കെ.പി.പി.എൽ: അസംസ്കൃതവസ്​തുക്കൾ ലഭ്യമാക്കുന്നതിൽ വനംവകുപ്പിന്​ അലംഭാവം​

കോ​ട്ട​യം: അ​സം​സ്കൃ​ത വ​സ്​​തു​ക്ക​ളി​ല്ലാ​ത്ത​തി​നാ​ൽ ഉ​ൽ​പാ​ദ​നം നി​ർ​ത്തി​വെ​ച്ചി​ട്ടും കേ​ര​ള പേ​പ്പ​ർ പ്രൊ​ഡ​ക്റ്റ്​​സ്‌ ലി​മി​റ്റ​ഡി​ന്​ (കെ.​പി.​പി.​എ​ൽ ) വി​ഭ​വ​ങ്ങ​ൾ ല​ഭ്യ​മാ​ക്കാ​തെ വ​നം​വ​കു​പ്പ്. 40,000 ട​ൺ അ​സം​സ്കൃ​ത വ​സ്​​തു​ക്ക​ൾ അ​നു​വ​ദി​ച്ച്​ ഉ​ത്ത​ര​വാ​യെ​ങ്കി​ലും​ തു​ട​ർ​ന​ട​പ​ടി ഇ​ഴ​യു​ക​യാ​ണ്. കാ​ല​താ​മ​സം ഒ​ഴി​വാ​ക്കാ​ൻ ടെ​ൻ​ഡ​ർ ന​ട​പ​ടി അ​ട​ക്കം ക​മ്പ​നി നേ​ര​ത്തേ പൂ​ർ​ത്തി​യാ​ക്കി​യെ​ങ്കി​ലും വ​കു​പ്പി​ന്‍റെ ഭാ​ഗ​ത്തു​നി​ന്ന്​ അ​ടി​യ​ന്ത​ര ഇ​ട​പെ​ട​ലു​ണ്ടാ​യി​ട്ടി​ല്ല.

ഉ​ദ്യോ​ഗ​സ്ഥ​ അ​ലം​ഭാ​വ​മാ​ണ്​ കാ​ര​ണ​മെ​ന്നാ​ണ്​ ആ​ക്ഷേ​പം. നേ​ര​ത്തേ വ​നം​വ​കു​പ്പ്​ 24,000 മെ​ട്രി​ക് ട​ൺ ത​ടി അ​നു​വ​ദി​ച്ചി​രു​ന്നു. ഇ​തി​ൽ ഭൂ​രി​ഭാ​ഗ​വും വെ​ട്ടി​യെ​ടു​ത്തു. ദി​വ​സ​ങ്ങ​ളാ​യി ക​മ്പ​നി​യി​ൽ ഉ​ൽ​പാ​ദ​നം നി​ർ​ത്തി​വെ​ച്ചി​രി​ക്കു​ക​യാ​ണ്. മ​ഴ​ക്കാ​ലം ആ​രം​ഭി​ച്ചാ​ൽ ത​ടി​വെ​ട്ട​ൽ മു​ട​ങ്ങും. അ​തി​നു​മു​മ്പ്​ വ​ന​വി​ഭ​വ​ങ്ങ​ൾ കി​ട്ടി​യി​ല്ലെ​ങ്കി​ൽ ക​മ്പ​നി അ​നി​ശ്ചി​ത​മാ​യി അ​ട​ച്ചി​ടേ​ണ്ടി​വ​രും.

ആ​റു​മാ​സ​ത്തേ​ക്ക്​ അ​സം​സ്കൃ​ത വ​സ്​​തു​ക്ക​ൾ നേ​ര​ത്തേ സം​ഭ​രി​ച്ചു​വെ​ക്കാ​റാ​ണ്​ പ​തി​വ്. സ​ർ​വ​ക​ലാ​ശാ​ല​ക​ളി​ലെ​യും കോ​ള​ജു​ക​ളി​ലെ​യും അ​ക്കേ​ഷ്യ, മാ​ഞ്ചി​യം മ​ര​ങ്ങ​ൾ വെ​ട്ടാ​നും ക​മ്പ​നി അ​നു​വാ​ദം തേ​ടി​യി​ട്ടു​ണ്ട്​. സോ​ഷ്യ​ൽ ഫോ​റ​സ്​​ട്രി​യാ​ണ്​ ഇ​തി​ന്​ അ​നു​മ​തി ന​ൽ​കേ​ണ്ട​ത്.

