മ​രു​ന്ന് ക്ഷാ​മം; ജ​നം വ​ല​ഞ്ഞി​ട്ടും സ​ർ​ക്കാ​റി​ന് മെ​ല്ലെ​പ്പോ​ക്ക്

കോ​ഴി​ക്കോ​ട്: കോ​ഴി​ക്കോ​ട് മെ​ഡി​ക്ക​ൽ കോ​ള​ജ് ആ​ശു​പ​ത്രി ന്യാ​യ​വി​ല മെ​ഡി​ക്ക​ൽ സ്റ്റോ​റു​ക​ളി​ലേ​ക്കു​ള്ള മ​രു​ന്ന്, സ​ർ​ജി​ക്ക​ൽ ഉ​പ​ക​ര​ണ​ങ്ങ​ൾ വി​ത​ര​ണം മു​ട​ങ്ങി മ​രു​ന്ന് വി​ത​ര​ണം താ​റു​മാ​റാ​യി​ട്ടും പ്ര​ശ്നം പ​രി​ഹ​രി​ക്കു​ന്ന​തി​ൽ സ​ർ​ക്കാ​റി​ന് അ​മാ​ന്തം. ഇ​ക്ക​ഴി​ഞ്ഞ 10 മു​ത​ൽ വി​ത​ര​ണ​ക്കാ​ർ മ​രു​ന്ന് വി​ത​ര​ണം നി​ർ​ത്തി​വെ​ച്ച​തോ​ടെ കാ​ൻ​സ​ർ, ഡ​യാ​ലി​സി​സ്, ഹൃ​ദ്രോ​ഗ മ​രു​ന്നു​ക​ൾ കി​ട്ടാ​തെ ജ​നം വ​ല​യു​ക​യാ​ണ്. നി​ര​വ​ധി പേ​ർ​ക്ക് ഡ​യാ​ലി​സി​സ് മു​ട​ങ്ങി. എ​ന്നി​ട്ടും പ്ര​ശ്നം പ​രി​ഹ​രി​ക്കാ​ൻ സ​ർ​ക്കാ​ർ അ​ടി​യ​ന്ത​ര ഇ​ട​പെ​ട​ൽ ന​ട​ത്തു​ന്നി​ല്ലെ​ന്നാ​ണ് ആ​ക്ഷേ​പം.

ക​ഴി​ഞ്ഞ ഏ​പ്രി​ൽ മു​ത​ൽ ഒ​മ്പ​തു മാ​സ​ത്തെ കു​ടി​ശ്ശി​ക​യു​ണ്ടാ​യി​രു​ന്ന വി​ത​ര​ണ​ക്കാ​ർ​ക്ക് മേ​യ് മാ​സ​ത്തെ കു​ടി​ശ്ശി​ക​കൂ​ടി ചൊ​വ്വ, ബു​ധ​ൻ ദി​വ​സ​ങ്ങ​ളി​ലാ​യി ന​ൽ​കാ​മെ​ന്നും മ​രു​ന്ന് വി​ത​ര​ണം പു​ന​രാ​രം​ഭി​ക്ക​ണ​മെ​ന്നും മെ​ഡി​ക്ക​ൽ കോ​ള​ജ് സൂ​പ്ര​ണ്ട് ഡോ. ​ശ്രീ​ജ​യ​ൻ വി​ത​ര​ണ​ക്കാ​രോ​ട് ആ​വ​ശ്യ​പ്പെ​ട്ടി​രു​ന്നു. സ​മ​രം തു​ട​ങ്ങി​യ​ശേ​ഷം ശ​നി​യാ​ഴ്ച ഏ​പ്രി​ൽ മാ​സ​ത്തെ കു​ടി​ശ്ശി​ക അ​നു​വ​ദി​ച്ചി​രു​ന്നു. ഇ​തോ​ടെ ര​ണ്ടു മാ​സ​ത്തെ കു​ടി​ശ്ശി​ക​യാ​ണ് ല​ഭി​ക്കു​ക. എ​ന്നാ​ൽ സ​പ്തം​ബ​ർ വ​രെ‍യു​ള്ള കു​ടു​ശ്ശി​ക ല​ഭി​ക്കാ​തെ സ​മ​ര​ത്തി​ൽ നി​ന്ന് പി​ന്മാ​റി​ല്ലെ​ന്ന് ആ​ൾ കേ​ര​ള കെ​മി​സ്റ്റ് ആ​ന്റ് ഡ്ര​ഗ്ഗി​സ്റ്റ് അ​സോ​സി​യേ​ഷ​ൻ കോ​ഴി​ക്കോ​ട് ജി​ല്ലാ ക​മ്മി​റ്റി അ​റി​യി​ച്ചു.

