അവസാനത്തെയാളും തളർന്നുവീഴുംവരെ നിരാഹാരമിരിക്കും -കെ.​ആ​ര്‍. നാ​രാ​യ​ണ​ന്‍ ഫി​ലിം ഇ​ന്‍സ്റ്റി​റ്റ്യൂ​ട്ട് വി​ദ്യാ​ർ​ഥി​ക​ൾ

കോ​ട്ട​യം: കെ.​ആ​ര്‍. നാ​രാ​യ​ണ​ന്‍ ഫി​ലിം ഇ​ന്‍സ്റ്റി​റ്റ്യൂ​ട്ട് അ​ട​ച്ചി​ടാ​ൻ ക​ല​ക്​​ട​​ർ ഉ​ത്ത​ര​വി​ട്ടെ​ങ്കി​ലും സ​മ​രം തു​ട​രാ​ൻ വി​ദ്യാ​ർ​ഥി​ക​ൾ. കാ​മ്പ​സ്​ പൂ​ട്ടു​ക​യാ​ണെ​ന്ന് മാ​ധ്യ​മ​ങ്ങ​ളി​ലൂ​ടെ അ​റി​ഞ്ഞ​ത​ല്ലാ​തെ ത​ങ്ങ​ളോ​ട്​ ഒ​ഴി​യാ​ൻ ആ​രും ആ​വ​ശ്യ​പ്പെ​ട്ടി​ല്ലെ​ന്നും അ​വ​സാ​ന​ത്തെ​യാ​ളും ത​ള​ർ​ന്നു​വീ​ഴു​ന്ന​തു​വ​രെ ക്രി​സ്മ​സ്​ ദി​നം മു​ത​ൽ ത​ങ്ങ​ൾ നി​രാ​ഹാ​രം കി​ട​ക്കു​മെ​ന്നും സ്റ്റു​ഡ​ന്‍റ്​​സ്​ കൗ​ൺ​സി​ൽ ചെ​യ​ർ​മാ​ൻ ശ്രീ​ദേ​വ്​ സു​പ്ര​കാ​ശ്​ പ​റ​ഞ്ഞു.

വി​ദ്യാ​ർ​ഥി​ക​ൾ നി​രാ​ഹാ​രം പ്ര​ഖ്യാ​പി​ച്ച സാ​ഹ​ച​ര്യ​ത്തി​ൽ അ​നി​ഷ്ട സം​ഭ​വ​ങ്ങ​ൾ ഉ​ണ്ടാ​കാ​നി​ട​യു​ണ്ടെ​ന്നും ക്ര​മ​സ​മാ​ധാ​ന പാ​ല​ന​ത്തെ ബാ​ധി​ക്കു​മെ​ന്നും​കാ​ട്ടി സ​ബ് ഡി​വി​ഷ​ന​ൽ മ​ജി​സ്‌​ട്രേ​റ്റ് കൂ​ടി​യാ​യ സ​ബ് ക​ല​ക്ട​ർ ന​ൽ​കി​യ റി​പ്പോ​ർ​ട്ടി​നെ തു​ട​ർ​ന്ന്​ ഇ​ന്‍സ്റ്റി​റ്റ്യൂ​ട്ട് ജ​നു​വ​രി എ​ട്ടു​വ​​രെ അ​ട​ച്ചി​ടാ​ൻ ക​ല​ക്​​ട​​ർ ഉ​ത്ത​ര​വി​ട്ട​ത്.

ഡ​യ​റ​ക്ട​റാ​ണ്​ ഉ​ത്ത​ര​വ്​ ന​ട​പ്പാ​ക്കേ​ണ്ട​ത്. എ​ന്നാ​ൽ, സ​മ​രം തു​ട​ങ്ങി​യ​ശേ​ഷം കാ​മ്പ​സി​ലെ​ത്താ​ത്ത ഡ​യ​റ​ക്ട​ർ ഇ​തു​വ​രെ വി​ദ്യാ​ർ​ഥി​ക​ൾ​ക്കോ പൊ​ലീ​സി​നോ അ​ത്ത​രം നി​ർ​ദേ​ശം ന​ൽ​കി​യി​ട്ടി​ല്ല. വി​ദ്യാ​ർ​ഥി​ക​ൾ കാ​മ്പ​സി​ൽ തു​ട​രു​ക​യാ​ണ്​. ഉ​ത്ത​ര​വ് വ​ന്ന​തി​നു​പി​ന്നാ​ലെ ശ​നി​യാ​ഴ്ച രാ​വി​ലെ മു​ത​ൽ പ​ള്ളി​ക്ക​ത്തോ​ട്​ പൊ​ലീ​സും​ സ്ഥ​ല​ത്ത്​ ക്യാ​മ്പ്​ ചെ​യ്യു​ന്നു​ണ്ട്.