വി​വി​ധ പ്ലാ​ന്റു​ക​ൾ നി​ർ​ത്തി​​വെ​ച്ച്​ യൂ​ട്ടി​ലി​റ്റി പ്ലാ​ന്‍റ്​ മാ​ത്രം പ്ര​വ​ർ​ത്തി​പ്പി​ക്കു​ന്ന​തി​നാ​ൽ വ​ൻ ധ​ന​ന​ഷ്ട​വും സം​ഭ​വി​ക്കു​ന്നു. പ​വ​ർ ബോ​യ്​​ല​ർ അ​ട​ങ്ങി​യ​താ​ണ്​ യൂ​ട്ടി​ലി​റ്റി പ്ലാ​ന്‍റ്. 24 മ​ണി​ക്കൂ​റും പ്ര​വ​ർ​ത്തി​ക്കു​ന്ന പ​വ​ർ ബോ​യ്​​ല​റി​ൽ ക​ൽ​ക്ക​രി ഉ​പ​യോ​ഗി​ച്ച്​ ഹൈ ​പ്ര​ഷ​ർ സ്റ്റീം ​നി​ർ​മി​ച്ചാ​ണ്​ പ​ൾ​പ്പു​ണ്ടാ​ക്കു​ന്ന​ത്.

പ​ൾ​പ്പി​ല്ലാ​ത്ത​തി​നാ​ൽ പ​വ​ർ ബോ​യ്​​ല​റി​ൽ കോ​ടി​ക​ൾ വി​ല​യു​ള്ള ക​ൽ​ക്ക​രി ക​ത്തി​ച്ച്​ സ്റ്റീം ​ഉ​ണ്ടാ​ക്കി വെ​റു​തെ പു​റ​ത്തു​ക​ള​യു​ക​യാ​ണ് ഇ​പ്പോ​ൾ ചെ​യ്യു​ന്ന​ത്. എ​ല്ലാ വ​ർ​ഷ​വും ഫാ​ക്ട​റി അ​ട​ച്ചി​ട്ട്​ അ​റ്റ​കു​റ്റ​പ്പ​ണി ചെ​യ്യാ​റു​ണ്ട്. എ​ന്നാ​ൽ, പു​തി​യ ക​മ്പ​നി ആ​രം​ഭി​ച്ച​തി​ൽ പി​ന്നെ സ്​​പെ​യ​ർ​പാ​ർ​ട്​​സു​ക​ൾ ഇ​ല്ലാ​ത്ത​തി​നാ​ൽ​ ഈ ​പ്ര​വൃ​ത്തി ന​ട​ന്നി​ട്ടി​ല്ല.

പ​ഴ​യ സ്​​പെ​യ​ർ പാ​ർ​ട്​​സു​ക​ളാ​ണ്​ ഇ​തു​വ​രെ ഉ​പ​യോ​ഗി​ച്ചി​രു​ന്ന​ത്. നേ​ര​ത്തേ ക​മ്പ​നി​യി​ൽ​ത​ന്നെ സ്​​പെ​യ​ർ​പാ​ർ​ട്​​സ്​ സ്​​റ്റോ​ർ ഉ​ണ്ടാ​യി​രു​ന്നു. സ​ർ​ക്കാ​ർ അ​ടി​യ​ന്ത​ര​മാ​യി ഇ​ട​പെ​ട​ണ​മെ​ന്നാ​ണ്​ തൊ​ഴി​ലാ​ളി സം​ഘ​ട​ന​ക​ളു​ടെ ആ​വ​ശ്യം.

സം​സ്ഥാ​ന സ​ർ​ക്കാ​റി​ന്‍റെ അ​ഭി​മാ​ന​ക​ര​മാ​യ ചു​വ​ടു​വെ​പ്പു​ക​ളി​ലൊ​ന്നാ​ണ്​ കെ.​പി.​പി.​എ​ൽ. ന​ഷ്ട​ത്തി​ലാ​യ​തി​നെ തു​ട​ര്‍ന്ന് കേ​ന്ദ്ര​സ​ര്‍ക്കാ​ര്‍ കൈ​യൊ​ഴി​ഞ്ഞ ഹി​ന്ദു​സ്ഥാ​ന്‍ ന്യൂ​സ് പ്രി​ന്‍റ് ലി​മി​റ്റ​ഡി​നെ സം​സ്ഥാ​ന സ​ർ​ക്കാ​ർ ഏ​റ്റെ​ടു​ത്ത് കേ​ര​ള പേ​പ്പ​ർ പ്രൊ​ഡ​ക്റ്റ്സ് ലി​മി​റ്റ​ഡ് എ​ന്ന പേ​രി​ൽ കോ​ടി​ക​ൾ ചെ​ല​വി​ട്ട്​ പു​നഃ​സം​ഘ​ടി​പ്പി​ക്കു​ക​യാ​യി​രു​ന്നു. 2022 മേ​യി​ലാ​ണ്​ പ്ര​വ​ർ​ത്ത​നം തു​ട​ങ്ങി​യ​ത്.