ​റു​ക​ൾ​കൊ​ണ്ട്​ കേ​ര​ള​ത്തി​ന്‍റെ പൊ​ന്നോ​മ​ന​യാ​യി മാ​റി​യ കു​ഞ്ഞി​ന്‍റെ സു​ഖ​വി​വ​ര​ങ്ങ​ൾ അ​റി​യാ​നു​ള്ള ആ​കാം​ക്ഷ​യി​ലാ​ണ്​ എ​ല്ലാ​വ​രും. ത​ട്ടി​ക്കൊ​ണ്ടു​പോ​യ​വ​രി​ൽ​നി​ന്ന്​ ര​ക്ഷ​പ്പെ​ട്ട്​ കു​ടും​ബ​ത്തി​ന്‍റെ സ്​​നേ​ഹ​ലാ​ള​ന​യി​ൽ സു​ര​ക്ഷി​ത​യാ​യ ഓ​യൂ​രി​ലെ ആ​റു​ വ​യ​സ്സു​കാ​രി കൊ​ല്ലം വി​ക്​​ടോ​റി​യ ആ​ശു​പ​ത്രി​യി​ൽ പൂ​ർ​ണ സ​ന്തോ​ഷ​വ​തി​യാ​ണ്.

കു​ഞ്ഞി​ന്‍റെ ആ​രോ​ഗ്യ​സ്ഥി​തി നി​രീ​ക്ഷി​ക്കാ​നാ​ണ്​ വീ​ട്ടി​ലേ​ക്ക്​ ഉ​ട​ൻ മ​ട​ങ്ങാ​തെ ആ​ശു​പ​ത്രി​യി​ൽ തു​ട​രു​ന്ന​ത്. വീ​ട്ടി​ലേ​ക്ക്​ ഉ​ട​ൻ തി​രി​ച്ചെ​ത്തി​ച്ചാ​ൽ, സ​ന്ദ​ർ​ശ​ക​രു​ടെ ബ​ഹ​ള​ത്തി​നി​ട​യി​ൽ കു​ഞ്ഞി​ന്‍റെ മ​നോ​സ​മ്മ​ർ​ദം ഏ​റു​മോ എ​ന്ന ആ​ശ​ങ്ക​യും ഡി​സ്​​ചാ​ർ​ജ്​ നീ​ട്ടാ​ൻ കാ​ര​ണ​മാ​ണ്​. ബ​ഹ​ള​ങ്ങ​ളി​ൽ​നി​ന്ന്​ അ​ക​ന്ന്​ വി​ക്​​ടോ​റി​യ ആ​ശു​പ​ത്രി​യി​ലെ ജീ​വ​ന​ക്കാ​രു​ടെ മു​റി​യി​ൽ ഒ​രു​ക്കി​യ പ്ര​ത്യേ​ക സൗ​ക​ര്യ​ത്തി​ൽ കു​ടും​ബ​ത്തി​നൊ​പ്പ​മാ​ണ്​ ‘കു​​​ഞ്ഞോ​മ​ന’ ക​ഴി​യു​ന്ന​ത്.

ഇ​രു​പ​തോ​ളം പൊ​ലീ​സു​കാ​രു​ടെ സം​ഘ​ത്തെ കു​ട്ടി​യു​ടെ സു​ര​ക്ഷ​ക്ക്​ നി​യോ​ഗി​ച്ചി​ട്ടു​ണ്ട്. അ​ടു​ത്ത ബ​ന്ധു​ക്ക​ള​ല്ലാ​ത്ത ആ​രെ​യും മു​റി​യി​ലേ​ക്ക്​ ക​ട​ത്തി​വി​ടു​ന്നി​ല്ല. മ​ഫ്തി​യി​ലും പൊ​ലീ​സ്​ ആ​ശു​പ​ത്രി പ​രി​സ​ര​ത്തു​ണ്ട്. കു​ട്ടി​യു​ടെ വ്യ​ക്തി​ഗ​ത വി​വ​ര​ങ്ങ​ൾ ഇ​നി​മു​ത​ൽ പ്ര​സി​ദ്ധീ​ക​രി​ക്ക​രു​തെ​ന്ന ഉ​ത്ത​ര​വ്​ ചൈ​ൽ​ഡ്​ വെ​ൽ​ഫെ​യ​ർ ക​മ്മി​റ്റി ഇ​റ​ക്കി​യി​ട്ടു​ണ്ട്.

