സാ​ഹി​ത്യ​ന​ഗ​രി​യെ നി​ർ​മി​ച്ച മ​ല​പ്പു​റം ജി​ല്ല

വി​ജ​യി​ച്ച ഏ​തൊ​രു പു​രു​ഷ​ന് പി​റ​കി​ലും ഒ​രു സ്​​ത്രീ​യു​ണ്ടെ​ന്ന് പ​റ​യാ​റി​ല്ലേ. അ​തേ​പോ​ലെ പ്ര​ശ​സ്​​തി​യി​ലേ​ക്ക് വി​ക​സി​ച്ച ഏ​ത് ന​ഗ​ര​ത്തി​നു​പി​ന്നി​ലും അ​തി​നെ ഊ​ട്ടി​വ​ള​ർ​ത്തി​യ ഗ്രാ​മ​സ്ഥ​ലി​ക​ൾ സു​നി​ശ്ചി​ത​മാ​ണ്. ആ ​മാ​ന​ദ​ണ്ഡ​പ്ര​കാ​രം കോ​ഴി​ക്കോ​ടി​നെ കോ​ഴി​ക്കോ​ടാ​ക്കി വ​ള​ർ​ത്തി​യ പ്ര​ധാ​ന പ്രാ​ന്ത​പ്ര​ദേ​ശം മ​ല​പ്പു​റം ജി​ല്ല​യാ​ണെ​ന്ന് കാ​ണാം. വി​ശേ​ഷി​ച്ച്, കോ​ഴി​ക്കോ​ട് അ​ണി​ഞ്ഞു​നി​ൽ​ക്കു​ന്ന സാ​ഹി​ത്യ​ന​ഗ​ര​പ്പ​ട്ടം ആ​ർ​ജി​ക്കാ​നു​ള്ള ആ​ശ​യ, ദ​ർ​ശ​ന, മ​നു​ഷ്യ​വി​ഭ​വ​ങ്ങ​ൾ നി​ര​ന്ത​രം പ്ര​ദാ​നം ചെ​യ്ത​ത് മ​ല​പ്പു​റ​ത്തി​ന്റെ സ്ഥ​ലി​ക​ളാ​ണ്.

ഇ​ത് ന​ൽ​കാ​ൻ മ​ല​പ്പു​റ​ത്തെ പ്രാ​പ്ത​മാ​ക്കി​യ​ത് നാ​ടി​ന്റെ സാ​ഹി​തീ​യ​ത​യാ​ണ്. അ​പ​ര​പ​രി​ഗ​ണ​ന​യാ​ണ​ല്ലോ സാ​ഹി​ത്യ​ത്തി​ന്റെ മൂ​ല​ധ​നം. അ​ടു​ത്തു​നി​ൽ​ക്കു​ന്ന അ​നു​ജ​നി​ലേ​ക്ക് മാ​ത്ര​മ​ല്ല, മ​റ്റ് ജാ​തി​ക്കാ​രി​ലേ​ക്കും മ​ത​ക്കാ​രി​ലേ​ക്കും പ​രി​ഗ​ണ​ന​യു​ടെ മൃ​ദു​ല സ്​​പ​ർ​ശ​ങ്ങ​ൾ മ​ല​പ്പു​റം ജി​ല്ല എ​ന്നും നീ​ട്ടി​യി​രു​ന്നു. ഭാ​ഷാ​പി​താ​വാ​യ തു​ഞ്ച​ത്താ​ചാ​ര്യ​നെ വേ​ദ​പ​ഠ​ന​ത്തി​നാ​യി ത​മി​ഴ്നാ​ട്ടി​ലെ​ത്തി​ക്കാ​ൻ എ​ല്ലാ സൗ​ക​ര്യ​ങ്ങ​ളും ചെ​യ്തു​കൊ​ടു​ത്ത​ത് ജ​ലാ​ലു​ദ്ദീ​ൻ മൂ​പ്പ​നെ​ന്ന മു​സ​ൽ​മാ​നാ​ണ്. പ​ഠ​നം ക​ഴി​ഞ്ഞ് തി​രി​ച്ചെ​ത്തി​യ ആ​ചാ​ര്യ​ൻ തു​ഞ്ച​ൻ പ​റ​മ്പി​ലെ ത​ന്റെ ക​ള​രി​യി​ൽ കീ​ഴ്ജാ​തി​ക്കാ​രു​ടെ​യും മു​സ്‍ലിം​ക​ളു​ടെ​യും കു​ട്ടി​ക​ളെ അ​ക്ഷ​ര​പ​ഠ​ന​ത്തി​നാ​യി ചേ​ർ​ത്തു. അ​തി​നാ​ൽ രാ​ജ​കോ​പ​ത്തി​ന് പാ​ത്ര​മാ​യി നാ​ടു​വി​ടേ​ണ്ടി​യും വ​ന്നു. പു​റം​നാ​ട്ടി​ൽ നി​ന്ന് സ​മ്പാ​ദി​ച്ച പ​ണം ക​ച്ച​വ​ട​ക്കാ​രി​ലൂ​ടെ അ​ദ്ദേ​ഹം ജ​ലാ​ലു​ദ്ദീ​ൻ മൂ​പ്പ​നി​ലെ​ത്തി​ച്ചു. ദേ​ശാ​ട​നം ക​ഴി​ഞ്ഞ് തി​രി​ച്ചെ​ത്തി​യ എ​ഴു​ത്ത​ച്ഛ​ന്, അ​ന്നേ​ക്ക് ഇ​ഹ​ലോ​ക​വാ​സം വെ​ടി​ഞ്ഞി​രു​ന്ന മൂ​പ്പ​ന്റെ മ​ക​ൻ സ്വ​രു​ക്കൂ​ട്ടി​വെ​ച്ചി​രു​ന്ന പ​ണം ലാ​ഭ​സ​ഹി​തം തി​രി​ച്ചു​കൊ​ടു​ത്തു. അ​ങ്ങ​നെ ആ​ചാ​ര്യ​ന് ചി​റ്റൂ​രി​ൽ ആ​ശ്ര​മ​ത്തി​നും മ​റ്റു​മു​ള്ള സ്ഥ​ലം വാ​ങ്ങാ​ൻ സാ​ധി​ച്ചു.

