കെ.എസ്​.ആർ.ടി.സിയിൽ സിംഗിൾ ഡ്യൂട്ടി പരിഷ്​കാരം എർപ്പെടുത്തും- തോമസ്​ ചാണ്ടി

തിരുവനന്തപുരം: കെ.എസ്​.ആർ.ടി.സിയിൽ സിംഗിൾ ഡ്യൂട്ടി പരിഷ്​കാരം ഏർപ്പെടുത്തുമെന്ന്​ ഗതാഗത മന്ത്രി തോമസ്​ ചാണ്ടി. ഡ്രൈവർമാർക്കും കണ്ടക്​ടർമാർക്കുമായിരിക്കും സിംഗിൾ ഡ്യൂട്ടി സംവിധാനം പുതുതായി കൊണ്ട്​ വരിക. മെക്കാനിക്കൽ ജീവനക്കാരുടെ ഡ്യൂട്ടി നേരത്തെ തന്നെ പരിഷ്​കരിച്ചു. ഇത്​ പ്രതിഷേധത്തിനും കാരണമായിരുന്നു.

പുതുതായി 1000 വോൾവോ ബസുകൾ വാങ്ങും. സ്വകാര്യ ബസ്​​ ലോബിയുമായുള്ള കെ.എസ്​.ആർ.ടി.സി ജീവനക്കാരുടെ ഒത്തുകളി അവസാനിപ്പിക്കാൻ പുതിയ സംവിധാനം കൊണ്ടുവരുമെന്നും അദ്ദേഹം അറിയിച്ചു. അതേ സമയം, സിംഗിൾ ഡ്യൂട്ടി സംവിധാനം നടപ്പിലാക്കുന്നതിനോട്​ തൊഴിലാളി സംഘടനകൾ അനുകൂലമല്ലെന്നാണ്​ റിപ്പോർട്ടുകൾ.