കെ.പി ശശികല വീണ്ടും ശബരിമലയിലേക്ക്​

ശബരിമല: ഹിന്ദു ​ ഐക്യവേദി സംസ്​ഥാന പ്രസിഡൻറ്​ കെ.പി ശശികല വീണ്ടും ശബരിമലയിലേക്ക്​. ഇവർ കെ.എസ്​.ആർ.ടി.സി ബസിൽ നില​ക്കലെത്തിയിട്ടുണ്ട്​. മക​​​ന്റെ മക്കൾക്ക്​ ചോറൂണിനായാണ്​ ശബരിമലയിൽ എത്തിയിരിക്കുന്നതെന്നും ഇതിനിടയിൽ രാഷ്​ട്രീയം പറയാനില്ലെന്നും ശശികല പറഞ്ഞു. അതേസമയം, പ്രായത്തി​​​​ന്റെ പേരിൽ സാമൂഹിക മാധ്യമങ്ങളിൽ ഉയരുന്ന ആരോപണങ്ങൾക്ക്​ തിരിച്ചറിയൽ കാർഡ്​ ഉയർത്തിക്കാട്ടി.

കുട്ടികളെയും കൊണ്ട്​ വരു​മ്പോൾ ഇരുമുടിക്കെട്ട്​ എടുക്കാൻ സാധിക്കില്ലെന്നതിനാലാണ്​ കഴിഞ്ഞ ദിവസം വന്നത്​. അന്നത്​ പൂർത്തിയാക്കാൻ സാധിച്ചില്ല. എന്തായാലും കുട്ടികളുടെ ചോറൂണ്​ കഴിഞ്ഞ ശേഷം സന്നിധാനത്ത്​ വെച്ച്​ മാധ്യമങ്ങളോട്​ രാഷ്​ട്രീയ കാര്യങ്ങൾ വിവരിക്കാം. പാലുകുടിക്കുന്ന കുട്ടികളാണ്​. ഇവരുടെ അമ്മ താഴെ നിൽക്കുകയാണ്​. അതിനാൽ ചോറൂണ്​ കഴിഞ്ഞ ഉടൻ മടങ്ങുമെന്നും ശശികല പറഞ്ഞു.

ശബരിമലയിൽ നിന്ന് ഇന്നു തന്നെ തിരിച്ചിറങ്ങാമെന്ന് ശശികല പൊലീസിന് ഉറപ്പു നൽകിയിട്ടുണ്ട്.

സന്നിധാനത്ത്​ തങ്ങരുതെന്ന്​ കാണിച്ച്​ നോട്ടീസ്​ നൽകുമെന്നും അത്​ ​ൈകപ്പറ്റണമെന്നും എസ്​.പി ആവശ്യപ്പെട്ടു. അത്​ അംഗീകരിച്ചതോടെ അവരെ പോകാൻ അനുവദിച്ചു.

നട അടച്ച ശേഷം സന്നിധാനത്ത്​ തമ്പടിക്കുന്നത്​ പൊലീസ്​ അനുവദിക്കുന്നില്ലെന്നും അവർ ഇന്നു തന്നെ ഇറങ്ങുമെന്നും ഉറപ്പു വരുത്തുകയായിരുന്നു പൊലീസി​​​​​െൻറ ഉദ്ദേശ്യമെന്നും യതീശ്​ ചന്ദ്ര മാധ്യമങ്ങ​േളാട്​ വിശദീകരിച്ചു.

കഴിഞ്ഞ ദിവസം ശബരിമലയിൽ എത്തിയ ശശികലക്ക്​ ദർശനത്തിന്​ സാധിച്ചിരുന്നില്ല. രാത്രി മലകയറിയ അവരെ മരക്കൂട്ടത്തുവെച്ച്​ പൊലീസ്​ തടഞ്ഞിരുന്നു. രാത്രി കയറാൻ പറ്റില്ലെന്നും പകൽ കയറാമെന്നും പൊലീസ്​ ആവ​ശ്യപ്പെ​െട്ടങ്കിലും മടങ്ങിപ്പോകാൻ അവർ കൂട്ടാക്കിയില്ല. തുടർന്ന്​ പൊലീസ്​ കരുതൽ തടങ്കലിൽ വെക്കുകയും ദർശനം കഴിഞ്ഞ ഉടൻ മടങ്ങുമെന്ന്​ മജിസ്​ട്രേറ്റിന്​ മുന്നിൽ നൽകിയ ഉറപ്പുപ്രകാരം ജാമ്യം നൽകുകയുമായിരുന്നു. ശശികലയെ അറസ്​റ്റ്​ ചെയ്​തതി​​​​​​െൻറ പേരിൽ സംസ്​ഥാനത്ത്​ ഹിന്ദു​െഎക്യവേദിയും അയ്യപ്പ കർമ സമിതിയും ഒരു ദിവസത്തെ ഹർത്താലും ആചരിച്ചിരുന്നു.