കോഴിക്കോട്​ നഗരത്തിലെ ‘ബ്ലാക്ക്​മാൻ’ താനെന്ന്​ കഴിഞ്ഞദിവസം പിടിയിലായ മോഷണക്കേസ്​ പ്രതി

കോ​ഴി​ക്കോ​ട്: നഗരത്തിലെ വിവിധ ഭാഗങ്ങളിൽ കഴിഞ്ഞ കുറച്ച്​ ദിവസങ്ങളിലായി ഭീതിപടർത്തിയ ‘ബ്ലാക്ക്​മാൻ’ താനാണെന്ന്​ കുറ്റസമ്മതം നടത്തി മോഷണക്കേസ്​ പ്രതി. കോ​വി​ഡ്​ ഇ​ള​വി​ൽ​ ജ​യി​ൽ മോ​ചി​ത​നാ​യി ന​ഗ​ര​ത്തി​ലെ​ത്തി വ​നി​ത ഹോ​സ്​​റ്റ​ലു​ക​ൾ, ആ​ശു​പ​ത്രി​ക​ൾ എ​ന്നി​വി​ട​ങ്ങ​ളി​ലും വീ​ടു​ക​ളി​ലും മോഷണം നടത്തിയ ക​ണ്ണൂ​ർ പാ​റാ​ട്ട് മു​ക്ക​ത്ത് ഹൗ​സി​ൽ മു​ഹ​മ്മ​ദ് അ​ജ്മ​ലി​നെ​ (26) വെ​ള്ളി​യാ​ഴ്​​ച പു​ല​ർ​ച്ചയാണ്​ ക​സ​ബ പൊ​ലീ​സ് അ​റ​സ്​​റ്റ്​ ചെ​യ്​​ത​ത്. 

നഗരത്തിലെ പതിനെട്ടിടങ്ങളില്‍ രാത്രികാലങ്ങളിൽ വീടിൻെറ ജനല്‍ച്ചില്ല് തകര്‍ക്കുകയും ബഹളം വച്ച് കടന്നുകളയു​കയും ചെയ്​തതായി പ്രതി സമ്മതിച്ചിട്ടുണ്ട്​. പിടികൂടാൻ ശ്രമിക്കുന്ന നാട്ടുകാരെ കല്ലെറിഞ്ഞാണ്​ ഓടിക്കാറ്​. പ്രതിക്കെതിരെ സി.സി.ടി.വി ദൃശ്യങ്ങളടക്കം കൃത്യമായ തെളിവുകളുണ്ടെന്ന്​ പൊലീസ്​ പറഞ്ഞു. 

കൊ​യി​ലാ​ണ്ടി​യി​ൽ വീ​ട്ട​മ്മ​യെ ബ​ലാ​ത്സം​ഗം ചെ​യ്യാ​ൻ ശ്ര​മി​ച്ച  കേ​സി​ൽ വ​ധ​ശ്ര​മ​ത്തി​ന് കേ​സെ​ടു​ത്ത് റി​മാ​ൻ​ഡി​ലാ​യെ​ങ്കി​ലും കോ​വി​ഡ് മു​ൻ​ക​രു​ത​ൽ ഭാ​ഗ​മാ​യി മാ​ർ​ച്ച് 24ന് ​ക​ണ്ണൂ​രി​ൽ​നി​ന്ന് ജ​യി​ൽ​മോ​ചി​ത​നാ​യി. പി​റ്റേ​ന്ന് കോ​ഴി​ക്കോ​ട്ടെ​ത്തി​യ ഇ​യാ​ൾ ആ​നി​ഹാ​ൾ റോ​ഡി​ലെ അ​ട​ച്ചി​ട്ട പ​ഴ​യ​വീ​ടി‍‍​​െൻറ പി​ൻ​വാ​തി​ൽ കു​ത്തി​ത്തു​റ​ന്ന് ഉ​ള്ളി​ൽ താ​മ​സി​ച്ചു​വ​രു​ക​യാ​യി​രു​ന്നു. ക​ഴി​ഞ്ഞ ര​ണ്ടാ​ഴ്ച​യാ​യി കോ​ഴി​ക്കോ​ട്ടെ വി​വി​ധ വ​നി​ത ഹോ​സ്​​റ്റ​ലു​ക​ളി​ലും സ്വ​കാ​ര്യ ആ​ശു​പ​ത്രി​ക​ളി​ലും വീ​ടു​ക​ളി​ലും പൂ​ർ​ണ​ന​ഗ്​​ന​നാ​യി പു​ല​ർ​ച്ച  എ​ത്തി മോ​ഷ​ണം ന​ട​ത്തു​ക​യാ​യി​രു​ന്നു. ഇ​യാ​ൾ താ​മ​സി​ച്ച വീ​ട്ടി​ൽ​നി​ന്ന് വി​ല​കൂ​ടി​യ 24 മൊ​ബൈ​ൽ ഫോ​ൺ, സ്വ​ർ​ണ​വ​ള, സ്വ​ർ​ണ​മാ​ല എ​ന്നി​വ പൊ​ലീ​സ് പി​ടി​ച്ചെ​ടു​ത്തു.