മാ​ത്ര​മ​ല്ല മ​രു​ന്ന് വി​ത​ര​ണം ന​ട​ത്തി​യാ​ൽ 90 ദി​വ​സ​ത്തി​ന​കം പ​ണം ന​ൽ​കു​മെ​ന്ന ഉ​റ​പ്പും ല​ഭി​ക്ക​ണ​മെ​ന്നും അ​സോ​സി​യേ​ഷ​ൻ പ്ര​തി​നി​ധി പ​റ​ഞ്ഞു.

അ​തേ​സ​മ​യം മെ​ഡി​ക്ക​ൽ കോ​ള​ജി​ൽ ന്യാ​യ​വി​ല മെ​ഡി​ക്ക​ൽ ഷോ​പ്പി​ൽ​നി​ന്ന് മ​രു​ന്ന് ല​ഭി​ക്കാ​തെ രോ​ഗി​ക​ൾ പ്ര‍യാ​സ​പ്പെ​ടു​ക​യാ​ണ്. പി​താ​വി​ന് സ്ട്രോ​ക്ക് വ​ന്ന​തി​നെ​തു​ർ​ന്നാ​ണ് കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ൽ ചി​കി​ത്സ തേ​ടി വ​ന്ന​താ​ണ് ത​ങ്ങ​ളെ​ന്നും മെ​ഡി​ക്ക​ൽ കോ​ള​ജി​ലെ ന്യാ​യ​വി​ല, കാ​രു​ണ്യ മെ​ഡി​ക്ക​ൽ ഷോ​പ്പു​ക​ളി​ൽ അ​ന്വേ​ഷി​ച്ചി​ട്ട് ഡോ​ക്ട​ർ എ​ഴു​തി​ത്ത​ന്ന ഒ​രു മ​രു​ന്നു​പോ​ലും ല​ഭി​ച്ചി​ല്ലെ​ന്നും പ​ര​പ്പ​ന​ങ്ങാ​ടി സ്വ​ദേ​ശി​നി പ​റ​ഞ്ഞു.

കു​ടി​ശ്ശി​ക 80 കോ​ടി ക​ട​ന്ന​തോ​ടെ 10 മു​ത​ൽ വി​ത​ര​ണ​ക്കാ​ർ മെ​ഡി​ക്ക​ൽ കോ​ള​ജി​ലേ​ക്കു​ള്ള മ​രു​ന്ന്, സ​ർ​ജി​ക്ക​ൽ ഉ​പ​ക​ര​ണ വി​ത​ര​ണം നി​ർ​ത്തി​വെ​ച്ചി​രു​ന്നു.

ഫ്ലൂ​യി​ഡ് ല​ഭി​ക്കു​ന്നി​ല്ല; ഡ​യാ​ലി​സി​സ് രോ​ഗി​ക​ൾ പ​രാ​തി ന​ൽ​കി

കോ​ഴി​ക്കോ​ട്: ജി​ല്ല​യി​ൽ പെ​രി​ട്രോ​ണി​യ​ൽ ഡ​യാ​ലി​സി​സ് ചെ​യ്യു​ന്ന രോ​ഗി​ക​ൾ​ക്ക് കാ​രു​ണ്യ ആ​രോ​ഗ്യ ഇ​ൻ​ഷു​റ​ൻ​സ് വ​ഴി ഫ്ലൂ​യി​ഡ് വി​ത​ര​ണം നി​ല​ച്ചു.

