മെഡിക്കൽ കോളജ് ഐ.സി.യു പീഡനം: പ്രതിക്ക്​ അനുകൂലമായി ഡോക്ടറുടെ മൊഴിയെന്ന്​ പരാതി

കോ​ഴി​ക്കോ​ട്: മെ​ഡി​ക്ക​ൽ കോ​ള​ജ് സ​ർ​ജി​ക്ക​ൽ ഐ.​സി.​യു​വി​ൽ രോ​ഗി​യെ അ​റ്റ​ൻ​ഡ​ർ പീ​ഡി​പ്പി​ച്ചെ​ന്ന കേ​സി​ൽ അ​തി​ജീ​വി​ത​യെ പ​രി​ശോ​ധി​ച്ച ഡോ​ക്ട​ർ മൊ​ഴി ന​ൽ​കി​യ​ത് പ്ര​തി​ക്ക് അ​നു​കൂ​ല​മാ​യെ​ന്ന് പ​രാ​തി. കേ​സ് ആ​വ​ശ്യാ​ർ​ഥം അ​തി​ജീ​വി​ത മൊ​ഴി​പ്പ​ക​ർ​പ്പ് ആ​വ​ശ്യ​പ്പെ​ട്ട​പ്പോ​ഴാ​ണ് ഇ​ക്കാ​ര്യം പു​റ​ത്തു​വ​ന്ന​ത്. പ​രാ​തി​ക്കാ​രി​യെ പ​രി​ശോ​ധി​ച്ച് റി​പ്പോ​ർ​ട്ട് സ​മ​ർ​പ്പി​ക്കാ​ൻ ഡോ. ​കെ.​വി. പ്രീ​ത​യെ​യാ​ണ് അ​ന്ന​ത്തെ ഐ.​എം.​സി.​എ​ച്ച് സൂ​പ്ര​ണ്ട് ചു​മ​ത​ല​പ്പെ​ടു​ത്തി​യി​രു​ന്ന​ത്.

രോ​ഗി​യു​ടെ ര​ഹ​സ്യ​ഭാ​ഗ​ത്ത് പ​രി​ക്കോ ര​ക്ത​സ്രാ​വ​മോ ക​ണ്ടി​ട്ടി​ല്ലെ​ന്നാ​ണ് അ​തി​ജീ​വി​ത​യെ പ​രി​ശോ​ധി​ച്ച ഗൈ​ന​ക്കോ​ള​ജി​സ്റ്റ് പൊ​ലീ​സി​ന് ന​ൽ​കി​യ മൊ​ഴി. ബാ​ഹ്യ​മോ ആ​ന്ത​രി​ക​മോ ആ​യ അ​വ​യ​വ​ങ്ങ​ൾ​ക്ക് പ​രി​ക്കു​ക​ളൊ​ന്നും ക​ണ്ടെ​ത്തി​യി​ട്ടി​ല്ല. അ​തി​നാ​ൽ സാ​മ്പി​ളു​ക​ളൊ​ന്നും ശേ​ഖ​രി​ച്ചി​ട്ടി​ല്ല. ര​ഹ​സ്യ​ഭാ​ഗ​ത്തി​ന്‍റെ അ​ക​ത്തേ​ക്ക് കൈ​വി​ര​ലോ മ​റ്റെ​ന്തെ​ങ്കി​ലു​മോ ക​ട​ന്ന​താ​യി ആ ​സ​മ​യം രോ​ഗി ത​ന്നോ​ട് പ​റ​ഞ്ഞി​രു​ന്നി​ല്ലെ​ന്നും ഡോ​ക്ട​ർ പൊ​ലീ​സി​ന് ന​ൽ​കി​യ മൊ​ഴി​യി​ൽ വ്യ​ക്ത​മാ​ക്കി​യി​ട്ടു​ണ്ട്. താ​ൻ ഡോ​ക്ട​റോ​ട് പ​റ​ഞ്ഞ​തി​ന് വി​പ​രീ​ത​മാ​യാ​ണ് മൊ​ഴി​യെ​ന്ന് അ​തി​ജീ​വി​ത ആ​രോ​പി​ച്ചു. പ്ര​തി ശ​ശീ​ന്ദ്ര​ൻ ക്രൂ​ര​മാ​യി പീ​ഡി​പ്പി​ച്ച​തും ര​ക്ത​സ്രാ​വം ഉ​ണ്ടാ​യ​തും ഡോ​ക്ട​റോ​ട് പ​റ​ഞ്ഞ​താ​ണ്. ത​നി​ക്ക് വേ​ദ​ന​യു​ണ്ടെ​ന്നും മൂ​ത്ര​മൊ​ഴി​ക്കു​മ്പോ​ൾ പ്ര​യാ​സ​മു​ണ്ടെ​ന്നും പ​റ​ഞ്ഞി​രു​ന്നു. ഇ​ക്കാ​ര്യ​ങ്ങ​ളെ​ല്ലാം പൊ​ലീ​സി​ന് കൊ​ടു​ത്ത മൊ​ഴി​യി​ലും പ​റ​ഞ്ഞി​ട്ടു​ണ്ട്.

