കോഴി​ക്കോട്​ വിമാനത്താവളം: 14.5 ഏക്കർ ഭൂമി ഏറ്റെടുക്കാൻ പ്രത്യേക പാക്കേജ്​; സ്വ​ത്തിന്റെ തു​ക​ക്ക്​​ പു​റ​മെ പത്ത്​ ലക്ഷം അധിക സഹായം

തി​രു​വ​ന​ന്ത​പു​രം: കോ​ഴി​ക്കോ​ട്​ അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ന്‍റെ വി​ക​സ​ന​ത്തി​നാ​യി ഇ​രു​വ​ശ​ത്തും ഭൂ​മി ഏ​റ്റെ​ടു​ക്കാ​ൻ പ്ര​ത്യേ​ക പു​ന​ര​ധി​വാ​സ പാ​ക്കേ​ജി​ന്​ മ​ന്ത്രി​സ​ഭ അം​ഗീ​കാ​രം ന​ൽ​കി. മ​ല​പ്പു​റം ജി​ല്ല​യി​ൽ കൊ​ണ്ടോ​ട്ടി താ​ലൂ​ക്കി​ലെ പ​ള്ളി​ക്ക​ൽ, നെ​ടി​യി​രു​പ്പ് എ​ന്നീ വി​ല്ലേ​ജു​ക​ളി​ലെ 14.5 ഏ​ക്ക​ർ ഭൂ​മി ഏ​റ്റെ​ടു​ക്കു​ന്ന​തു​മാ​യി ബ​ന്ധ​പ്പെ​ട്ട് കു​ടി​യൊ​ഴി​പ്പി​ക്കു​ന്ന 64 കു​ടും​ബ​ങ്ങ​ൾ​ക്ക് വേ​ണ്ടി​യാ​ണ്​ പാ​ക്കേ​ജ്​ അ​നു​വ​ദി​ച്ച​ത്. മാ​ന​ദ​ണ്ഡ പ്ര​കാ​ര​മു​ള്ള 4,60,000 രൂ​പ​ക്ക്​ പു​റ​മെ 5,40,000 രൂ​പ അ​ധി​ക സ​ഹാ​യ​മാ​യി ന​ൽ​കി ഒ​രു കു​ടും​ബ​ത്തി​ന് ആ​കെ പ​ത്ത്​ ല​ക്ഷം രൂ​പ പ്ര​ത്യേ​ക പു​ന​ര​ധി​വാ​സ പാ​ക്കേ​ജാ​യാ​ണ് അ​നു​വ​ദി​ക്കു​ക.

ഏ​റ്റെ​ടു​ക്കു​ന്ന ഭൂ​മി​ക്കും കെ​ട്ടി​ട​ങ്ങ​ൾ​ക്കും മ​റ്റ്​ സ്വ​ത്തു​വ​ക​ക​ൾ​ക്കു​മു​ള്ള തു​ക​ക്ക്​​ പു​റ​മെ​യാ​ണ്​ പു​ന​ര​ധി​വാ​സ പാ​ക്കേ​ജാ​യി പ​ത്ത്​ ല​ക്ഷം രൂ​പ അ​നു​വ​ദി​ക്കു​ക. കീ​ഴ്​​വ​ഴ​ക്ക​മാ​ക്ക​രു​തെ​ന്ന നി​ബ​ന്ധ​ന​യോ​ടെ പ്ര​ത്യേ​ക കേ​സാ​യി പ​രി​ഗ​ണി​ച്ചാ​ണ്​ തീ​രു​മാ​നം. നേ​ര​ത്തേ മ​ന്ത്രി വി. ​അ​ബ്​​ദു​റ​ഹി​മാ​ൻ എം.​പി അ​ബ്​​ദു​സ്സ​മ​ദ്​ സ​മ​ദാ​നി എം.​പി, എം.​എ​ൽ.​എ​മാ​രാ​യ ടി.​വി. ഇ​ബ്രാ​ഹിം, പി. ​അ​ബ്​​ദു​ൽ ഹ​മീ​ദ്, ത​ദ്ദേ​ശ​സ്ഥാ​പ​ന പ്ര​തി​നി​ധി​ക​ൾ എ​ന്നി​വ​ർ സ​മ​ര​സ​മി​തി നേ​താ​ക്ക​ളു​മാ​യി ച​ർ​ച്ച ന​ട​ത്തി​യി​രു​ന്നു.

ഇ​തി​ൽ ഉ​യ​ർ​ന്ന നി​ർ​ദേ​ശ​ങ്ങ​ളു​ടെ അ​ടി​സ്ഥാ​ന​ത്തി​ലാ​ണ്​ മ​ന്ത്രി​സ​ഭ പ്ര​ത്യേ​ക പു​ന​ര​ധി​വാ​സ പാ​ക്കേ​ജി​ന് അ​നു​മ​തി ന​ൽ​കി​യ​ത്. നെ​ടി​യി​രു​പ്പ്​ വി​ല്ലേ​ജി​ലെ 39 വീ​ടും പ​ള്ളി​ക്ക​ൽ വി​ല്ലേ​ജി​ലെ 25 വീ​ടു​ക​ളു​മാ​ണ്​ കു​ടി​യൊ​ഴി​പ്പി​ക്ക​ലി​ലൂ​ടെ ന​ഷ്ട​പ്പെ​ടു​ക. 2013ലെ ​ആ​ർ. എ​ഫ്.​സി.​ടി.​എ​ൽ.​എ.​ആ​ർ.​ആ​ർ നി​യ​മ​പ്ര​കാ​ര​മാ​ണ്​ 4.6 ല​ക്ഷം രൂ​പ അ​നു​വ​ദി​ക്കു​ന്ന​ത്.

മൂ​ന്ന്​ ല​ക്ഷം രൂ​പ വീ​ട്​ ന​ഷ്ട​പ്പെ​ടു​ന്ന​വ​ർ​ക്കും താ​മ​സം മാ​റു​ന്ന​വ​ർ​ക്ക്​ ഒ​റ്റ​ത്ത​വ​ണ ന​ഷ്ട​പ​രി​ഹാ​ര​മാ​യി 60000 രൂ​പ​യും താ​മ​സം മാ​റു​ന്ന​വ​ർ​ക്ക്​ പ്ര​ത്യേ​ക അ​ല​വ​ൻ​സാ​യി 50000 രൂ​പ​യും ട്രാ​ൻ​സ്​​പോ​ർ​ട്ടേ​ഷ​ൻ ചാ​ർ​ജാ​യു​ള്ള 50000 രൂ​പ​യും ചേ​ർ​ത്താ​ണ്​ 4.6 ല​ക്ഷം രൂ​പ അ​നു​വ​ദി​ക്കു​ന്ന​ത്. ഇ​തി​ന്​ പു​റ​മെ 5.4 ല​ക്ഷം രൂ​പ​കൂ​ടി അ​നു​വ​ദി​ച്ചാ​ണ്​ പ​ത്ത്​ ല​ക്ഷം രൂ​പ​യു​ടെ പു​ന​ര​ധി​വാ​സ പാ​ക്കേ​ജ്.