കോഴിക്കോട്-ഡൽഹി എയർ ഇന്ത്യ സർവിസ് പ്രതിദിനമാകുന്നു
text_fieldsകരിപ്പൂർ: എയർ ഇന്ത്യയുടെ കോഴിക്കോട്-ഡൽഹി എയർ ഇന്ത്യ സർവിസ് പ്രതിദിനമാകുന്നു. നിലവിൽ ആഴ്ചയിൽ നാല് സർവിസ് ഉണ്ടായിരുന്നതാണ് പ്രതിദിന സർവിസായി മാറുന്നത്. തിങ്കൾ, ബുധൻ, വെള്ളി, ഞായർ ദിവസങ്ങളിലായിരുന്നു നേരത്തേ ഈ സർവിസുകൾ ഉണ്ടായിരുന്നത്. തിരക്കേറിയതോടെയാണ് എല്ലാ ദിവസവുമാക്കിയത്. ചൊവ്വ, വ്യാഴം, ശനി, ഞായർ ദിവസങ്ങളിൽ കോഴിക്കോട്-ഡൽഹി സെക്ടറിൽ നേരിട്ടും ബാക്കിയുള്ള ദിവസങ്ങളിൽ കോഴിക്കോട്-കണ്ണൂർ-ഡൽഹി എന്നിങ്ങനെയുമാണ് ഷെഡ്യൂൾ.
തിങ്കൾ, ബുധൻ, ശനി ദിവസങ്ങളിൽ ഡൽഹി-കോഴിക്കോട്-കണ്ണൂർ-ഡൽഹി സെക്ടറിലും ബാക്കിയുള്ള ദിവസം ഡൽഹി-കണ്ണൂർ-കോഴിക്കോട്-ഡൽഹി എന്നിങ്ങനെയുമാണ് പുതിയ ഷെഡ്യൂൾ. ഇതോടെ കരിപ്പൂരിൽനിന്ന് രാജ്യതലസ്ഥാനത്തേക്ക് എല്ലാ ദിവസവും രണ്ട് സർവിസുണ്ടാകും. നിലവിൽ ഇൻഡിഗോയും എല്ലാ ദിവസവും ഡൽഹിയിലേക്ക് സർവിസ് നടത്തുന്നുണ്ട്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.