കെ.എസ്.ഇ.ബി താരിഫ് വർധന നീക്കം; നഷ്ടമേറ്റെടുക്കുമെന്ന സർക്കാർ ഉറപ്പ് മറന്നു

പാ​ല​ക്കാ​ട്: ന​ഷ്ടം ചൂ​ണ്ടി​ക്കാ​ട്ടി വൈ​ദ്യു​തി​നി​ര​ക്കി​ൽ വ​ൻ വ​ർ​ധ​ന വ​രു​ത്താ​നു​ള്ള ശി​പാ​ർ​ശ​യു​മാ​യി കെ.​എ​സ്.​ഇ.​ബി റെ​ഗു​ലേ​റ്റ​റി ക​മീ​ഷ​ന് മു​ന്നി​ലെ​ത്തു​മ്പോ​ൾ മ​റ​ന്നു​പോ​കു​ന്ന​ത് 2024-25ൽ ​കെ.​എ​സ്.​ഇ.​ബി​യു​ടെ 90 ശ​ത​മാ​നം ന​ഷ്ട​വും സം​സ്ഥാ​ന സ​ർ​ക്കാ​ർ ഏ​റ്റെ​ടു​ക്കു​മെ​ന്ന വാ​ഗ്ദാ​നം. 2023-24 വ​ർ​ഷ​മു​ണ്ടാ​യ 90 ശ​ത​മാ​നം ന​ഷ്ടം സ​ർ​ക്കാ​ർ ഏ​റ്റെ​ടു​ക്കു​മെ​ന്നാ​യി​രു​ന്നു ക​​ട​​മെ​​ടു​​പ്പ് പ​​രി​​ധി അ​​ര​ശ​​ത​​മാ​​നം വ​ർ​ധി​ക്കാ​നു​ള്ള കേ​​ന്ദ്ര​നി​ബ​ന്ധ​ന​യി​ൽ ഒ​പ്പു​വെ​ച്ച​പ്പോ​ൾ ക​ഴി​ഞ്ഞ​വ​ർ​ഷം സം​സ്ഥാ​ന സ​ർ​ക്കാ​ർ പ്ര​ഖ്യാ​പി​ച്ച​ത്.

2021-22 മു​​ത​​ൽ 2024-25 വ​​രെ നാ​​ലു വ​​ർ​​ഷ​​ത്തേ​​ക്കു​​ള്ള പ്രോ​​ത്സാ​​ഹ​​ന​ പ​ദ്ധ​തി ന​ട​പ്പാ​ക്കാ​നാ​ണ് കേ​ന്ദ്രം നി​ബ​ന്ധ​ന​യോ​​ടെ സം​സ്ഥാ​ന​ത്തി​ന്റെ ക​ട​മെ​ടു​പ്പ് പ​രി​ധി കൂ​ട്ടി​യ​ത്. ഇ​ത​നു​സ​രി​ച്ച് 2023-24ൽ ​ന​ഷ്ട​ത്തി​ന്റെ 90 ശ​ത​മാ​ന​വും അ​ടു​ത്ത​വ​ർ​ഷം ന​ഷ്ടം പൂ​ർ​ണ​മാ​യും സം​സ്ഥാ​ന സ​ർ​ക്കാ​ർ ഏ​റ്റെ​ടു​ക്ക​ണ​മെ​ന്നാ​ണ് നി​ബ​ന്ധ​ന. 2023ൽ ​കെ.​എ​സ്.​ഇ.​ബി​യു​ടെ 2021-22ലെ ​ന​​ഷ്ട​​ത്തി​​ന്റെ 75 ശ​​ത​​മാ​​ന​​മാ​​യ 767.51 കോ​​ടി സം​സ്ഥാ​ന സ​ർ​ക്കാ​ർ ഏ​റ്റെ​ടു​ത്തി​രു​ന്നു. പ​ക​ര​മാ​യി കേ​ന്ദ്രം അ​ധി​ക ക​ട​മെ​ടു​പ്പാ​യ 4263 കോ​​ടി രൂ​​പ അ​നു​വ​ദി​ക്കു​ക​യും ചെ​യ്തു. ഇ​തു​പോ​ലെ ഈ ​വ​ർ​ഷം ന​ഷ്ട​ത്തി​ന്റെ 90 ശ​ത​മാ​നം വ​ർ​ഷാ​ന്ത്യ​മെ​ങ്കി​ലും കി​ട്ടു​മെ​ന്ന പ്ര​തീ​ക്ഷ കെ.​എ​സ്.​ഇ.​ബി അ​ധി​കൃ​ത​ർ​ക്കു​ണ്ട്. ദീ​ർ​ഘ​കാ​ല ക​രാ​റു​ക​ൾ ന​ഷ്ട​മാ​യ​തി​ന്റെ പേ​രി​ൽ വൈ​ദ്യു​തി നി​ര​ക്ക് വ​ർ​ധ​ന ഉ​പ​ഭോ​ക്താ​ക്ക​ൾ​ക്കു മേ​ൽ അ​ടി​ച്ചേ​ൽ​പി​ക്കു​ന്ന​ത് ന​ഷ്ട​ക്ക​ണ​ക്കി​ൽ കു​റ​വ് വ​രു​ത്താ​നു​ള്ള സം​സ്ഥാ​ന സ​ർ​ക്കാ​റി​ന്റെ സ​മ്മ​ർ​ദ​മാ​ണോ, കൂ​ടു​ത​ൽ നീ​ക്കി​യി​രി​പ്പ് ല​ക്ഷ്യ​മി​ട്ടു​ള്ള കെ.​എ​സ്.​ഇ.​ബി ത​ന്ത്ര​മാ​ണോ എ​ന്ന സം​ശ​യ​വു​മു​യ​രു​ന്നു​ണ്ട്. ഈ ​സാ​ഹ​ച​ര്യ​ത്തി​ൽ അ​ടു​ത്ത മൂ​ന്നു വ​ർ​ഷ​ങ്ങ​ളി​ലേ​ക്കാ​യി നേ​ര​ത്തേ പ്ര​ഖ്യാ​പി​ക്ക​പ്പെ​ട്ട നി​ര​ക്കു​വ​ർ​ധ​ന ഒ​ഴി​വാ​ക്കാ​വു​ന്ന​താ​ണെ​ന്ന് വൈ​ദ്യു​തി​രം​ഗ​ത്തെ വി​ദ​ഗ്ധ​ർ വി​ല​യി​രു​ത്തു​ന്നു.

