കെ.ആർ നാരായണൻ ഇൻസ്റ്റിറ്റ്യൂട്ട് ജനുവരി 15 വരെ അടച്ചിടാൻ ഉത്തരവ്

കോ​ട്ട​യം: നാളെ തുറക്കാനിരിക്കെ കെ.ആർ നാരായണൻ ഇൻസ്റ്റിറ്റ്യൂട്ട് ജനുവരി 15 വരെ വീണ്ടും അടച്ചിടാൻ ഉത്തരവ്. കോട്ടയം ജില്ലാ കലക്ടർ പി.കെ. ജയശ്രീയാണ് ഉത്തരവിട്ടത്. എന്നാൽ, നേരത്തെ നിശ്ചയിച്ച പരീക്ഷകൾക്ക് മാറ്റമുണ്ടാകില്ല.

ജാ​തി​വി​വേ​ചനം അടക്കം പ്രശ്നങ്ങളെ തുടർന്ന് വിദ്യാർഥി സമരം നടക്കുന്നതിനെ തുടർന്നാണ് തെ​ക്കും​ത​ല കെ.​ആ​ർ. നാ​രാ​യ​ണ​ൻ നാ​ഷ​ന​ൽ ഇ​ൻ​സ്റ്റി​റ്റ്യൂ​ട്ട് ഓ​ഫ് വി​ഷ്വ​ൽ സ​യ​ൻ​സ് ആ​ൻ​ഡ് ആ​ർ​ട്‌​സ് അടച്ചിട്ടത്. ഡിസംബർ 24 മുതൽ ഇന്ന് വരെ അടച്ചിടാനായിരുന്നു ഉത്തരവ്. നാളെ തുറക്കാനിരിക്കെയാണ് കലക്ടർ വീണ്ടും ഉത്തരവിറക്കിയിരിക്കുന്നത്.