കോട്ടയം ഗവ. നഴ്സിങ് കോളജിലെ റാഗിങ്; കോളജ് അധികൃതരുടെ പങ്കും അന്വേഷിക്കാൻ നിർദേശം

കോട്ടയം: ഗവ. നഴ്സിങ് കോളജിലെ റാഗിങിൽ കോളജ് അധികൃതർക്ക് പങ്കുണ്ടെന്ന പരാതിയിൽ ജില്ല പൊലീസ് മേധാവി അന്വേഷണം നടത്തും. ഇതുസംബന്ധിച്ച് സംസ്ഥാന പൊലീസ് ആസ്ഥാനത്തുനിന്ന് കോട്ടയം ജില്ല പൊലീസ് മേധാവിക്ക് നിർദേശം നൽകി.

ഹൈകോടതി അഭിഭാഷകനും പൊതുപ്രവർത്തകനുമായ അഡ്വ. കുളത്തൂർ ജയ്‌സിങ് നൽകിയ പരാതിയിലാണ് റാഗിങ് തടയാൻ തക്കസമയത്ത് നടപടി സ്വീകരിച്ചില്ലെന്ന് കോളജ് പ്രിൻസിപ്പലിനും വാർഡനുമെതിരെ ആരോപണമുള്ളത്. കുറ്റക്കാരായ ചിലർക്ക് അനുകൂലമായ നിലപാട് ഇവർ സ്വീകരിച്ചിരുന്നതായും ഡി.ജി.പിക്ക് നൽകിയ പരാതിയിൽ പറയുന്നു.

കോട്ടയം ഗവ. നഴ്സിങ് കോളജിലെ ഒന്നാംവര്‍ഷ നഴ്‌സിങ് ക്ലാസിലെ ആറ് ആണ്‍കുട്ടികളാണ് സീനിയേഴ്സിന്‍റെ അതിക്രൂര റാഗിങ്ങിനിരയായത്. പ്രതികളായ അഞ്ച് വിദ്യാര്‍ഥികളുടെ തുടര്‍പഠനം തടയാനും കോളജില്‍നിന്ന് ഡീബാര്‍ ചെയ്യാനും നഴ്‌സിങ് കൗണ്‍സിൽ തീരുമാനിച്ചിരുന്നു.

കോ​ട്ട​യം മൂ​ന്നി​ല​വ് വാ​ള​കം കീ​രി​പ്ലാ​ക്ക​ൽ സാ​മു​വ​ൽ ജോ​ൺ​സ​ൺ (20), മ​ല​പ്പു​റം വ​ണ്ടൂ​ർ ക​രു​മാ​റ​പ്പ​റ്റ കെ.​പി. രാ​ഹു​ൽ രാ​ജ് (22), വ​യ​നാ​ട് ന​ട​വ​യ​ൽ പു​ൽ​പ​ള്ളി ഞാ​വ​ല​ത്ത് എ​ൻ.​എ​സ്. ജീ​വ (19), മ​ല​പ്പു​റം മ​ഞ്ചേ​രി പ​യ്യ​നാ​ട് ക​ച്ചേ​രി​പ്പ​ടി​യി​ൽ സി. ​റി​ജി​ൽ​ജി​ത്ത് (20), കോ​ട്ട​യം കോ​രു​ത്തോ​ട് മ​ടു​ക്ക നെ​ടു​ങ്ങാ​ട്ട് എ​ൻ.​വി. വി​വേ​ക് (21) എ​ന്നി​വ​രാ​ണ് കേസിൽ റി​മാ​ൻ​ഡി​ലു​ള്ള​ത്. നി​ല​വി​ൽ അ​ഞ്ചു വിദ്യാർഥികൾ റാഗിങ്​ പ​രാ​തി ന​ൽ​കി​യി​ട്ടു​ണ്ട്. കൂ​ടു​ത​ൽ വി​ദ്യാ​ർ​ഥി​ക​ൾ റാ​ഗി​ങ്ങി​നി​ര​യാ​യി​ട്ടു​ണ്ടോ​യെ​ന്നും പൊ​ലീ​സ്​ പ​രി​ശോ​ധി​ക്കു​ന്നു.