സ്വാശ്രയ ഫീസ്​: മുഖ്യമന്ത്രിയുടെ ഓഫിസ് ഒത്തുകളിച്ചു -എം.എം. ഹസന്‍

തിരുവനന്തപുരം: ഫീസ് കുത്തനെ കൂട്ടാന്‍ സ്വാശ്രയ മാനേജുമ​െൻറുകളുമായി മുഖ്യമന്ത്രിയുടെ ഓഫിസ് ഒത്തുകളി​െച്ചന്ന്​ കെ.പി.സി.സി പ്രസിഡൻറ്​ എം.എം. ഹസന്‍. സ്വാശ്രയ മേഖലയില്‍ അഞ്ചുലക്ഷം രൂപക്ക്​ മെഡിസിന്​ പഠിപ്പിക്കാന്‍ അവസരം കിട്ടിയിട്ടും അതു പാഴാക്കി ഫീസ് 11 ലക്ഷം ആക്കേണ്ടി വന്നത് കേരളം കണ്ട ഏറ്റവും നിഷ്ഠുരമായ വിദ്യാർഥി വഞ്ചനയാണ്​. നൂറുകണക്കിനു വിദ്യാർഥികളുടെ ഭാവി ഇരുട്ടിലാക്കിയതിന്​ സര്‍ക്കാര്‍ ജനങ്ങളോട് മറുപടി പറയേണ്ടി വരും. അഞ്ചുലക്ഷം രൂപ നിരക്കില്‍ അഡ്മിഷന്‍ നടത്താന്‍ ഹൈകോടതി ജൂലൈ 17ന് അനുമതി നല്‍കിയതനുസരിച്ച് സര്‍ക്കാര്‍ പ്രവര്‍ത്തിച്ചിരുന്നെങ്കില്‍ ഇപ്പോള്‍ ക്ലാസ് തുടങ്ങാമായിരുന്നുവെന്നും അദ്ദേഹം പറഞ്ഞു.