കോഴിക്കോട്ടെ ബി.ജെ.പി സമ്മേളനം; 1500 പേര്‍ക്കെതിരെ കേസെടുത്തു

കോഴിക്കോട്: കോവിഡ് നിയന്ത്രണം ലംഘിച്ച് ബി.ജെ.പി സമ്മേളനം നടത്തിയ സംഭവത്തിൽ പൊലീസ് കേസെടുത്തു. കണ്ടാലറിയാവുന്ന 1500 പേര്‍ക്കെതിരെയാണ് കേസെടുത്തത്.

കോഴിക്കോട് മുതലക്കുളം മൈതാനിയിലാണ് ബി.ജെ.പി പൊതുയോഗം സംഘടിപ്പിച്ചത്. സംസ്ഥാന അധ്യക്ഷന്‍ കെ. സുരേന്ദ്രനാണ് പരിപാടി ഉദ്ഘാടനം ചെയ്തത്. പോപ്പുലര്‍ ഫ്രണ്ടിനെതിരെ ജനകീയ പ്രതിരോധമെന്ന പേരില്‍ സംഘടിപ്പിച്ച പൊതുയോഗത്തില്‍ ജില്ലയിലെ വിവിധയിടങ്ങളില്‍ നിന്നായി ആയിരക്കണക്കിനാളുകളാണ് പങ്കെടുത്തത്.