കൗൺസിലറെ തട്ടിക്കൊണ്ടുപോയ സംഭവം: അന്വേഷണച്ചുമതല ആലുവ ഡിവൈ.എസ്.പിക്ക്

ആ​ലു​വ: കൂ​ത്താ​ട്ടു​കു​ളം ന​ഗ​ര​സ​ഭ കൗ​ൺ​സി​ല​ർ ക​ലാ രാ​ജു​വി​നെ ക​ട​ത്തി​ക്കൊ​ണ്ടു​പോ​യ സം​ഭ​വ​ത്തി​ലെ അ​ന്വേ​ഷ​ണ​ച്ചു​മ​ത​ല​യി​ൽ​നി​ന്ന്​ മൂ​വാ​റ്റു​പു​ഴ ഡി​വൈ.​എ​സ്.​പി പി.​എം. ബൈ​ജു​വി​നെ മാ​റ്റി. ക​ലാ രാ​ജു​വി​നെ സി.​പി.​എം ഏ​രി​യ സെ​ക്ര​ട്ട​റി​യ​ട​ക്ക​മു​ള്ള​വ​ർ ത​ട്ടി​ക്കൊ​ണ്ടു​പോ​യ സം​ഭ​വ​ത്തി​ൽ ന​ട​പ​ടി​യെ​ടു​ത്തി​ല്ലെ​ന്ന പ​രാ​തി​ക്കും തു​ട​ർ​ന്നു​ള്ള അ​ന്വേ​ഷ​ണ​ത്തി​നും പി​ന്നാ​ലെ​യാ​ണ്​ ന​ട​പ​ടി. ആ​ലു​വ ഡി​വൈ.​എ​സ്.​പി​ക്കാ​ണ്​ പ​ക​രം ചുമ​ത​ല.

സം​ഭ​വ​ത്തി​ൽ പൊ​ലീ​സി​ന് വീ​ഴ്ച പ​റ്റി​യെ​ന്ന ആ​രോ​പ​ണം തു​ട​ക്കം മു​ത​ലേ ഉ​ണ്ട്. ഇ​തേ​തു​ട​ർ​ന്ന് മൂ​വാ​റ്റു​പു​ഴ ഡി​വൈ.​എ​സ്.​പി​ക്കെ​തി​രെ അ​ന്വേ​ഷ​ണ​ത്തി​ന് റൂ​റ​ൽ എ​സ്.​പി വൈ​ഭ​വ് സ​ക്സേ​ന നി​ർ​ദേ​ശം ന​ൽ​കി. അ​ഡീ​ഷ​ന​ൽ എ​സ്‌.​പി​യുടെ ​റി​പ്പോ​ർ​ട്ടി​ന്‍റെ അ​ടി​സ്ഥാ​ന​ത്തി​ലാ​ണ്​ ന​ട​പ​ടി​യെ​ന്നാ​ണ്​ അ​റി​യു​ന്ന​ത്.

അ​തേ​സ​മ​യം, മൂ​വാ​റ്റു​പു​ഴ ഡി​വൈ.​എ​സ്.​പി​ക്കെ​തി​രാ​യ ആ​രോ​പ​ണ​ത്തി​ന്‍റെ അ​ടി​സ്ഥാ​ന​ത്തി​ൽ ഒ​രു ന​ട​പ​ടി​യും എ​ടു​ത്തി​ട്ടി​​ല്ലെ​ന്നാ​ണ്​ പൊ​ലീ​സ് വൃ​ത്ത​ങ്ങ​ൾ പ​റ​യു​ന്ന​ത്. പുത്തൻകുരിശ് ഡിവൈ.എസ്.പിക്ക് കീഴിലാണ് കൂത്താട്ടുകുളം. അവിടത്തെ ഡിവൈ.എസ്.പി അവധിയിലായതിനാൽ മൂവാറ്റുപുഴ ഡിവൈ.എസ്.പിക്കായിരുന്നു ചുമതല. ഈ ചുമതല ഇപ്പോൾ ആലുവ ഡിവൈ.എസ്.പിക്കാണ് എന്നാണ്​ ഔദ്യോഗിക വിശദീകരണം. ഇതിന്‍റെ ഭാഗമായാണ് കേസ് ആലുവ ഡിവൈ.എസ്.പി അന്വേഷിക്കുന്നതെന്നാണ് പൊലീസ് വാദം. അ​ന്വേ​ഷ​ണ​ച്ചു​മ​ത​ല ആ​ലു​വ ഡി​വൈ.​എ​സ്.​പി​ക്ക് ന​ൽ​കി​യ​തി​നെ​ത്തു​ട​ർ​ന്ന് ക​ലാ രാ​ജു​വി​ന്‍റെ ര​ഹ​സ്യ​മൊ​ഴി ചൊ​വ്വാ​ഴ്ച രേ​ഖ​പ്പെ​ടു​ത്തി​യേ​ക്കും. കോ​ല​ഞ്ചേ​രി ജു​ഡീ​ഷ്യ​ൽ ഫ​സ്റ്റ് ക്ലാ​സ് മ​ജി​സ്ട്രേ​റ്റ് കോ​ട​തി​യി​ലാ​ണ് മൊ​ഴി രേ​ഖ​പ്പെ​ടു​ത്തു​ക. ന​ഗ​ര​സ​ഭ​യി​ൽ അ​വി​ശ്വാ​സ​പ്ര​മേ​യ അ​വ​ത​ര​ണ നീ​ക്ക​ത്തി​നി​ടെ​യാ​ണ് ത​ട്ടി​ക്കൊ​ണ്ടു​പോ​ക​ൽ. യു.​ഡി.​എ​ഫി​ന് അ​നു​കൂ​ല​മാ​യി വോ​ട്ട് ചെ​യ്യു​മെ​ന്ന സം​ശ​യ​െ​ത്ത തു​ട​ർ​ന്ന് എ​ൽ.​ഡി.​എ​ഫ് കൗ​ൺ​സി​ല​റാ​യ ക​ലാ രാ​ജു​വി​നെ സി.​പി.​എം പ്ര​വ​ർ​ത്ത​ക​ർ ക​ട​ത്തി​ക്കൊ​ണ്ടു​പോ​വു​ക​യാ​യി​രു​ന്നു. മ​ണി​ക്കൂ​റു​ക​ൾ​ക്കു​ശേ​ഷം സി.​പി.​എം ഓ​ഫി​സി​ൽ​നി​ന്നാ​ണ് ഇ​വ​ർ പു​റ​ത്തു​വ​ന്ന​ത്.