മ​രു​ന്ന് വി​ത​ര​ണം മു​ട​ങ്ങി​യ​ത് സാ​ധാ​ര​ണ​ക്കാ​രാ​യ ത​ങ്ങ​ളെ പ്ര​തി​സ​ന്ധി​യി​ലാ​ക്കി​യെ​ന്നും വി​ത​ര​ണം ഉ​ട​ൻ പു​ന​രാ​രം​ഭി​ക്ക​ണ​മെ​ന്നും ആ​വ​ശ്യ​പ്പെ​ട്ട് രോ​ഗി​ക​ൾ കോ​ഴി​ക്കോ​ട് എ.​ഡി.​എം.​ഒ​ക്ക് ഓ​ഫി​സി​ലെ​ത്തി പ​രാ​തി ന​ൽ​കി. കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ൽ​നി​ന്നും ജി​ല്ല താ​ലൂ​ക്ക് ആ​ശു​പ​ത്രി​ക​ളി​ൽ നി​ന്നു​മാ​യി​രു​ന്നു പെ​രി​ട്രോ​ണി​യ​ൽ ഡ​യാ​ലി​സി​സ് ചെ​യ്യു​ന്ന​വ​ർ​ക്ക് (വീ​ട്ടി​ൽ​നി​ന്ന് ഡ​യാ​ലി​സി​സ് ചെ​യ്യു​ന്ന​വ​ർ) കാ​രു​ണ്യ ആ​രോ​ഗ്യ ഇ​ൻ​ഷു​റ​ൻ​സ് വ​ഴി മ​രു​ന്ന് വി​ത​ര​ണം ന​ട​ത്തി​യി​രു​ന്ന​ത്.

എ​ന്നാ​ൽ, ഈ ​മാ​സം ആ​ദ്യം മു​ത​ൽ​ത​ന്നെ ഇ​തി​ന്‍റെ വി​ത​ര​ണം നി​ല​ച്ചു. ബീ​ച്ച് ആ​ശു​പ​ത്രി​യി​ൽ​നി​ന്ന് നേ​ര​ത്തേ മ​രു​ന്ന് ല​ഭി​ച്ചി​രു​ന്നെ​ങ്കി​ലും ആ​റ് മാ​സം മു​മ്പേ ഇ​തു നി​ല​ച്ചി​രു​ന്ന​താ​യും രോ​ഗി​ക​ൾ പ​റ​ഞ്ഞു.

സാ​ധാ​ര​ണ​ഗ​തി​യി​ൽ ഒ​രു രോ​ഗി​ക്ക് ഒ​രു​ദി​വ​സ​ത്തെ ഡ​യാ​ലി​സി​ന് 1200 രൂ​പ വേ​ണ​മെ​ന്നും മ​രു​ന്ന് വി​ത​ര​ണം മു​ട​ങ്ങി​യ​ത് സാ​ധാ​ര​ണ​ക്കാ​രാ​യ രോ​ഗി​ക​ളെ പ്ര​തി​സ​ന്ധി​യി​ലാ​ക്കി​യി​രി​ക്കു​ക​യാ​ണെ​ന്നും മ​ലാ​പ്പ​റ​മ്പ് സ്വ​ദേ​ശി വി. ​ര​ജീ​ഷ് പ​റ​ഞ്ഞു.

ര​ജീ​ഷി​ന്റെ പി​താ​വ് ശ​ശീ​ന്ദ്ര​ൻ 45 ദി​വ​സ​ത്തെ ഫ്ലൂ​യി​ഡ് വാ​ങ്ങു​ന്ന​തി​ന് 36000 രൂ​പ​യാ​ണ് കാ​രു​ണ്യ ആ​രോ​ഗ്യ ഇ​ൻ​ഷു​റ​ൻ​സ് പ​ദ്ധ​തി​വ​ഴി അ​നു​വ​ദി​ച്ചി​രു​ന്ന​ത്. കോ​ഴി​ക്കോ​ട് മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലെ കാ​രു​ണ്യ, ന്യാ​യ​വി​ല മെ​ഡി​ക്ക​ൽ ഷോ​പ്പു​ക​ളി​ൽ​നി​ന്നാ​ണ് ഇ​വ അ​നു​വ​ദി​ച്ചി​രു​ന്ന​ത്.

എ​ന്നാ​ൽ, ഈ​മാ​സം ആ​റി​ന് എ​ത്തി​യ​പ്പോ​ൾ കാ​രു​ണ്യ പ​ദ്ധ​തി പ്ര​കാ​രം പെ​രി​ട്രോ​ണി​യ​ർ ഡ​യാ​ലി​സി​സി​ന് മ​രു​ന്ന് വി​ത​ര​ണം നി​ർ​ത്തി​വെ​ച്ച​താ​യി മ​റു​പ​ടി ല​ഭി​ച്ച​താ​യും ര​ജീ​ഷ് പ​റ​ഞ്ഞു. ജി​ല്ല​യി​ൽ മ​റ്റ് സ​ർ​ക്കാ​ർ ആ​ശു​പ​ത്രി​ക​ളി​ലും മ​രു​ന്ന് ല​ഭി​ക്കു​ന്നി​ല്ല.