യ​മ​നി​ൽ വേ​രു​ക​ളു​ള്ള സൈ​നു​ദ്ദീ​ൻ മ​ഖ്ദൂ​മു​മാ​ർ​ക്ക് സാ​മ്രാ​ജ്യ​ത്വ​വി​രു​ദ്ധ ക​വി​ത​യും ച​രി​ത്ര​വും എ​ഴു​താ​നു​ള്ള ത്രാ​ണി​യു​ണ്ടാ​ക്കി​യ​തും മ​ല​പ്പു​റം ജി​ല്ല​യി​ലെ പൊ​ന്നാ​നി മ​ണ്ണാ​ണ്. സൈ​നു​ദ്ദീ​ൻ മ​ഖ്ദൂം ഒ​ന്നാ​മ​നാ​ണ് കൊ​ച്ചി​യി​ൽ​നി​ന്ന് കു​ഞ്ഞാ​ലി മ​ര​യ്ക്കാ​രെ കൂ​ട്ടി​ക്കൊ​ണ്ടു​വ​ന്ന് സാ​മൂ​തി​രി​യു​ടെ സേ​നാ​നാ​യ​ക​നാ​ക്കി മാ​റ്റി​യ​ത്. ഇ​ന്ത്യ​യി​ലെ ആ​ദ്യ​ത്തെ സാ​മ്രാ​ജ്യ​ത്വ​വി​രു​ദ്ധ സാ​ഹി​ത്യം സൈ​നു​ദ്ദീ​ൻ മ​ഖ്ദൂ​മു​മാ​രു​ടെ​താ​യി​രു​ന്നു. സൈ​നു​ദ്ദീ​ൻ മ​ഖ്ദൂം ഒ​ന്നാ​മ​ൻ സാ​മൂ​തി​രി​യു​ടെ അ​റ​ബ് നാ​ട്ടി​ലെ അം​ബാ​സ​ഡ​റെ​പ്പോ​ലെ​യാ​ണ് പ്ര​വ​ർ​ത്തി​ച്ചി​രു​ന്ന​ത്. ഈ ​ആ​ത്മ​മ​ബ​ന്ധം കൊ​ണ്ടാ​യി​രി​ക്കാം മ​ഖ്ദൂം ആ​സ്ഥാ​ന​മാ​യ പൊ​ന്നാ​നി സാ​മൂ​തി​രി ത​ന്റെ ര​ണ്ടാം ത​ല​സ്ഥാ​ന​മാ​ക്കി​യ​ത്. ര​ണ്ടാം ത​ല​സ്ഥാ​ന​ക്കാ​ർ​ക്ക് ഒ​ന്നാം ത​ല​സ്ഥാ​ന​ത്തോ​ടു​ള്ള മോ​ഹാ​വേ​ശം അ​പാ​ര​മാ​യി​രി​ക്കു​മ​ല്ലോ. അ​ങ്ങ​നെ​യാ​ണ് പൊ​ന്നാ​നി​യി​ലെ​യും മ​റ്റ് മ​ല​പ്പു​റം ജി​ല്ല ഭാ​ഗ​ങ്ങ​ളി​ലെ​യും ധാ​രാ​ളം എ​ഴു​ത്തു​കാ​ർ ത​ങ്ങ​ളു​ടെ സ​ർ​ഗാ​ത്മ​ക​മാ​യ സി​ദ്ധി​ക​ളു​മാ​യി കോ​ഴി​ക്കോ​ട്ടേ​ക്ക് കു​ടി​യേ​റി​യ​തും അ​വി​ടം ത​ട്ട​ക​മാ​ക്കി പ്ര​വ​ർ​ത്തി​ച്ച​തും. ആ ​പ്ര​വ​ർ​ത്ത​ന​ങ്ങ​ളു​ടെ ഫ​ല​ശ്രു​തി​യാ​ണ് ഇ​ന്ന് കോ​ഴി​ക്കോ​ടി​ന് ല​ഭി​ച്ചി​രി​ക്കു​ന്ന സാ​ഹി​ത്യ​ന​ഗ​രി​യെ​ന്ന പ​ദ​വി.

