സാധന സാമഗ്രികൾ ടെൻഡറിൽ ലഭ്യമാകുന്നില്ല; സംഭരണം പുനഃക്രമീകരിച്ച് കെ.എസ്.ഇ.ബി

പാ​ല​ക്കാ​ട്: സാ​ധ​ന സാ​മ​ഗ്രി​ക​ൾ ടെ​ൻ​ഡ​റി​ൽ ല​ഭ്യ​മാ​കു​ന്നി​ല്ലെ​ന്ന​തു​ൾ​പ്പെ​ടെ​യു​ള്ള കാ​ര​ണ​ത്താ​ൽ നി​ല​വി​ലെ സം​ഭ​ര​ണ ന​ട​പ​ടി​ക്ര​മം കെ.​എ​സ്.​ഇ.​ബി പ​രി​ഷ്‍ക​രി​ച്ചു. കേ​ന്ദ്രീ​കൃ​ത സം​ഭ​ര​ണം ന​ട​ത്തു​ന്ന സ​​പ്ലൈ ചെ​യി​ൻ മാ​നേ​ജ്മെ​ന്റ് വി​ഭാ​ഗ​ത്തി​ൽ (എ​സ്.​സി.​എം) നി​ന്ന് ഇ​നം തി​രി​ച്ച് ഉ​ൽ​പാ​ദ​ന-​പ്ര​സ​ര​ണ- വി​ത​ര​ണ വി​ഭാ​ഗം ഉ​ദ്യോ​ഗ​സ്ഥ​ർ​ക്ക് ചു​മ​ത​ല ന​ൽ​കു​ന്ന​താ​ണ് പു​തി​യ പ​രി​ഷ്‍കാ​രം. നി​ല​വി​ലെ കേ​ന്ദ്രീ​കൃ​ത പ​ർ​ച്ചേ​സ് സം​വി​ധാ​നം ശ​ക്തി​​പ്പെ​ടു​ത്തു​ന്ന​തി​ന് പ​ക​രം അ​ത​ത് വി​ഭാ​ഗ​ങ്ങ​ളി​ലെ അ​മ്പ​​തോ​ളം ചീ​ഫ് എ​ൻ​ജി​നീ​യ​ർ​മാ​ർ​ക്കും ഡെ​പ്യൂ​ട്ടി ചീ​ഫ് എ​ൻ​ജി​നീ​യ​ർ​മാ​ർ​ക്കും ഉ​ൾ​പ്പെ​ടെ സം​ഭ​ര​ണാ​ധി​കാ​രം വീ​തി​ച്ച് ന​ൽ​കി​യ​ത് ഫീ​ൽ​ഡി​ലെ ജോ​ലി​ക​ൾ താ​ളം തെ​റ്റി​ക്കാ​നി​ട​യാ​ക്കി​യേ​ക്കു​മെ​ന്നാ​ണ് ജീ​വ​ന​ക്കാ​രു​ടെ ആ​ശ​ങ്ക.

പു​തി​യ സം​ഭ​ര​ണ പു​നഃ​ക്ര​മീ​ക​ര​ണ​ത്തി​ൽ ഏ​പ്രി​ൽ 30ന് ​മു​മ്പ് സ്​​റ്റോ​ക്ക് ക​ണ​ക്കെ​ടു​പ്പ് പൂ​ർ​ത്തി​യാ​ക്കി ന​ട​പ​ടി തു​ട​ങ്ങാ​ൻ കെ.​എ​സ്.​ഇ.​ബി സി.​എം.​ഡി ഉ​ത്ത​ര​വി​ൽ ആ​വ​ശ്യ​പ്പെ​ട്ടി​ട്ടു​ണ്ട്. നി​ല​വി​ലെ സം​വി​ധാ​നം ഉ​ട​ച്ചു​വാ​ർ​ക്കു​ന്ന​ത് പ്ര​ത്യാ​ഘാ​ത​ങ്ങ​ൾ​ക്കി​ട​യാ​ക്കു​മെ​ന്നാ​രോ​പി​ച്ച് ജീ​വ​ന​ക്കാ​ർ രം​ഗ​ത്തു​വ​ന്നി​ട്ടു​ണ്ട്.

നി​ല​വി​ൽ സ​െ​പ്ലെ ചെ​യി​ൻ മാ​നേ​ജ്മെ​ന്റ് വി​ഭാ​ഗം മു​ഖേ​ന​യാ​ണ് ഉ​ൽ​പാ​ദ​ന-​പ്ര​സ​ര​ണ-​വി​ത​ര​ണ വി​ഭാ​ഗ​ങ്ങ​ളു​ടെ പ്ര​വ​ർ​ത്ത​ന​ത്തി​നാ​വ​ശ്യ​മാ​യ സാ​ധ​ന സാ​മ​ഗ്രി​ക​ൾ വാ​ങ്ങു​ന്ന​ത്. കൂ​ടാ​തെ ഓ​രോ വി​ഭാ​ഗ​ത്തി​ലെ​യും ചീ​ഫ് എ​ൻ​ജി​നീ​യ​ർ മു​ത​ൽ അ​സി. എ​ൻ​ജി​നീ​യ​ർ വ​രെ​യു​ള്ള ഉ​ദ്യോ​ഗ​സ്ഥ​ർ​ക്ക് അ​നു​വ​ദി​ച്ച ധ​ന​പ​രി​ധി​ക്ക​നു​സ​രി​ച്ച വാ​ങ്ങ​ലു​ക​ളും ന​ട​ത്തു​ന്നു.