സ്ത്രീ​ക​ൾ​ക്കു​നേ​രെ ആ​ക്ര​മ​ണം ന​ട​ത്തി​യ​തി​ന്​ ക​ണ്ണൂ​ർ, കൊ​യി​ലാ​ണ്ടി പൊ​ലീ​സ് സ്​​റ്റേ​ഷ​നു​ക​ളി​ൽ വ​ധ​ശ്ര​മം അ​ട​ക്കം നി​ര​വ​ധി കേ​സു​ക​ളും നി​ല​വി​ലു​ണ്ട്. വെ​ള്ളി​യാ​ഴ്​​ച രാ​വി​ലെ ക​ല്ലാ​യി റോ​ഡി​ലെ വീ​ട്ടി​ൽ പ്ര​തി വ​ന്ന​ത​റി​ഞ്ഞ്​ പൊ​ലീ​സ് സ്ഥ​ല​ത്തെ​ത്തി. പൊ​ലീ​സി​നെ ക​ണ്ട്​ ഇ​യാ​ൾ കെ​ട്ടി​ട​ത്തി​നു മു​ക​ളി​ൽ​നി​ന്ന് ചാ​ടി ഒാ​ടി​യ​പ്പോ​ൾ പൊ​ലീ​സും നാ​ട്ടു​കാ​രും ഒ​ന്ന​ര മ​ണി​ക്കൂ​റോ​ളം പി​ന്തു​ട​ർ​ന്നാ​ണ് പി​ടി​കൂ​ടി​യ​ത്. കോ​ഴി​ക്കോ​ട് എ​ര​ഞ്ഞി​പ്പാ​ലം മ​ല​ബാ​ർ ഹോ​സ്പി​റ്റ​ൽ, മാ​വൂ​ർ റോ​ഡി​ലെ നാ​ഷ​ന​ൽ ഹോ​സ്പി​റ്റ​ൽ, പി.​വി​എ​സ്  എ​ന്നി​വി​ട​ങ്ങ​ളി​ൽ ഇ​യാ​ൾ ന​ഴ്സു​മാ​ർ​ക്കു​നേ​രെ അ​ശ്ലീ​ല​മാ​യി പെ​രു​മാ​റി​യെ​ന്ന്​ പൊ​ലീ​സ്​ പ​റ​ഞ്ഞു. പി​ടി​യി​ലാ​യ പ്ര​തി​യു​മാ​യി പൊ​ലീ​സ് തെ​ളി​വെ​ടു​പ്പ് ന​ട​ത്തി.  പ്ര​തി​യെ കോ​ട​തി റി​മാ​ൻ​ഡ് ചെ​യ്തു.