കൊല്ലം ഡി.സി.സി ജനറൽ സെക്രട്ടറി മുനമ്പത്ത് വഹാബ് നിര്യാതനായി

കരുനാഗപ്പള്ളി: ജില്ലാ പഞ്ചായത്ത് മുൻ അംഗവും കൊല്ലം ജില്ലാ കോൺഗ്രസ് കമ്മിറ്റി ജനറൽ സെക്രട്ടറിയുമായ കോഴിക്കോട് എസ്.വി. മാർക്കറ്റ് മുനമ്പത്ത് വിട്ടിൽ മുനമ്പത്ത് വഹാബ് (68) നിര്യാതനായി. ഭാര്യ: അസുമാബീവി. മക്കൾ: അബ്​ദുൽ വാഹിദ്, വാഹിദ (കാനറാ ബാങ്ക്). മരുമക്കൾ: ഷംനാദ് (മാളുട്ടി ട്രാവൽസ്), റജീന.

ബോട്ട് ക്ലബ് പ്രസിഡന്റ്, കോഴിക്കോട് (കരുനാഗപ്പള്ളി) മിൽമ കോഓപറേറ്റിവ് സംഘം സ്ഥാപക പ്രസിഡൻറ്​, കരുനാഗപ്പള്ളി ഗ്രാമപഞ്ചായത്ത് അംഗം, കോഴിക്കോട് കയർ സഹകരണ സംഘം പ്രസിഡന്റ്​, മുനമ്പത്ത് കുടുംബയോഗം പ്രസിഡൻറ്​, കോഴിക്കോട് ജമാഅത്ത് കമ്മിറ്റി പരിപാലന സമിതി അംഗം എന്നീ നിലകളിൽ സേവനമനുഷ്​ടിച്ചിട്ടുണ്ട്.

മൃതദേഹം വെള്ളിയാഴ്​ച രാവിലെ എട്ട്​ വരെ കൊല്ലകയിലെ വസതിയിലും ഒമ്പത്​ മണിക്ക് കോൺഗ്രസ് ഭവനിലും തുടർന്ന് കോഴിക്കോട്ട് കുടുംബ വീട്ടിലും പൊതുദർശനത്തിന് വെച്ച ശേഷം രാവിലെ 11ന്​ കോഴിക്കോട് ജുമാ മസ്ജിദ് ഖബർസ്ഥാനിൽ ഖബറടക്കും.