കോടതിയലക്ഷ്യമില്ലെന്ന്​ ഹൈകോടതി

കൊ​ച്ചി: കൂ​ത്താ​ട്ടു​കു​ളം ന​ഗ​ര​സ​ഭാ കൗ​ൺ​സി​ല​റെ ത​ട്ടി​ക്കൊ​ണ്ടു പോ​യ സം​ഭ​വ​ത്തി​ൽ കോ​ട​തി​യ​ല​ക്ഷ്യമി​​ല്ലെ​ന്ന്​ ഹൈ​കോ​ട​തി. ശ​നി​യാ​ഴ്ച​യാ​ണ്​ സി.​പി.​എം കൗ​ൺ​സി​ല​ർ ക​ലാ രാ​ജു​വി​നെ ത​ട്ടി​ക്കൊ​ണ്ടു​പോ​യ​ത്. ന​ഗ​ര​സ​ഭ​ക്ക്​ പു​റ​ത്താ​ണ്​ സം​ഭ​വം. അ​വി​ശ്വാ​സ പ്ര​മേ​യം അ​വ​ത​രി​പ്പി​ക്കു​ന്ന ദി​വ​സം പൊ​ലീ​സ് സം​ര​ക്ഷ​ണം ന​ൽ​ക​ണ​മെ​ന്ന ഉ​ത്ത​ര​വി​ന്‍റെ ലം​ഘ​ന​മാ​കി​ല്ലെ​ന്നും ജ​സ്റ്റി​സ്​ സി.​എ​സ്. ഡ​യ​സ്​ വ്യ​ക്ത​മാ​ക്കി.

ത​ട്ടി​ക്കൊ​ണ്ടു​പോ​യ സം​ഭ​വ​ത്തി​ൽ നി​യ​മ​ന​ട​പ​ടി​യാ​ണ് സ്വീ​ക​രി​ക്കേ​ണ്ട​ത്.​ പൊ​ലീ​സ്​ സം​ര​ക്ഷ​ണം തേ​ടി ഹ​ര​ജി ന​ൽ​കി​യ പ്ര​തി​പ​ക്ഷ കൗ​ൺ​സി​ല​ർ പ്രി​ൻ​സ് പോ​ൾ ജോ​ൺ വി​ഷ​യം ശ്ര​ദ്ധ​യി​ൽ​പെ​ടു​ത്തി​യ​പ്പോ​ഴാ​ണ് കോ​ട​തി​യു​ടെ പ്ര​തി​ക​ര​ണം. അ​വി​ശ്വാ​സ പ്ര​മേ​യം അ​വ​ത​രി​പ്പി​ക്കാ​ൻ നി​ശ്ച​യി​ച്ച ശ​നി​യാ​ഴ്ച ക്ര​മ​സ​മാ​ധാ​നം ഉ​റ​പ്പാ​ക്ക​ണ​മെ​ന്ന് പൊ​ലീ​സി​നോ​ട്​ കോ​ട​തി നി​ർ​ദേ​ശി​ച്ചി​രു​ന്നു. ഈ ​ഉ​ത്ത​ര​വ്​ പാ​ലി​ച്ചി​ല്ലെ​ന്നാ​ണ്​ ഹ​ര​ജി​ക്കാ​ര​ന്‍റെ വാ​ദം. എ​ന്നാ​ൽ, ന​ഗ​ര​സ​ഭ​ക്ക്​ പു​റ​ത്തു​ന​ട​ന്ന സം​ഭ​വ​ങ്ങ​ളു​ടെ പേ​രി​ൽ കോ​ട​തി ഉ​ത്ത​ര​വ് ലം​ഘി​ച്ച​താ​യി ക​ണ​ക്കാ​ക്കാ​നാ​വി​ല്ലെ​ന്ന് സിം​ഗി​ൾ ബെ​ഞ്ച് വ്യ​ക്ത​മാ​ക്കി.