വൃത്തികെട്ട പരാമർശങ്ങൾ ആനുഷംഗികമായി മാത്രം നടത്തുന്ന പാർട്ടിയാണ് സി.പി.എം -ശബരീനാഥൻ​

മലപ്പുറം: ആലത്തൂർ ലോക്​സഭ മണ്ഡലത്തിലെ യു.ഡി.എഫ്​ സ്ഥാനാർഥി രമ്യ ഹരിദാസിനെതിരെയുള്ള എൽ.ഡി.എഫ്​ കൺവീനർ എ. വിജയരാഘവൻെറ മോശം പരാമർശം നടത്തിയ പശ്ചാത്തലത്തിൽ സി.പി.എമ്മിനെ പരിഹാസിച്ച്​ കെ.എസ്​. ശബരീനാഥൻ​ എം.എൽ.എ.

പരാമർശം വിവാദമായ സാഹചര്യത്തിൽ വിജയരാഘവൻ മാധ്യമപ്രവർത്തകർക്ക്​ മുമ്പിൽ നടത്തിയ പ്രതികരണത്തെ ഉദ്ധരിച്ചുകൊണ്ടായിരുന്നു ശബരീനാഥിൻെറ പരിഹാസം.

ഫേസ്​ബുക്ക്​ പോസ്​റ്റിൻെറ പൂർണരൂപം:

ചാനൽ റിപ്പോർട്ടർ എൽ.ഡി.എഫ്​ കൺവീനറോട്: ‘‘അങ്ങ് ഖേദം പ്രകടിപ്പിക്കുണ്ടോ? ജാഗ്രത കുറവുണ്ടായോ​? ’’ ഉടനെ കൺവീനർ വിജയരാഘവന്റെ മറുപടി: ‘‘ജാഗ്രതകുറവുണ്ടായില്ല. ഇതൊരു പ്രസംഗത്തിലെ ആനുഷംഗികമായി പരാമർശമാണല്ലോ.’’ ചുരുക്കത്തിൽ, വനിതകൾക്കെതിരെ വൃത്തികെട്ട പരാമർശങ്ങൾ ആനുഷംഗികമായി മാത്രം നടത്തുന്ന ഒരു മോഡേൺ പാർട്ടിയാണ് സി.പി.എം.