കോതമംഗലം പള്ളി തർക്കം: കലക്​ടർ അഞ്ച്​ മിനിട്ടിനകം ഹാജരായില്ലെങ്കിൽ അറസ്​റ്റ്​ -ഹൈകോടതി

കൊച്ചി: കോതമംഗലം പള്ളി കേസിൽ കലക്​ടർ അഞ്ച്​ മിനിട്ടിനകം കോടതിയിൽ ഹാജരാകണമെന്ന്​ ഹൈകോടതി. കലക്​ടറുടെ ഇഷ് ​ടപ്രകാരമല്ല കോടതിയിൽ വരേണ്ടത്​. എത്തിയില്ലെങ്കിൽ അറസ്​റ്റ്​ ചെയ്യാൻ ഉത്തരവിടുമെന്നും കോടതി ഓർമിപ്പിച്ചു .

പള്ളി കേസിൽ സർക്കാർ സമർപ്പിച്ച അപ്പീലിൽ സാ​ങ്കേതിക പിഴവുകൾ കടന്നു കൂടി. പിഴവുകൾ തിരുത്തി അപ്പീൽ വീണ്ടും സമർപ്പിക്കാൻ കോടതി നിർദേശം നൽകി. പ്രധാന ഉത്തരവിന്​ പകരം പുനഃപരിശോധന ഹരജി തള്ളിയതിനെതിരെയാണ്​ സർക്കാർ അപ്പീൽ നൽകിയത്​. പ്രധാന ഉത്തരവിനെ ചോദ്യം ചെയ്​ത്​ അപ്പീൽ നൽകാൻ കോടതി നിർദേശിക്കുകയും ചെയ്​തു.

കോ​ത​മം​ഗ​ലം മ​ർ​ത്തോ​മ ചെ​റി​യ പ​ള്ളി​യു​ടെ​യും സ്വ​ത്തു​ക്ക​ളു​ടെ​യും നി​യ​ന്ത്ര​ണം ക​ല​ക്​​ട​ർ ഏ​റ്റെ​ടു​ക്ക​ണ​മെ​ന്നും സ​മാ​ധാ​നാ​ന്ത​രീ​ക്ഷം ഉ​റ​പ്പാ​കുേ​മ്പാ​ൾ ഒാ​ർ​ത്ത​ഡോ​ക്സ് വി​ഭാ​ഗ​ത്തി​ന് ൈക​മാ​റ​ണ​മെ​ന്നു​മു​ള്ള ​ൈഹ​കോ​ട​തി ഉ​ത്ത​ര​വ്​ പു​നഃ​പ​രി​ശോ​ധി​ക്ക​ണ​മെ​ന്നാ​വ​ശ്യ​പ്പെ​ട്ട്​ എ​റ​ണാ​കു​ളം ജി​ല്ല ക​ല​ക്ട​ർ ഹ​ര​ജി നൽകിയിരുന്നു. കെ.​എ​സ്. വ​ർ​ഗീ​സ്​ കേ​സി​ലെ സു​പ്രീം​കോ​ട​തി വി​ധി​യു​ടെ ലം​ഘ​ന​മാ​ണ്​ ഹൈ​കോ​ട​തി ഉ​ത്ത​ര​വെ​ന്നും പ​ള്ളി​യും സെ​മി​ത്തേ​രി​യും ആ​ർ​ക്കും പി​ടി​ച്ചെ​ടു​ക്കാ​നാ​വി​ല്ലെ​ന്ന്​ കെ.​എ​സ്. വ​ർ​ഗീ​സ്​ കേ​സി​ൽ സു​പ്രീം​കോ​ട​തി വ്യ​ക്ത​മാ​ക്കി​യി​ട്ടു​ണ്ടെന്നും ചൂണ്ടിക്കാട്ടിയായിരുന്നു ഹരജി.

കോതമംഗലം പള്ളിയിലെ നിലവിലെ സ്ഥിതി വിശദമാക്കി മുവാറ്റുപുഴ ഡി.വൈ.എസ്.പി നേരത്തെ സത്യവാങ്മൂലം സമർപ്പിച്ചിരുന്നു. പള്ളി തർക്ക കേസിൽ 2017ൽ ഓര്‍ത്തഡോക്‌സ് വിഭാഗത്തിന് അനുകൂലമായാണ് സുപ്രീംകോടതി വിധിയുണ്ടായത്.