കെ. ​മു​ര​ളീ​ധ​ര​ന്‍ ന​യി​ക്കു​ന്ന കോൺഗ്രസ് മേ​ഖ​ല ജാഥക്ക് തുടക്കമായി VIDEO

തി​രു​വ​ന​ന്ത​പു​രം: വി​ശ്വാ​സം സം​ര​ക്ഷി​ക്കു​ക, വ​ര്‍ഗീ​യ​ത തു​ര​ത്തു​ക എ​ന്ന മു​ദ്രാ​വാ​ക്യം ഉ​യ​ര്‍ത്തി കെ.പി.സി.സി പ്രചാരണ വിഭാഗം കൺവീനർ കെ. ​മു​ര​ളീ​ധ​ര​ന്‍ ന​യി​ക്കു​ന്ന തി​രു​വ​ന​ന്ത​പു​രം മേ​ഖ​ല ജാ​ഥ​ക്ക് തുടക്കമായി. കെ. ​മു​ര​ളീ​ധ​ര​ന് പ്ര​തി​പ​ക്ഷ നേ​താ​വ് ര​മേ​ശ് ചെ​ന്നി​ത്ത​ല കോൺഗ്രസ് പതാക കൈമാറി​ ഉൽഘാടനം ചെയ്തു.

ശബരിമല വിഷയത്തിൽ വർഗീയ പ്രചാരണം നടത്തിയതിന് മുഖ്യമന്ത്രിക്കെതിരെ കേസെടുക്കണമെന്ന് ജാ​ഥ ഉൽഘാടനം ചെയ്ത് പ്ര​തി​പ​ക്ഷ നേ​താ​വ് ര​മേ​ശ് ചെ​ന്നി​ത്ത​ല ആവശ്യപ്പെട്ടു. ശബരിമല തീർഥാടനത്തെ അട്ടിമറിക്കാൻ സർക്കാർ ബോധപൂർവ്വം ശ്രമിക്കുന്നു. മുഖ്യമന്ത്രി അതിനെ അവർണരും സവർണരും തമ്മിലുള്ള പോരാട്ടമാക്കി മാറ്റി. അവിശ്വസികളും വിശ്വാസികളും തമ്മിലുള്ള പോരാട്ടമാണിതെന്നും ചെന്നിത്തല പറഞ്ഞു.

ശബരിമല സന്നിധാനം ആർ.എസ്.എസ് നിയന്ത്രണത്തിലായിരുന്നു. പൊലീസുകാർ നോക്ക് കുത്തിയായി. ആർ.എസ്.എസ് നേതാവ് വൽസൻ തില്ലങ്കേരിയാണ് കാര്യങ്ങൾ നിയന്ത്രിച്ചത്. ആർ.എസ്.എസിനെ വളർത്താൻ സി.പി.എം ശ്രമിക്കുന്നുവെന്നും ചെന്നിത്തല പറഞ്ഞു.

ബി.ജെ.പി സംസ്ഥാന അധ്യക്ഷൻ ശ്രീധരൻ പിള്ള അപഹാസ്യ കഥാപാത്രമായി മാറി. ശ്രീധരൻപിള്ള വച്ച കെണിയിൽ അദ്ദേഹം തന്നെയാണ് വീണത്. ആ കെണിയിൽ കോൺഗ്രസ് വീഴില്ലെന്നും ചെന്നിത്തല വ്യക്തമാക്കി.

തൊ​ടു​പു​ഴ​യി​ല്‍ നി​ന്ന് തി​രു​വ​ഞ്ചൂ​ര്‍ രാ​ധാ​കൃ​ഷ്ണ​ൻ നേ​തൃ​ത്വം ന​ല്‍കു​ന്ന പ​ദ​യാ​ത്ര ഉ​മ്മ​ന്‍ ചാ​ണ്ടി​യും പാ​ല​ക്കാ​ട് മു​ത​ല്‍ എ​റ​ണാ​കു​ളം വ​രെ ഷാ​നി​മോ​ള്‍ ഉ​സ്മാ​ന്‍ ന​യി​ക്കു​ന്ന ജാ​ഥ കെ.പി.സി.സി അധ്യക്ഷൻ മു​ല്ല​പ്പ​ള്ളി രാ​മ​ച​ന്ദ്രനും ഉ​ദ്ഘാ​ട​നം ചെ​യ്യും.

തി​രു​വ​ന​ന്ത​പു​രം, ആ​ല​പ്പു​ഴ, തൊ​ടു​പു​ഴ, കാ​സ​ര്‍കോ​ട്, പാ​ല​ക്കാ​ട് എ​ന്നി​വി​ട​ങ്ങ​ളി​ല്‍ നി​ന്നുള്ള ജാ​ഥ 15ന് ​പ​ത്ത​നം​തി​ട്ട​യി​ല്‍ സം​ഗ​മി​ച്ച് സ​മ്മേ​ള​ന​ത്തോ​ടെ സ​മാ​പി​ക്കും.