ഡോ​ക്ട​ർ ത​ന്നെ പ​രി​ശോ​ധി​ക്കു​മ്പോ​ൾ കൂ​ടെ​യു​ണ്ടാ​യി​രു​ന്ന ഹെ​ഡ്ന​ഴ്സും ഡോ​ക്ട​റോ​ട് പ​രി​ക്കു​ക​ളെ​ക്കു​റി​ച്ച് പ​റ​ഞ്ഞി​രു​ന്നു. അ​പ്പോ​ൾ വ​ള​രെ മോ​ശ​മാ​യ രീ​തി​യി​ലാ​യി​രു​ന്നു അ​വ​രു​ടെ പ്ര​തി​ക​ര​ണ​മെ​ന്നും അ​തി​ജീ​വി​ത പ​റ​ഞ്ഞു.

അ​തേ​സ​മ​യം, ഡോ​ക്ട​ർ​ക്കെ​തി​രെ ന​ട​പ​ടി സ്വീ​ക​രി​ക്ക​ണ​മെ​ന്ന് ആ​വ​ശ്യ​പ്പെ​ട്ട് അ​തി​ജീ​വി​ത മെ​ഡി​ക്ക​ൽ കോ​ള​ജ് പ്രി​ൻ​സി​പ്പ​ൽ എ​ൻ. അ​ശോ​ക​നും സി​റ്റി പൊ​ലീ​സ് ക​മീ​ഷ​ണ​ർ​ക്കും പ​രാ​തി ന​ൽ​കി. പ്ര​തി​യാ​യ ശ​ശീ​ന്ദ്ര​ന് അ​നു​കൂ​ല​മാ​യാ​ണ് ഡോ​ക്ട​റു​ടെ മൊ​ഴി. കേ​സി​ൽ പു​ന​ര​ന്വേ​ഷ​ണം വേ​ണ​മെ​ന്നും പ​രാ​തി​യി​ൽ ആ​വ​ശ്യ​പ്പെ​ട്ടു. വി​ഷ​യം ചൂ​ണ്ടി​ക്കാ​ട്ടി ആ​രോ​ഗ്യ​മ​ന്ത്രി​ക്ക്​ പ​രാ​തി ന​ൽ​കു​മെ​ന്നും യു​വ​തി അ​റി​യി​ച്ചു.

അ​തി​നി​ടെ, സം​ഭ​വ​ത്തി​ൽ പ്ര​തി​യു​ടെ ജാ​മ്യം റ​ദ്ദാ​ക്കു​ക, പു​ന​ര​ന്വേ​ഷ​ണം ന​ട​ത്തു​ക എ​ന്നീ ആ​വ​ശ്യ​ങ്ങ​ളു​ന്ന​യി​ച്ച് അ​ഭി​ഭാ​ഷ​ക​ൻ ഗ​ജേ​ന്ദ്ര​സി​ങ് പു​രോ​ഹി​ത് മു​ഖാ​ന്ത​രം ഹൈ​കോ​ട​തി​യെ സ​മീ​പി​ക്കാ​നൊ​രു​ങ്ങു​ക​യാ​ണ് അ​തി​ജീ​വി​ത.