ഈ ​സ​മ്പ്ര​ദാ​യ​മാ​ണ് ആ​വ​ശ്യ​മാ​യ​ത് ഒ​ന്നി​ച്ച് വാ​ങ്ങാ​നു​ള്ള ചു​മ​ത​ല വി​വി​ധ വി​ഭാ​ഗ​ങ്ങ​ളു​ടെ ചീ​ഫ് എ​ൻ​ജി​നീ​യ​ർ, ​ഡെ​പ്യൂ​ട്ടി സി.​ഇ, എ​ക്സി. എ​ൻ​ജി​നീ​യ​ർ​മാ​ർ എ​ന്നി​വ​ർ​ക്കാ​യി വി​കേ​ന്ദ്രീ​ക​രി​ച്ച​ത്. എ​സ്.​സി.​എം മു​ഖേ​ന​യു​ള്ള ടെ​ൻ​ഡ​റു​ക​ൾ​ക്ക് ആ​വ​ശ്യ​ക്കാ​രെ കി​ട്ടാ​ത്ത​തി​നാ​ലാ​ണ് പു​തി​യ സം​വി​ധാ​ന​മെ​ന്ന് ഉ​ത്ത​ര​വി​ൽ വ്യ​ക്ത​മാ​ക്കു​ന്നു.

കൃ​ത്യ​സ​മ​യ​ത്ത് സാ​ധ​ന സാ​മ​ഗ്രി​ക​ൾ സം​ഭ​രി​ക്കാ​നാ​കു​ന്നി​ല്ല, ക​രാ​ർ നി​ബ​ന്ധ​ന​ക​ൾ​ക്ക് ഏ​കീ​കൃ​ത രൂ​പ​മി​ല്ലാ​ത്ത​ത് ബു​ദ്ധി​മു​ട്ട് സൃ​ഷ്ടി​ക്കു​ന്നു, താ​ഴെ​ത്ത​ട്ടി​ൽ സം​ഭ​രി​ക്കു​ന്ന ഒ​രേ ഉ​ൽ​പ​ന്നം കേ​ന്ദ്രീ​കൃ​ത​മാ​യും ന​ട​ത്തു​ന്നു തു​ട​ങ്ങി​യ കാ​ര​ണ​ങ്ങ​ൾ ഉ​ത്ത​ര​വി​ൽ എ​ടു​ത്തു​പ​റ​യു​ന്നു.

നി​ര​വ​ധി ത​വ​ണ വി​വി​ധ ഏ​ജ​ൻ​സി​ക​ളെ​യും വി​ത​ര​ണ​ക്കാ​രെ​യും വി​ളി​ച്ച് ശി​ൽ​പ​ശാ​ല​ക​ൾ ന​ട​ത്തി​യി​ട്ടും പ്ര​യോ​ജ​ന​പ്പെ​ട്ടി​ല്ലെ​ന്നും ചൂ​ണ്ടി​ക്കാ​ണി​ക്കു​ന്നു. എ​ന്നാ​ൽ, ഉ​ത്ത​ര​വാ​ദി​ത്ത​ത്തി​ൽ നി​ന്നു​ള്ള ഒ​ളി​ച്ചോ​ട്ട​മാ​ണ് പ​രി​ഷ്‍കാ​ര​മെ​ന്നാ​ണ് ഒ​രു വി​ഭാ​ഗം ജീ​വ​ന​ക്കാ​രു​ടെ ആ​രോ​പ​ണം. വി​വി​ധ സെ​ക്ഷ​നു​ക​ളി​ലു​ള്ള സാ​ധ​ന സാ​മ​ഗ്രി​ക​ൾ വ്യ​ത്യ​സ്ത ഇ​ട​ങ്ങ​ളി​ൽ നി​ന്ന് കേ​ന്ദ്രീ​കൃ​ത​മാ​യി വാ​ങ്ങു​ന്ന​ത് അ​ധി​ക ബാ​ധ്യ​ത​യാ​കും. അ​വ​ശ്യ സാ​ധ​ന​ങ്ങ​ളു​ടെ പ്രാ​യോ​ഗി​ക​ത വി​ല​യി​രു​ത്താ​ൻ ബു​ദ്ധി​മു​ട്ടാ​കു​മെ​ന്നും ജീ​വ​ന​ക്കാ​ർ പ​റ​യു​ന്നു.