ഉ​റൂ​ബ്, അ​ക്കി​ത്തം, എം.​ടി. വാ​സു​ദേ​വ​ൻ നാ​യ​ർ, എ​ൻ. പി. ​മു​ഹ​മ്മ​ദ്, കെ.​ടി. മൂ​ഹ​മ്മ​ദ്, എം.​ജി.​എ​സ്. നാ​രാ​യ​ണ​ൻ, പി.​എം. നാ​രാ​യ​ണ​ൻ തു​ട​ങ്ങി​യ എ​ഴു​ത്തു​കാ​ർ സാ​മൂ​തി​രി​യു​ടെ ര​ണ്ടാം ത​ല​സ്ഥാ​ന​ത്തു​നി​ന്ന് ഒ​ന്നാം ത​ല​സ്ഥാ​ന​ത്തേ​ക്ക് പ്ര​യാ​ണം ന​ട​ത്തി​യ എ​ഴു​ത്തു​കാ​രാ​ണ്. ആ ​പ​ര​മ്പ​ര​യി​ലെ ഒ​രു ക​ണ്ണി​യാ​ണ് ഞാ​നും. മ​ല​പ്പു​റം ജി​ല്ല​യി​ൽ നി​ന്നെ​ത്തി​യ എ​ഴു​ത്തു​കാ​രാ​ണ് കൊ​ഴി​ക്കോ​ട്ടെ സാ​ഹി​ത്യ​സം​രം​ഭ​ങ്ങ​ൾ​ക്ക് നി​ർ​ണാ​യ​ക​മാ​യ നേ​തൃ​ത്വം ന​ൽ​കി​യ​തെ​ന്ന് പ​റ​യാം. കോ​ലാ​യ പോ​ലു​ള്ള സാ​ഹി​ത്യ​ക്കൂ​ട്ടാ​യ്മ​യു​ടെ പ്ര​യോ​ക്താ​ക്ക​ൾ അ​വ​ർ ത​ന്നെ​യാ​യി​രു​ന്നു.

ഒ​രു സ്​​ത്രീ സ്വ​ന്തം ശ​രീ​ര​ത്തി​ൽ നി​ന്ന് വി​ള​യി​ച്ചെ​ടു​ത്ത സ​ന്ത​തി​ക​ളു​ടെ സ​മ്പ​ത്തു​കൊ​ണ്ട് ത​ന്റെ പ്രി​യ​ത​മ​ന്റെ യ​ശ​സ്സ് ലോ​ക​ത്തി​നു മു​ന്നി​ൽ ഉ​യ​ർ​ത്തു​ന്നി​ല്ലേ. ആ ​ഒ​രു സാ​യൂ​ജ്യ​മാ​ണ് കോ​ഴി​ക്കോ​ടി​ന് സാ​ഹി​ത്യ​ന​ഗ​ര പ​ദ​വി ല​ഭി​ച്ച​പ്പോ​ൾ തീ​ർ​ച്ച​യാ​യും മ​ല​പ്പു​റം ജി​ല്ല അ​നു​ഭ​വി​ക്കു​ന്ന​ത്.