സ്​പ്രിങ്കളറുമായുള്ള കരാർ സർക്കാർ റദ്ദാക്കണം -കെ.എസ്​. ശബരീനാഥൻ എം.എൽ.എ

തിരുവനന്തപുരം: കോവിഡിൻെറ മറവിൽ അന്താരാഷ്​ട്ര കമ്പനികൾക്ക്​ കേരളത്തിലെ 87 ലക്ഷം കുടുംബങ്ങളുടെ വിവരങ്ങൾ കൈമാ റാൻ അനുവദിക്കരുതെന്ന്​ കെ.എസ്​. ശബരീനാഥൻ എം.എൽഎ.

സർക്കാരിൻെറ വിവരം കൈമാറു​േമ്പാൾ കൃത്യമായ മാനദണ്ഡം പാലിക് കണം. കോവിഡുമായി ബന്ധപ്പെട്ട വിവരങ്ങൾ കൈമാറുന്നതിന്​ സ്വകാര്യ വെബ്​സൈറ്റായ സ്​പ്രിങ്ക്​ളറുമായുണ്ടാക്കിയ കരാർ പുറത്തുവിടണം. സ്​പ്രിങ്ക്​ളർ കേരളത്തിലെ ആരോഗ്യ രംഗത്തെ വിറ്റ് കാശാക്കുകയാണ്​. അവരുമായുള്ള കരാർ റദ്ദാക്കണമെന്നും അദ്ദേഹം ആവശ്യപ്പെട്ടു.

മന്ത്രി തോമസ്​ ഐസക്​ അടക്കമുള്ളവർ പ്രതിപക്ഷത്തിൻെറ ആരോപണത്തിനെതിരെ അപഹാസ്യമായാണ്​ പെരുമാറിയതെന്നും സൈബർ സഖാക്കൾക്ക്​ ഇഷ്​ടമുള്ള രീതിയിൽ അദ്ദേഹം ഇത്തരത്തിൽ പോസ്​റ്റ്​ ഇടുന്നത്​ ശരിയല്ലെന്നും എം.എൽ.എ പറഞ്ഞു. കമ്പനികളുടെ ലക്ഷ്യം സന്നദ്ധ​േസവനം അല്ലെന്നും മറ്റൊരു ഉദ്ദേശമു​ണ്ടോയെന്ന്​ അന്വേഷിക്കണ​െമന്നും അദ്ദേഹം കൂട്ടിച്ചേർത്തു.