ഡി.​എം.​ഒ​യു​ടെ നേ​തൃ​ത്വ​ത്തി​ൽ മെ​ഡി​ക്ക​ൽ ബോ​ർ​ഡാ​ണ്​ കു​ഞ്ഞി​ന്‍റെ ആ​രോ​ഗ്യ കാ​ര്യ​ങ്ങ​ൾ നി​രീ​ക്ഷി​ക്കു​ന്ന​ത്. ജി​ല്ല ചൈ​ൽ​ഡ്​ പ്രൊ​ട്ട​ക്​​ഷ​ൻ യൂ​നി​റ്റി​ന്‍റെ കൗ​ൺ​സി​ല​ർ​മാ​രു​ടെ സേ​വ​നം കു​ട്ടി​ക്കും സ​ഹോ​ദ​ര​നും ല​ഭ്യ​മാ​ക്കു​ന്നു​ണ്ട്.

കു​ഞ്ഞ്​ സു​ര​ക്ഷി​ത​യും പൂ​ർ​ണ ആ​രോ​ഗ്യ​വ​തി​യു​മാ​ണെ​ന്ന്​ ആ​ശു​പ​ത്രി അ​ധി​കൃ​ത​രും ബ​ന്ധു​ക്ക​ളും അ​റി​യി​ച്ചു. സ്ഥ​ല​ത്ത്​ എ​ത്താ​നാ​കാ​ത്ത​വ​ർ എ​ല്ലാ​വ​രും വി​ഡി​യോ കാ​ളി​ലൂ​ടെ കു​ഞ്ഞി​നോ​ട്​ സം​സാ​രി​ക്കു​ന്നു​ണ്ട്. വ്യാ​ഴാ​ഴ്ച ഡോ​ക്ട​ർ​മാ​രു​ടെ സം​ഘം വീ​ണ്ടും പ​രി​ശോ​ധി​ച്ച്​ വീ​ട്ടി​ലേ​ക്ക്​ മ​ട​ങ്ങു​ന്ന​ത്​ സം​ബ​ന്ധി​ച്ച്​ തീ​രു​മാ​ന​മെ​ടു​ക്കും.

കുട്ടിയുടെ ചിത്രവും വിവരങ്ങളും ഇനി പ്രചരിപ്പിക്കരുത്​

കൊ​ല്ലം: ത​ട്ടി​​ക്കൊ​ണ്ടു​പോ​യ സം​ഘ​ത്തി​ൽ​നി​ന്ന്​ തി​രി​കെ കി​ട്ടി​യ ബാ​ലി​ക​യു​ടെ പേ​രും മ​റ്റ്​ വി​വ​ര​ങ്ങ​ളും ചി​ത്ര​ങ്ങ​ളും തു​ട​ർ​ന്ന്​ പ്ര​ദ​ർ​ശി​പ്പി​ക്കു​ന്ന​തി​ന്​ വി​ല​ക്കേ​ർ​പ്പെ​ടു​ത്തി ചൈ​ൽ​ഡ്​ വെ​ൽ​ഫെ​യ​ർ ക​മ്മി​റ്റി. വി​വ​ര​ങ്ങ​ളും ചി​ത്ര​ങ്ങ​ളും തു​ട​ർ​വാ​ർ​ത്ത​ക​ൾ​ക്കും പ്ര​ദ​ർ​ശ​ന​ത്തി​നും ഉ​പ​യോ​ഗി​ക്കു​ന്ന​തി​ലൂ​ടെ കു​ട്ടി​യു​ടെ​ സ്വ​കാ​ര്യ​ത​യും സു​ര​ക്ഷ​യും ന​ഷ്ട​പ്പെ​ടു​ന്ന​ത്​ പ​രി​ഗ​ണി​ച്ചാ​ണ്​ ഉ​ത്ത​ര​വ്.

മാധ്യമങ്ങള്‍ നല്ല പങ്ക് വഹിച്ചു -മുഖ്യമന്ത്രി

മ​ല​പ്പു​റം: കുട്ടിയെ ത​ട്ടി​ക്കൊ​ണ്ടു​പോ​യ സം​ഭ​വ​ത്തി​ൽ ജനങ്ങളെ ജാഗ്രത്താക്കാൻ മാ​ധ്യ​മ​ങ്ങ​ള്‍ പൊ​തു​വി​ല്‍ ന​ല്ല പ​ങ്കാ​ണ് വ​ഹി​ച്ച​തെ​ന്ന് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ. അ​തേ​സ​മ​യം, വ​ല്ലാ​തെ ദുഃ​ഖം അ​നു​ഭ​വി​ക്കു​ന്ന​വ​ര്‍ക്ക് മു​ന്നി​ലേ​ക്ക് ഔ​ചി​ത്യ​മി​ല്ലാ​ത്ത ചോ​ദ്യ​ങ്ങ​ളു​മാ​യി പോ​ക​രു​ത് -മു​ഖ്യ​മ​ന്ത്രി പ​റ​ഞ്ഞു.