എ​ന്നാ​ൽ, പു​സ്ത​കം വാ​യി​ച്ചും പാ​ട്ടു​പാ​ടി​യു​മു​ള്ള പ്ര​തി​ഷേ​ധം എ​ങ്ങ​നെ ക്ര​മ​സ​മാ​ധാ​ന പ്ര​ശ്ന​മാ​കു​മെ​ന്ന് വി​ദ്യാ​ർ​ഥി​ക​ൾ ചോ​ദി​ക്കു​ന്നു. ഐ​ക്യ​ദാ​ർ​ഢ്യം പ്ര​ഖ്യാ​പി​ച്ച്​ പ​ല സം​ഘ​ട​ന​ക​ളും വ​രു​ന്നു​​ണ്ടെ​ങ്കി​ലും അ​വ​രെ​ല്ലാം ഗേ​റ്റി​നു​പു​റ​ത്താ​ണ്​ പ്ര​തി​ഷേ​ധി​ക്കു​ന്ന​ത്. കാ​മ്പ​സി​ന​ക​ത്ത്​ സ​മ​ര​ത്തി​നി​രി​ക്കു​ന്ന​ത്​ വി​ദ്യാ​ർ​ഥി​ക​ൾ മാ​ത്ര​മാ​ണ്. ​പ്ര​ശ്ന​മു​ണ്ടാ​ക്കാ​ൻ താ​ൽ​പ​ര്യ​മി​ല്ലാ​ത്ത​തി​നാ​ലാ​ണ്​ പു​റ​ത്തു​പോ​യി സ​മ​രം ചെ​യ്യാ​ത്ത​തെന്നും വി​ദ്യാ​ർ​ഥി​ക​ൾ പ​റ​യു​ന്നു.

ഡി​സം. അ​ഞ്ചി​നാ​ണ്​ ഡ​യ​റ​ക്ട​ർ ശ​ങ്ക​ർ​മോ​ഹ​ന്‍റെ രാ​ജി ആ​വ​ശ്യ​പ്പെ​ട്ട്​ വി​ദ്യാ​ർ​ഥി​ക​ൾ പ​ഠി​പ്പു​മു​ട​ക്കി സ​മ​രം ആ​രം​ഭി​ച്ച​ത്. ജാ​തി​വി​വേ​ച​ന​വും മ​നു​ഷ്യ​ത്വ​വി​രു​ദ്ധ പ്ര​വൃ​ത്തി​ക​ളും ന​ട​ത്തു​ന്ന ഡ​യ​റ​ക്ട​റെ ചെ​യ​ർ​മാ​ർ അ​ടൂ​ർ ഗോ​പാ​ല​കൃ​ഷ്ണ​ൻ സം​ര​ക്ഷി​ക്കു​ക​യാ​ണെ​ന്നും വി​ദ്യാ​ർ​ഥി​ക​ൾ ആ​രോ​പി​ക്കു​ന്നു. ആ​ദ്യം മൂ​ന്നം​ഗ​സം​ഘ​ത്തെ പ്ര​ശ്ന​ങ്ങ​ൾ പ​ഠി​ക്കാ​ൻ ഉ​ന്ന​ത​വി​ദ്യാ​ഭ്യാ​സ വ​കു​പ്പു​മ​ന്ത്രി നി​യോ​ഗി​ച്ചി​രു​ന്നു. ഇ​വ​ർ കാ​മ്പ​സി​ലെ​ത്തി വി​ദ്യാ​ർ​ഥി​ക​ളോ​ട്​ സം​സാ​രി​​ച്ചെ​ങ്കി​ലും ഡ​യ​റ​ക്ട​റു​ടെ മൊ​ഴി​യെ​ടു​ക്കാ​നാ​യി​ല്ല. തു​ട​ർ​ന്നാ​ണ്​ ര​ണ്ടം​ഗ ഉ​ന്ന​ത​ത​ല ക​മീ​ഷ​നെ നി​യോ​ഗി​ച്ച​താ​യി മ​ന്ത്രി ആ​ർ. ബി​ന്ദു അ​റി​യി​ച്ച​ത്. മ​ല​യാ​ളം സ​ർ​വ​ക​ലാ​ശാ​ല മു​ൻ വി.​സി കെ. ​ജ​യ​കു​മാ​ർ, നു​വാ​ൽ​സ്​ മു​ൻ വി.​സി ഡോ. ​എ​ൻ.​കെ. ജ​യ​കു​മാ​ർ എ​ന്നി​വ​രാ​ണ്​ പു​തി​യ ക​മീ​ഷ​ൻ അം​ഗ​ങ്ങ​ൾ.

അതേസമയം പു​തി​യ ക​മീ​ഷ​നെ നി​യോ​ഗി​ച്ച​തി​ലൂ​ടെ ത​ങ്ങ​ൾ​ക്ക് നീ​തി ല​ഭി​ക്കി​ല്ലെ​ന്ന് ബോ​ധ്യ​പ്പെ​ട്ട​താ​യി വി​ദ്യാ​ർ​ഥി​ക​ൾ പറഞ്ഞു. ക​മീ​ഷ​ൻ അം​ഗ​ങ്ങ​ൾ ഡ​യ​റ​ക്ട​ർ​ക്കും ചെ​യ​ർ​മാ​നും സ്വാ​ധീ​നി​ക്കാ​വു​ന്ന​വ​രാ​ണ്. സം​വ​ര​ണ വി​ഷ​യ​മാ​ണ്​ ഉ​ന്ന​യി​ക്കു​ന്ന​ത്​ എ​ന്ന​തി​നാ​ൽ ആ ​വിഭാഗത്തിലു​ള്ള ​ഒ​രാ​ളെ​യെ​ങ്കി​ലും ക​മീ​ഷ​നി​ലു​ൾ​പ്പെ​ടു​ത്താ​മാ​യി​രു​ന്നു​വെ​ന്നും വി​ദ്യാ​ർ​ഥി​ക​ൾ പ​റ​യു​ന്നു.