സി.പി.എമ്മുകാർ സി.ബി.ഐയെന്നു കേട്ടാല്‍ മുട്ടുവിറക്കുന്നവർ -കെ.പി.എ മജീദ്

കോഴിക്കോട്: കേന്ദ്ര ഏജന്‍സിയെന്നു കേട്ടാല്‍ നിലവിളിക്കുകയും ഖജനാവിലെ കോടികളെടുത്ത് പ്രതിരോധം തീര്‍ക്കുകയും ചെയ്യുന്ന സി.പി.എമ്മി​‍െൻറ സോളാര്‍ ദുരാരോപണത്തിലെ സി.ബി.ഐ പ്രേമം തീര്‍ത്തും രാഷ്​ട്രീയപ്രേരിതമാണെന്ന് മുസ്​ലിംലീഗ് സംസ്ഥാന ജനറല്‍ സെക്രട്ടറി കെ.പി.എ മജീദ്. പിണറായി പൊലീസ് തന്നെ എഴുതിത്തള്ളിയ സോളാര്‍ വിവാദം സി.ബി.ഐക്ക് വിട്ടത് അവരുടെ തനിസ്വരൂപം കൂടുതല്‍ അനാവരണം ചെയ്യപ്പെടാന്‍ കാരണമായി.

രാഷ്​ട്രീയ പ്രേരിതമായ നീക്കത്തെ കേരളത്തിലെ പ്രബുദ്ധ ജനത തള്ളിക്കളയും. മൊഴി വിശ്വസനീയമല്ലെന്ന് ഹൈകോടതി തന്നെ വ്യക്തമാക്കിയ നിയമപരമായി നിലനില്‍ക്കാത്ത ദുരാരോപണം കഴുത്തിലണിയുന്ന എല്‍.ഡി.എഫ് കൂടുതല്‍ ദുര്‍ഗന്ധപൂരിതമാവും.

അഞ്ചുവര്‍ഷത്തെ ഭരണനേട്ടമായി ഒന്നും പറയാനില്ലാത്ത പിണറായി സര്‍ക്കാറി​‍െൻറ വെപ്രാളമാണ് ഉമ്മന്‍ചാണ്ടിക്കെതിരായ നീക്കത്തിലൂടെ വ്യക്തമാകുന്നത്. ഇതുകൊണ്ടൊന്നും രക്ഷപ്പെടാന്‍ എല്‍.ഡി.എഫിനും സി.പി.എമ്മിനും കഴിയില്ല. മാഫിയ ഭരണകൂടത്തിനെതിരായ വികാരം സംസ്ഥാനത്ത് അലയടിക്കുകയാണ്. യു.ഡി.എഫ് ഒറ്റക്കെട്ടായി പകപോക്കല്‍ രാഷ്​ട്രീയത്തെ നേരിടുമെന്നും കെ.പി.എ മജീദ് വാർത്താക്കുറിപ്പിൽ പറഞ്ഞു.