വൈ​ദ്യു​തി മേ​ഖ​ല​യി​ലെ ലൈ​സ​ൻ​സി​ക​ൾ ന​ഷ്ട​മി​ല്ലാ​തെ​യി​രി​ക്കു​ന്ന​ത് സം​സ്ഥാ​ന​ത്തി​ന്റെ ആ​വ​ശ്യ​മാ​ണെ​ന്നും ഉ​ട​ൻ സം​സ്ഥാ​ന​ങ്ങ​ൾ ഊ​​ർ​​ജ കാ​​ര്യ​​ക്ഷ​​മ​​ത വ​​ർ​​ധി​​പ്പി​ക്ക​ണ​മെ​ന്നും ആ​വ​ശ്യ​പ്പെ​ട്ടാ​ണ് കേ​ന്ദ്രം സം​സ്ഥാ​ന​ങ്ങ​ൾ​ക്ക് അ​ധി​ക ക​ട​മെ​ടു​പ്പി​ന് അ​നു​വാ​ദം ന​ൽ​കു​ന്ന​ത്. ഇ​തി​ൽ ഒ​പ്പി​ട്ടു​ക​ഴി​ഞ്ഞാ​ൽ ലൈ​സ​ൻ​സി​ക​ളു​ടെ ന​ഷ്ട​ക്ക​ണ​ക്ക് നി​ക​ത്താ​നു​ള്ള ഉ​ത്ത​ര​വാ​ദി​ത്തം സം​സ്ഥാ​ന​ങ്ങ​ൾ​ക്കാ​ണ്. കെ.​എ​സ്.​ഇ.​ബി​യു​ൾ​പ്പെ​ടെ ലൈ​സ​ൻ​സി​ക​ളു​ടെ ന​ഷ്ടം നി​ന്നി​ല്ലെ​ങ്കി​ൽ കേ​​ന്ദ്രം സം​​സ്ഥാ​​ന​​ത്തി​​ന് ന​​ൽ​​കു​​ന്ന വി​​ഹി​​ത​​ത്തി​​ൽ​​നി​​ന്ന് അ​​ധി​​ക ക​​ട​​മെ​​ടു​​പ്പ് തു​​ക പി​​ടി​​ക്കു​​മെ​​ന്ന മു​​ന്ന​​റി​​യി​​പ്പും കേ​​ന്ദ്രം ന​​ൽ​​കി​​യി​​രു​ന്നു. അ​ടു​ത്ത മൂ​ന്നു വ​ർ​ഷ​ത്തേ​ക്ക് നി​ര​ക്ക് വീ​ണ്ടും കൂ​ട്ട​ണ​മെ​ന്ന ആ​വ​ശ്യ​മു​ന്ന​യി​ച്ച് കെ.​എ​സ്.​ഇ.​ബി ക​ഴി​ഞ്ഞ ദി​വ​സ​മാ​ണ് റെ​ഗു​ലേ​റ്റ​റി ക​മീ​ഷ​ന് അ​പേ​ക്ഷ ന​ൽ​കി​യ​ത്. 2024-25 വ​ർ​ഷം യൂ​നി​റ്റി​ന് ശ​രാ​ശ​രി 34 പൈ​സ കൂ​ട്ട​ണ​മെ​ന്നാ​ണ് ആ​വ​ശ്യം. ഉ​പ​ഭോ​ഗം കൂ​ടു​ന്ന ജ​നു​വ​രി മു​ത​ൽ മേ​യ് വ​രെ സാ​ധാ​ര​ണ നി​ര​ക്കി​നു പു​റ​മെ യൂ​നി​റ്റി​ന് 10 പൈ​സ അ​ധി​കം വേ​ണ​മെ​ന്ന​തു​ൾ​പ്പെ​ടെ​യാ​ണ് ഈ ​നി​ര​ക്ക്. ക​ഴി​ഞ്ഞ വ​ർ​ഷം ന​വം​ബ​റി​ലാ​ണ് യൂ​നി​റ്റി​ന് ശ​രാ​ശ​രി 20 പൈ​സ കൂ​ട്ടി​യ​ത്.