കെ.എസ്​.ഇ.ബി: വ്യവഹാര വീഴ്ചകൾ ഒഴിവാക്കാൻ ‘ഇ-കേസ്​ മാനേജ്​മെന്‍റ്’

തി​രു​വ​ന​ന്ത​പു​രം: കേ​സു​ക​ളു​ടെ എ​ണ്ണം വ​ർ​ധി​ച്ച​തോ​ടെ, അ​വ കൈ​കാ​ര്യം ചെ​യ്യു​ന്ന​തി​ലെ വീ​ഴ്ച​ക​ൾ ഒ​ഴി​വാ​ക്കാ​ൻ ‘ഇ-​കേ​സ്​ മാ​നേ​ജ്​​മെ​ന്‍റ്’ സം​വി​ധാ​നം സ​ജ്ജ​മാ​ക്കാ​നൊ​രു​ങ്ങി കെ.​എ​സ്.​ഇ.​ബി. ഫ​യ​ലു​ക​ളി​ൽ​നി​ന്ന്​ ഡി​ജി​റ്റ​ൽ ശേ​ഖ​ര​ത്തി​ലേ​ക്ക്​ വി​വി​ധ കേ​സു​ക​ൾ, ത​ർ​ക്ക​ങ്ങ​ൾ തു​ട​ങ്ങി​യ​വ​യു​മാ​യി ബ​ന്ധ​​പ്പെ​ട്ട രേ​ഖ​ക​ളും വി​വ​ര​ങ്ങ​ളും മാ​റ്റു​ക​യാ​ണ്​ ല​ക്ഷ്യം.

ഇ​തി​നാ​യു​ള്ള സോ​ഫ്​​റ്റ്​​വെ​യ​ർ ത​യാ​റാ​ക്കു​ന്ന​തി​ന്​ ​ടെ​ൻ​ഡ​ർ ക്ഷ​ണി​ച്ച്​ യോ​ഗ്യ​രാ​യ ഐ.​ടി സ്ഥാ​പ​ന​ത്തെ ചു​മ​ത​ല​പ്പെ​ടു​ത്തും. ​കെ.​എ​സ്.​ഇ.​ബി​യു​മാ​യി ബ​ന്ധ​പ്പെ​ട്ട കേ​സ്​ വി​വ​ര​ങ്ങ​ളു​ടെ ​​ക്രോ​ഡീ​ക​ര​ണ​വും പു​തി​യ സം​വി​ധാ​ന​ത്തി​ലൂ​ടെ ല​ക്ഷ്യ​മി​ടു​ന്നു. ​കേ​സു​ക​ൾ, ക​രാ​റു​ക​ളു​മാ​യി ബ​ന്ധ​പ്പെ​ട്ട ത​ർ​ക്ക​ങ്ങ​ൾ തു​ട​ങ്ങി​യ​വ സം​ബ​ന്ധി​ച്ച വി​വ​ര​ങ്ങ​ൾ യ​ഥാ​സ​മ​യം സ​മാ​ഹ​രി​ക്കു​ക നി​ല​വി​ൽ ഏ​റെ ശ്ര​മ​ക​ര​മാ​ണ്. ഇ​ത്​ കേ​സു​ക​ളു​ടെ വി​വ​ര​ങ്ങ​ൾ അ​ടി​യ​ന്ത​ര​ഘ​ട്ട​ങ്ങ​ളി​ൽ പ​രി​ശോ​ധി​ക്കു​ന്ന​തി​നും ഹാ​ജ​രാ​ക്കു​ന്ന​തി​നു​മ​ട​ക്കം ത​ട​സ്സ​മാ​വു​ന്നു​ണ്ട്.

കേ​സ് വി​വ​ര​ങ്ങ​ൾ ഓ​ൺ​ലൈ​നാ​യി ല​ഭ്യ​മാ​ക്കു​ന്ന​ത്​ വ്യ​വ​ഹാ​ര​ങ്ങ​ളു​മാ​യി ബ​ന്ധ​പ്പെ​ട്ട അ​വ​ലോ​ക​ന​ങ്ങ​ൾ​ക്കും അ​നു​ബ​ന്ധ പ്ര​വ​ർ​ത്ത​ന​ങ്ങ​ൾ​ക്കും ഗു​ണ​ക​ര​മാ​വു​മെ​ന്നാ​ണ്​ മാ​​നേ​ജ്​​മെ​ന്‍റ്​ വി​ല​യി​രു​ത്ത​ൽ. കേ​സു​ക​ളു​ടെ ട്രാ​ക്കി​ങ്​ ഉ​ൾ​പ്പെ​ടെ​യു​ള്ള സൗ​ക​ര്യ​ങ്ങ​ൾ ഒ​രു​ക്കു​ന്ന​ത്​ നി​യ​മ​വി​ദ​ഗ്​​ധ​രു​ടെ സേ​വ​നം അ​നി​വാ​ര്യ​മാ​യ ഘ​ട്ട​ങ്ങ​ളി​ലും സ​ഹാ​യ​ക​മാ​വും. കേ​സു​ക​ൾ പ​രി​ഗ​ണി​ക്കു​ന്ന തീ​യ​തി, വി​ചാ​ര​ണ​ഘ​ട്ടം തു​ട​ങ്ങി കോ​ട​തി​ക​ളി​ലെ സ്ഥി​തി​യും സോ​ഫ്​​റ്റ്​​വെ​യ​റി​ൽ ഉ​ൾ​പ്പെ​ടു​ത്താ​നാ​വു​മോ​യെ​ന്ന്​ പ​രി​ശോ​ധി​ക്കു​ന്നു​ണ്ട്.

കെ.​എ​സ്.​ഇ.​ബി​യു​ടെ നി​ല​വി​ലെ സോ​ഫ്​​റ്റ്​​വെ​യ​റു​ക​ളു​മാ​യി ​യോ​ജി​പ്പി​ച്ച്​ പ്ര​വ​ർ​ത്തി​ക്കാ​നു​ള്ള സാ​ധ്യ​ത​യും ഉ​പ​യോ​ഗ​പ്പെ​ടു​ത്തും. കേ​സ്​ ര​ജി​സ്​​ട്രേ​ഷ​ൻ, ട്രാ​ക്കി​ങ്, അ​സൈ​ൻ​മെ​ന്‍റ്, ഡോ​ക്യു​മെ​ന്‍റ്​ മാ​നേ​ജ്​​മെ​ന്‍റ്​ തു​ട​ങ്ങി വി​വി​ധ സൗ​ക​ര്യ​ങ്ങ​ൾ ഉ​ൾ​പ്പെ​ടു​ത്തി​യാ​വും ‘ഇ-​കേ​സ്​ മാ​നേ​ജ്​​മെ​ന്‍റ്’ സ​ജ്ജ​മാ​വു​ക. പു​തു​വ​ർ​ഷ​ത്തി​ൽ പു​തി​യ സം​രം​ഭം യാ​ഥാ​ർ​ഥ്യ​മാ​ക്കാ​നാ​ണ്​ ല​ക്ഷ്യ​മി​ടു​ന്ന​ത്.