കോഴിക്കോട്​ മദ്യഷോപ്പ്​ തുറക്കുന്നതിനെതിരെ ആത്​മഹത്യാ ഭീഷണിയുമായി നാട്ടുകാർ 

കോഴിക്കോട്​: പേ​രാ​മ്പ്ര കാ​യ​ണ്ണ പ​ഞ്ചാ​യ​ത്തി​ലെ ഊ​ളേ​രി​യി​ൽ പു​തു​താ​യി തു​റ​ക്കു​ന്ന വി​ദേ​ശ​മ​ദ്യ ഷോ​പ്പിൽ മദ്യമിറക്കിയാൽ ആത്​മഹത്യ ചെയ്യു​മെന്ന്​​ നാട്ടുകാരുടെ ഭീഷണി. മദ്യമിറക്കാൻ ശ്രമിച്ചപ്പോഴാണ്​ നാട്ടുകാർ ആത്​മഹത്യാ ഭീഷണി മുഴക്കിയത്​. രണ്ട്​ പുരുഷൻമാർ തെങ്ങിൽ കയറിയും സ്​ത്രീകൾ മണ്ണെണ്ണ ദേഹത്ത്​ ഒഴിച്ചുമാണ്​ ആത്​മഹത്യ ഭീഷണി മുഴക്കിയത്​. ഇതോ​ടെ പ്രദേശത്ത്​​ വൻ പോലീസ്​ സംഘം നിലയുറപ്പിച്ചു. അഗ്​നിശമന യൂണിറ്റുകളും പ്രദേശത്ത്​ തമ്പടിച്ചിട്ടുണ്ട്​.  

കഴിഞ്ഞ ദിവസവും മദ്യമിറക്കാനുളള ശ്രമത്തിനെതിരെ ഇവിടെ പ്രക്ഷോഭം നടന്നിരുന്നു. സ്ത്രീ​ക​ളും കു​ട്ടി​ക​ളും ഉ​ൾ​പ്പെ​ടെ നൂ​റു ക​ണ​ക്കി​നാ​ളു​ക​ളു​ടെ ശ​ക്ത​മാ​യ ചെ​റു​ത്തു​നി​ൽ​പ് കാ​ര​ണം അ​ധി​കൃ​ത​ർ ശ്ര​മം  ഉ​പേ​ക്ഷി​ക്കു​ക​യും ലോ​ഡ് കൂ​രാ​ച്ചു​ണ്ട് പൊ​ലീ​സ് സ്​​റ്റേ​ഷ​നി​ലേ​ക്ക് മാ​റ്റു​ക​യും ചെ​യ്തിരുന്നു. 

പേ​രാ​മ്പ്ര സി.​ഐ, കൂ​രാ​ച്ചു​ണ്ട് എ​സ്.​ഐ എ​ന്നി​വ​രു​ടെ നേ​തൃ​ത്വ​ത്തി​ലു​ള്ള വ​ൻ പൊ​ലീ​സ് സം​ഘ​മാ​ണ് മ​ദ്യ​മി​റ​ക്കു​ന്ന​വ​ർ​ക്ക് സം​ര​ക്ഷ​ണ​വു​മാ​യി എ​ത്തി​യ​ത്. എ​ന്നാ​ൽ, വാ​ഹ​ന​ത്തി​നു മു​ന്നി​ൽ കി​ട​ന്നും ഇ​രു​ന്നു​മെ​ല്ലാ​മു​ള്ള സ്ത്രീ​ക​ൾ ഉ​ൾ​പ്പെ​ടെ നാ​ട്ടു​കാ​രു​ടെ പ്ര​തി​രോ​ധ​ത്തി​നു മു​ന്നി​ൽ അ​ധി​കൃ​ത​ർ മു​ട്ടു​മ​ട​ക്കു​ക​യാ​യി​രു​ന്നു. 

ഇന്ന്​ വീണ്ടും മദ്യവുമായി സംഘം തിരിച്ചെത്തുകയായിരുന്നു. മ​ദ്യ​നി​രോ​ധ​ന സ​മി​തി സം​സ്ഥാ​ന ഭാ​ര​വാ​ഹി ഇ​യ്യ​ച്ചേ​രി കു​ഞ്ഞി​കൃ​ഷ്ണ​ൻ, കോ​ൺ​ഗ്ര​സ് ബാ​ലു​ശ്ശേ​രി ബ്ലോ​ക്ക് പ്ര​സി​ഡ​ൻ​റ്​ എം. ​ഋ​ഷി​കേ​ശ​ൻ, ബി.​ജെ.​പി നേ​താ​വ് ജ​യ​പ്ര​കാ​ശ് കാ​യ​ണ്ണ എ​ന്നി​വ​ർ കഴിഞ്ഞ ദിവസം സ​മ​ര​ത്തി​ന് പി​ന്തു​ണ​യു​മാ​യി എ​ത്തി​യി​രു​ന്നു. 

മ​ദ്യ​ഷോ​പ്പി​നെ​തി​രെ അ​ഞ്ചു ദി​വ​സ​മാ​യി ന​ട​ക്കു​ന്ന രാ​പ്പ​ക​ൽ സ​മ​ര​ത്തി​ന് സ​മ​ര​സ​മി​തി ചെ​യ​ർ​മാ​ൻ ഇ.​ജെ. ദേ​വ​സ്യ, ക​ൺ​വീ​ന​ർ ധ​ന്യ കൃ​ഷ്ണ​കു​മാ​ർ, ട്ര​ഷ​റ​ർ ജോ​ബി മ്ലാ​കു​ഴി, ബി​ന്ദു പ്രേ​മ​ച​ന്ദ്ര​ൻ, അ​ജി​ത രാ​ജ​ൻ, നി​മി​ഷ ബോ​സ്, സു​ധ പു​ളി​ക്കൂ​പ്പ​റ​മ്പ് എ​ന്നി​വ​രാ​ണ് നേ​തൃ​ത്വം ന​ൽ​കു​ന്ന​ത്.