കോട്ടയവും ഇടുക്കിയും ഇനി റെഡ്​ സോൺ

തിരുവനന്തപുരം: കോവിഡ്​ രോഗികളുടെ എണ്ണം വർധിച്ച സാഹചര്യത്തിൽ കോട്ടയവും ഇടുക്കിയും ഇനി റെഡ്​സോണിൽ. കോട്ട യത്തും ഇടുക്കിയിലും വർധനവ്​ വന്ന സാഹചര്യത്തിൽ ഇൗ രണ്ടു ജില്ലകൾ കൂടി റെഡ്​ സോണായി പ്രഖ്യാപിക്കുമെന്ന്​ വാർത് തസമ്മേളനത്തിൽ മുഖ്യമന്ത്രി പറഞ്ഞു.

കാസർകോട്​, കണ്ണൂർ, കോഴിക്കോട്​, മലപ്പുറം ജില്ലകൾ ​റെഡ്​സോണായി തുട രും. ഇടുക്കി ജില്ലയിലെ വണ്ടൻമേട്​, ഇരട്ടയാർ കോട്ടയത്തെ അയ്​മനം, വെള്ളൂർ, അയർക്കുന്നം, തലയോലപറമ്പ്​ എന്നീ പഞ്ചായത്തുകൾ ഹോട്ട്​സ്​പോട്ടാകും.

കോവിഡ്​ ബാധിച്ച്​ നാലു ജില്ലകളിൽ ആരും ചികിത്സയിലില്ല. തിരുവനന്തപുരം, ആലപ്പുഴ, തൃശൂർ, വയനാട്​ എന്നിവയാണ്​ കോവിഡ്​ മുക്ത ജില്ലകൾ.

ലോക്​ഡൗൺ പിൻവലിക്കുന്നതുമായി ബന്ധപ്പെട്ട്​ പ്രധാനമന്ത്രി നരേന്ദ്രമോദിയുമായി സംസ്​ഥാന മുഖ്യമന്ത്രിമാർ ചർച്ച നടത്തി. ലോക്​ഡൗൺ പിൻവലിക്കുന്ന കാര്യത്തിൽ ശ്രദ്ധപൂർവമായ സമീപനം ആവശ്യമാണെന്നാണ്​ സർക്കാരിൻെറ അഭിപ്രായം. മേയ്​ 15 വരെ ഭാഗികമായി തുടരാമെന്നാണ്​ സംസ്​ഥാനത്തിൻെറ അഭിപ്രായം. അന്നത്തെ സാഹചര്യം പരിശോധിച്ച്​ തുടർനടപടികൾ കൈക്കൊള്ളും.

തൊട്ടുമുമ്പത്തെ ആഴ്​ചയിൽ കോവിഡ്​ 19 റിപ്പോർട്ട്​ ചെയ്യാത്ത ജില്ലകളിൽ ആൾക്കൂട്ടം, പൊതുഗതാഗതം എന്നിവ നിയന്ത്രിച്ചും ശാരീരിക അകലം പാലിച്ചും ലോക്​ഡൗൺ പിൻവലിക്കാമെന്ന്​ കേരളം കേന്ദ്ര സർക്കാരിനെ അറിയിച്ചു. അന്തർ ജില്ല, അന്തർ സംസ്​ഥാന യാത്രകൾ മേയ്​ 15 വരെ നിയന്ത്രിക്കും.